Marc 3
3
Gwella'r dyn we'i law e wedi gwywo
1-6Âth Iesu miwn i'r sinagog shwrne 'to, a we dyn 'na we'i law e wedi gwywo. A wên‐nhwy 'na in lliged i gyd in watsho Iesu i weld a fidde‐fe'n gwella'r dyn ar ddy' Sabath, achos wên‐nhwy'n gobeitho câl rwbeth in i erbyn e. Gwedodd Iesu wrth i dyn we'i law e wedi gwywo, “Safa lan in i canol fan'na fel bo bobun in galler di weld di!” Wedyn wedodd‐e wrtho nhwy, “Odi'ddi in erbyn i Gifreth i neud rwbeth da ar ddy' Sabath, neu i neud rwbeth drwg; i safio bowid riwun, neu ladd rywun?” On wedon‐nhwy ddim byd. O weld u bo nhwy mor benstiff drichodd‐e arnon nhwy'n grac, a gweud wrth i dyn, “Mistina di law mas.” A tima fe'n mistyn i law, a wedd‐i wedi gwella. Âth i Ffariseied mas ar unweth a dachre clebran da'r Herodied am shwt wên‐nhwy'n mynd i ladd e.
Gwella dinion a towlu mas cithreiled
7-12Âth Iesu a'i ddisgiblion bant i lan i llyn, a dâth crowd mowr o Galilea ar u hôl nhwy. Dâth mwy o ddinion weth o Jiwdea, o Idwmea, o ochor draw i afon Iorddonen a o ardal Teirus a Seidon. A wên‐nhwy i gyd in dwâd achos u bo nhw wedi cliwed beth wedd‐e'n i neud. Gofinodd‐e i'r disgiblion gâl cwch in barod iddo fe achos i crowd, fel na bise‐fe'n câl i wasgu. Achos i fod e wedi gwella shwt gwmint o ddinion we pob un we unryw beth in bod arnyn nhwy'n dwâd mlân i dwtsh ag e. A pan bidde isbridion drwg in i weld e, bydden‐nhwy'n cwmpo lawr o'i flân e a gweiddi “Ti yw Crwt Duw!” Ond wede‐fe wrthon nhwy'n blaen i beido gweud dim byd amdano fe wrth neb.
Dewish i douddeg
13-19Âth Iesu lan i'r mini a gweu‐'th i rhei wedd‐e moyn u gweld nhwy i ddwâd ato fe fan‐'ny. Diwishodd‐e ddouddeg o ddinion, galwodd‐e nhwy fyd in ‘apostlion’, i fod in gwmni iddo fe a i fynd mas i brigethu, a we hawl 'da nhw i dowlu mas jawled. Tima'r douddeg ddiwishodd‐e: Seimon (a alwodd‐e 'fyd in Pedr), Iago crwt Sebedeus a Ioan brawd Iago (a galwodd‐e nhwy dou in ‘Boanerges’, sy'n goligu ‘Plant i trwste’); wedyn Andreas, Ffilip, Bartholomeus, Mathew, Tomos, Iago crwt Alffeus, Thadeus, Seimon i Selot, a Jiwdas Iscariot, a 'na'r dyn fidde'n i fradichu fe.
Iesu a Belsebwb
20-30Âth e getre weth, a shwrne to we gwmint o growd 'na fel wedd‐e'n ffeili bita pryd o fwyd hyd 'n‐ôd. Pan gliwodd i dilwith am beth we'n digwydd, ethon‐nhw ati i neud rwbeth i stopo fe; achos wên‐nhwy'n meddwl na wedd‐e'n llawn llathen.
We'r dinion we'n disgu'r Gifreth we wedi dwâd lawr o Jeriwsalem in gweud bo Belsebwb in fishtir arno fe a bo brenin i jawled in i helpu fe i dowlu jawled erill mas o ddinion. So galwodd‐e arnon nhwy i ddwâd ato fe a sharadodd‐e 'da nhwy in iwso damegion, “Shwt gall Satan dowlu Satan mas? Os wes gwlad wedi troi in erbyn i hunan gall‐i ddim sefyll. Os ma teulu wedi troi in erbyn i 'unan gall‐e ddim sefyll whaith. Nawr os ma Satan wedi troi in erbyn i 'unan, mewn geirie erill mae‐e wedi'i rannu, gall‐e ddim sefyll whaith — a 'na i ddiwedd e. Sneb in galler torri miwn i dÿ dyn cryf a dwgyd i bethe fe os na fydd‐e wedi clwmu'r dyn cryf in sownd in ginta. Dim ond wedyn gall‐e ddwgyd o'i dŷ e. 'Dwi'n gweud i gwir wrthoch chi nawr, bydd pechode a cable pob un in câl u madde; ond os bydd rhywun in gweud cable in erbyn ir Isbryd Glân gall‐e byth gâl i fadde; ma'i bechod e in aros am byth.” Gwedo Iesu hyn achos u bo nhwy in gweud “Ma isbryd drwg indo fe.”
Tilwith Iesu
31-35Dâth i fam a'i frodyr a sefyll tu‐fas i ble wedd‐e, a halon‐nhwy riwun miwn i mofyn e. We crowd in ishte rown'ddo fe ar i pryd a wedon‐nhwy wrtho fe, “Ma di fam a di frodyr a di wiorydd tu‐fas in gofyn amdanot ti.” Atebodd‐e, “Pwy yw in fam a'n frodyr i?” Drichodd ar i rhei we'n ishte rown'ddo fe, a medde‐fe, “Tima in fam a'n frodyr i. Ma unryw un sy'n neud beth ma Duw am iddo fe neud in frawd a whâr a mam i fi.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Marc 3: DAFIS
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Y Beder Ifingyl gan Lyn Lewis Dafis. Hawlfraint – M ac R Davies