మత్తయ్ 8
8
యేసుంద్ ఒక్కొ మన్కకున్ సోయ్ కలెకాద్
లూక్ 5:12,16
1అముదు మెట్పొలడ్ డిగుత్ వరెఙ, డేగ్గు డేగ్గు మన్కకెరె గర్ది అమ్నున్వై వత్తెర్. 2పెర్‍దుకమ్ ఒక్కొద్ అమ్నున్వై వత్న, అమ్నున్ మొక్కుత్ ఇంతెంద్. ప్రబు, ఇనుంఙ్ మన్న అండినింతె, అన్ సోయ్ కలెంఙ్ సాలతివ.
3యేసుంద్ కెయ్య సాపుత్న పుడ్‍క్తెంద్ అని ఇంతెంద్. “అనుంఙ్ మన్ అన్సాద్ నీ సోయ్ ఎర్” వెంటాయ్ అముదు తన్నె పెర్‍దుకమ్ తన్న సోయ్ ఎద్దెంద్. 4మల్ల యేసుంద్ అమ్నున్ ఇంతెంద్. ఏరుఙి ఇదున్ బదోల్ తానయ్ ఇడ్నెమ్. గని సె అని దెయ్యలకుంఙ్ ఇన్నె సాక్సం ఓలిపుత్న మోసేనె నేకినడ్‍ ఎద్ అన్ సియెకాద్ అన్సాద్ అదున్ పురవ ఇంత్న సియ్.
యేసుంద్ రోమా ఆదికార్నె సేవకున్ సోయ్ కలెకాంద్
లూక్ 7:1,10
5యేసుంద్ కపర్నహూమ్ ఊరుఙ్ సెరెంఙ, ఒక్కొంద్ నూర్‍ సైనిక్లె దొడంద్ అమ్నున్వై వాత్న, 6యేసుకున్ వింత్తి కతెంద్. ప్రబు, అన్నె గడియాక్ ఎల్లత్ దుక్కమడ్ తెరుత్ మడీయుత్ అన్సాద్. అముదు సులెంసల్సెటా గుల్లెనా పరిసానడ్ అన్సదిసా ఇడ్తెంద్.
7యేసుంద్ ఇంతెంద్ అన్ వత్న అమ్నున్ సోయ్ కల్సాత్. 8గని రోమా సైనిక్లె దొడంద్ ఇంతెంద్. ప్రబునీ అన్నె ఎల్లంఙ్ వరెంఙ్ తోతెన్. గని ఒక్కొ గొట్టి మాత్రం ఇడ్ అన్నె గడియాక్ సోయ్ ఎర్సాద్. 9తానుంఙ్ ఇంతె అనుంఙ్ దండి అదికార్ అన్సార్ ఎన అనుంఙ్ బుడునయ్ సైనిక్ అంసార్. అన్ ఒక్కొనుంన్ సె ఇన్నెంఙ, అముదు సెసాద్. మరొక్కొనున్ వా ఇన్నెంఙ అముదు వర్సద్ అని గడియకున్ ఇదున్ కల్ ఇంతె అముదు కల్సాద్.
10యేసుంద్ అమ్నెతున్ వింత్నకమల్ కత్తెంద్ అని పవడ్ అంమమ్నున్ వెంట వత్తరున్ ఇంతెంద్. కరెయ్ “అన్ ఇముంఙ్ ఇడ్డత్ ఇస్రాయేల్ మందిన్ లోప నయ్ ఇట దండి విస్వాసున్ ఓలెతన్” 11అన్ ఇముంఙ్ కారె ఇడ్‍సాత్. పెలెటర్ మర్‍జతి మన్కకెర్ పొద్ కురినా పకతర్ అని పొద్ ఉర్కున వాలర్ వత్న పరలోక రాజ్యం కలెక లోప అబ్రాహామ్, ఇస్సాక్నె అని యాకోబ్‍ వెంట తినెంఙ్ ఉద్సార్.
12గని రాజ్యం కలెక వారిసులున్ మత్రం వాక సిర్మనత్ జొపిడెకద్ ఎరద్. అత్తి మన్కకెర్ అర్దర్ అని పల్కూ కొర్‍క్దర్. 13మల్ల యేసుంద్ రోమా సైనిక్లె దొడనున్ ఇంతెంద్. ఎల్లంఙ్ సె అన్పొయ్ ఇనుంఙ్ అనెక్ బరొసనాడ్ ఇనంఙ్ ఎరద్. అమ్నె గడియాక్ అద్ది వెలంఙ్ సోయ్ ఎదెద్.
యేసుంద్ పేతురునె పొదాలున్ అని మందిన్ సోయ్‍కలెకద్
మార్క 1:29,34; లూక్ 4:38,41
14మల్ల యేసుంద్ పేతురునె ఎల్లంఙ్ సెద్దెంద్ అని వెసానడ్ అనెకఅమ్నె పొదలున్ ఓల్‍తెంద్. 15యేసుంద్ అద్నె కెయ్యున్‍ పుడ్కతెంద్ తె అద్నెవెస్ససాయ్తిన్. అని అద్ సులుత్ ఔర్ సేవ కలెంఙ్ ఎద్దిన్.
16సింతె వేల పెలెటర్ బూతు అట్త మన్కకెరున్ అమ్నున్వై తోడ వత్తెర్. అముదు ఒక్కొది గొటినడ్ బుతులుంన్ ఎద్గతెంద్ అని సదరి దుకలకెరున్ సోయ్ కతెంద్. 17ప్రవక్త ఇడ్డెక యెసయక్ ఇడ్తగొట్టిక్ కరే ఎరెంఙ్ ఇత్న ఇద ఎద్దె. “అముదు నేండె దుక్కలున్ సోయ్ కత్తెంద్ అని నేండె రొగులున్ అముదు కుంన్తెంద్.”
యేసుంద్ సిసులెరెకాద్
లూక్ 9:57-62
18యేసుంద్ అమ్నున్ తిర్‍గొర్ అనెకరున్ ఓలుత్న పేనిత అల డర్డింఙ్ సెరెకదుంఙ్ అంమ్నె సిసులున్ ఉక్కుమ్ సియ్‍తెర్. 19అపుడ్ ఒక్కొ సాస్త్రి మన్కక్ వాత్న అమ్నున్ ఇంతెంద్, గురుజి నీ ఎదె సెరతి అదెని వర్సత్.
20గని యేసుంద్ ఇంతెంద్. కొయ్లక్ డఙెఙ కడ్ల అన్సా అని ఆబార్ తా పిట్టలుంఙ్ తుప్ప అన్సా గని మన్కనె పోరక్ తల్లున్‍ ఇడెంఙ్ జాగ తొతెద్ 21మరొక్కొ సిసుంద్‍ అమ్నున్ ఇంతెంద్. ప్రబు, పేలె అన్నే సెతన్ అన్నె బానున్ పుర్‍పెంఙ్ ఇడ్. 22గని యేసుంద్ అమ్నున్ ఇంతెంద్. అన్ వెంట వా. ఆత్మ లోప తిక్తరున్ పుర్‍పెంఙ్ తిక్తార్ అన్సార్ ఇసా ఇంతేంద్.
యేసుంద్ సురగాలిన్ ఇల్పెకాద్
మార్క 4:35-41; లూక్ 8:22,25
23యేసుంద్ ఆ రూకుత్ ఉద్తెంద్. అంమ్నె సిసు అమ్నున్ వెంట రూకుత్ ఉద్తెర్ మల్ల ఔర్ సమ్దురుత్ సెరెంఙ్ ఎద్దెర్. 24అపుడ్ దండి సురగాలి సముద్రత్ వత్తిన్ అని ఆలావ రూకుత్ తాక్తె గని యేసుంద్ మంఙ్ సాని అన్నెద్. 25సిసూ అమ్నున్వై సెత్న అమ్నున్ సుల్పతెర్ అని ఇంతెర్ “ప్రబు” అముంన్ బత్కిప్ నేండ్‍ సదర్‍ మంది సముద్రత్ ముల్ఙగంసా నంసాతుమ్,
26మల్ల అముదు ఔరున్ ఇంతెంద్, ఉసుటినాయ్ విస్వాసం కొన్సెం అనెకర్ నీర్ తనుంఙ్ అర్సాతీర్? మల్ల అముదు సుల్తెంద్ అని గాలీన్ అని దుందాడున్ దట్టిప్తెంద్ అని సిమ్కన సుయ్ ఎద్దిన్. 27మన్కకెర్ కమాల్ కత్తెర్ అని ఇంతెర్ ఇమ్‌దు ఎంటదొ? గాలి అని దుందడ్ ఇమ్నెతున్ విసా.
యేసుంద్ దెయ్యం అట్తరున్ సోయ్‍కలెకద్
మార్క 5:1-20; లూక్ 8:26-39
28గదరేనీయ దేసెముత్ ఆలా డర్డింఙ్ యేసుంద్ వత్తెందింతె, తప్నె తనట్ వత్తర్ ఇద్దర్ బూతు సుంత మన్కకెర్ అమ్నుంఙ్ బేటి ఎద్దేర్ ఔర్ గుల్లెన రగ్టకెర్ అండెర్, ఆ పావడ్ ఎరి సెరెంఙ్ సాలెర్. 29ఔర్ వపొయుత్ ఇంతెర్, ఏ దెయ్యమ్నె పోరక్! అన్నతి ఇన్నెత్ తనెద్ అన్సాద్? వేల వరెంఙ్ పేలెయ్ అనుంఙ్ తక్లిబ్ సియెంఙ్ వత్తివా?
30ఔరుంఙ్ మెర తుర్రెలె గూల్ దండి మంద మెయ్సనంద్. 31ఆ బూతు యేసునున్ వింతి కత్తె అమున్ ఎద్గసాతి ఎర తె, ఆ తుర్రెలె మందత్ అమున్ పన్కు.
32మల్ల అముదు అదవ్లున్ సెర్ ఇతెంద్. మల్ల అద బూతు కురియ్తె అని తుర్రెలె సొంఙ్ తె. ఆ మందత తుర్రె సిమ్కన డుబ్లె తన తూల్‍ వత్ సందూర్ లోప ఉర్కూత్ తిక్తె.
33తుర్రె మెపెకర్ తుటెర్ అని ఊరుఙ్ లోప సెత్ సిమన్ గొట్టికున్ అని బూతు సుమ్త మన్కకెరున్ జర్గిల్తదున్ ఇడ్తెర్. 34మల్ల సిమన్ ఊరార్ యేసునున్ ఓలెంఙ్ కురియుత్ వత్తేర్. ఔర్ అమ్నున్ ఓలుత్న ఔరె బార్సాంఙ్ తనట్ కుర్యుత్ సెరెంఙ్ ఇసా అమ్నున్ వింతి కత్తెర్.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
మత్తయ్ 8: NTKP24
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The New Testament in Kolami Language © The Word for the World International and Kolami Kolami Nawa Jivan Kristi Madadi Chaprala Madal Bela, Adilabada, Telangana, India. 2024
