Mateo 2

E bizai manus aven te dikken e Jesuse

1O Jesus biandilo ando Belen katar e Judea, ande llivesa kana o Erodes gazdarila goia ppuv. Ondaka avile katar o oriente ando Jerusalem nesave bizai manus; von sikona katar e cheraia. 2Ta puchena:

—¿Kai talo o charo e judionengo kai biandilo? soke amen dikklam leki cherain ando oriente,#Nm 24.17. ta avilam te blagosi le.

3Kana o charo o Erodes asunda gaia orba, jolailo vou ta i sa o foro. 4Ondaka o Erodes chidia sa e mai bare poponen, ta kote sea ikkarde i e kovache e zakonoke ta puchla len kai saia te biandol o Kristo. 5Von ppende leke:

—Ando Belen katar e Judea, soke o porauko pisisarda gia:

6‘A tu Belen katar e ppuv katar e Judea,

ni san o mai minono

katar e Judeaki charoina;

soke tutar ka likel gua kai ka sikavel o drom

ta ka arakkel me foro o Israel.’#Miq 5.2.

7Ondaka o Erodes ikkarda po chorial e bizaien ta llangla o vreme chachuno kana sikadili e cherain. 8Ondaka bichalda len ando Belen, ta ppenda lenge:

—Llan incha ta puchen bizaimaia katar o minono. Ta kana ka malaven le, ppenenle mange te sai llau i me te blagosiu le.

9Kana von asunde e charo lleletar; a e cherain kai dikklea ando oriente llala angla lende lligo ni achili kote upral kai saia o minono. 10Ta kana e bizai manus dikkle e cherain, veselisaile but. 11Kana die ando cher dikkle e minone leke da, e Mariaia; ta ttodepe changenchar ta blagosisarde le. Ondaka putarde pe baulia minone ta die le sunakai, taimano, ta i mirra. 12A o Del sikada lenge ande sune te na irinpe kai o Erodes, goleke von irisaile ande pi ppuv katar aver drom.

Kana nasle ando Ejipto

13Kana e bizai manus lleletar, iek suecho e Devleko sikadilo e Joseeke ande sune, ta ppenda leke: “Uste, le e minone ta i leke da, ta nas ando Ejipto ta achi incha llik kana me ka ppenau chuke, soke o Erodes ka rodel e minone te mundarel le.”

14Ondaka kana o Jose llungadilo, lia e minone ta i leke da, ta llelotar orachaia po drom kai llal ando Ejipto. 15Ta achilo kote llik kana mulo o Erodes; te sai cherdol so ppendaia o Del katar o porauko kana ppenda: “Katar o Ejipto ikkardem me chaurre.”#Os 11.1.

O Erodes bichalel te mundaren e minonen

16Ondaka kana o Erodes acharda kai e bizai manus kojade le, lia le iek bari joli ta bichalda te mundaren sa e minonen duie bursenge ta i e mai minonen kai sea ando Belen ta i truial letar, prema o vreme kai ppendea leke e bizai manus. 17Gia cherdilo so ppendaia o porauko o Jeremias, kana ppenda: 18“Asundilo iek avazi ande Rama,

baro roipe ta kukipe.

E Rakel saia kai rovela cheres pe chaurre

ta ni kamela te den la zor, soke lake chaurre mulea.”#Jer 31.15.

Kana irisaile katar o Ejipto

19A kana mulo o Erodes, iek suecho e Devleko sikadilo e Joseeke ande sune ando Ejipto, ta ppenda leke: 20“Uste, le e minone ta i leke da, ta irisao ando Israel, soke mule gola kai rodena te mundaren e minone.”#cf. Ex 4.19-20.

21Ondaka o Jose ustilo, lia e minone ta leke da, ta llelotar ando Israel. 22A kana asunda kai o Arkelao gazdarila po ttan pe dadeko e Erodeseko, o Jose darailo te llal incha soke o Del sikadaia leke ande sune so te cherel; goleke llelotar ande Galilea, 23ta beslo ando foro kai ikkardol Nazaret, te sai cherdol so saia ppendo katar e poraukura, kai saia te ikkaren le nazareno.#Jue 13.5,7; Is 11.1.

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

Mateo 2: ROM07

Highlight

ಶೇರ್

ಕಾಪಿ