Matí Injíl 5
5
V. PACHMÍ BÁB.
1Ummat díṯẖo kohá charhṯẖo nishta. Áṉhí shágird nazík áḵẖtag̱ẖant. 2Guḍá saláh khanag̱ẖá khapto gwashtai, ki
3Hawáṉ álam mubárakant, ki dilá g̱ẖarívant; bihisht áṉháṉíg̱ẖe.
4Hawáṉ mubárakant ki dilgírant; áṉhání tarsallá bí.
5Hawáṉ mubárakant ki nekniyatant; jihán wáris haweshant.
6Hawáṉ mubárakant ki rástbází sángá shuḏẖí thuníg̱ẖant: ser bant.
7Hawáṉ mubárakant ki rahm khanoḵẖant: áṉhání chaka rahm bí.
8Hawáṉ mubárakant ki dilá sáfant: Huḏẖár gindant.
9Hawáṉ mubárakant ki hair khanoḵẖant: áṉháṉrá Huḏẖá bachh khanant.
10Hawáṉ mubárakant ki rástbází sángá dukhí bíṯẖag̱ẖant: bihisht áṉháṉíg̱ẖe. 11Shá mubárake ki álam shuár zá deant dukh deant, shai sará de dirog̱ẖe hál bandant, mai nám sángá. 12Whash bie, sakhia whash bie, ki bihishtá shai inám mazan bí ki hacho nabiar dukh dáṯẖa ki azẖ shá pheshá jiháná shashtáṯẖa.
13Jihán wháḏẖ sháe; wháḏẖar maza gár bí, chirangá maza dá; khase kárá ne; dará phirenant, rand‐khanantish. 14Jihán rosh sháe; shahr ki kohá tahainṯẖa, likenṯẖa na khanant. 15Chirág̱ẖ rokhanant, topav buna na írkhanant, chirág̱ẖdán chaka írkhananti: guḍá mardar ki log̱ẖá bant, rosh khat. 16Írge shai rosh mardom dem̱vá rosh khat ki shai jawáeṉ kár gindant, shai Phiṯẖar de galáant ki bihishtá asti.
17Dihán ma khane ki tauret wa nabí kitáv gár khanag̱ẖá áḵẖtag̱ẖán: phílav khanag̱ẖá áḵẖtag̱ẖáṉ, na gár khanag̱ẖá. 18Ráste gálwar gusháṉ, Dánkho ki ázmán wa jihán gár na bant, tauret ya nukta, ya harf gár na bí; har gálwar phílav bí. 19Har khas ki tauret kastare hukm borení, bihishtá azẖ thewag̱ẖe kastar bí. 20Ma gusháṉ ki shai rástbází azẖ Farísí rástbázíá mastar naví, bihishtá mundo na rawe.
21Shá ashkhuṯẖa ki phíruká hukm dáṯẖa ki, Thau hoṉ ma gir; har khas ki hoṉ girt, adálat shazá laik bí. 22Ma gusháṉ ki har khas ki waṯẖí bráṯẖ sará zahr girt, adálat shazá laik bí: har khas ki waṯẖí bráṯẖar gushí Ráka, mazeṉ majlis dastá shazá laik bí: har khas ki gushi Thau asule ganoḵẖe, dozẖakk laik bí. 23Thau ki kurbángáh sángá naḏẖar kárí, hawoḏẖa thará gír bí ki mai sará mai bráṯẖ dáhn khat, 24waṯẖí naḏẖar kurbángáh dem̱vá bil dehá baro, pheshá go waṯẖí bráṯẖá hairá khán, phaḏẖá naḏẖar írkhan. 25Dáhn‐deoḵẖ go thau dagá goṉ khafí, zíṯẖeṉ hairá khan: hacho ma ví ki dáhn‐deoḵẖ thará kází dastá dá, kází de thará sipáhí dastá dá, guḍá thau kaizi bí. 26Ma thará ráste gálwar gusháṉ ki shawoḏẖa thau mundo na darkhafí, dánkho ki har panjí na sijainṯẖa.
27Shá ashkhuṯẖa ki phíruká hukm dáṯẖa ki, Thau ziná ma khan. 28Ma gusháṉ ki har khas ki zálear gindí, áshak bí, go áṉhí phajiá dilá siyáh bíṯẖa. 29Thai ráste chham thará ráh raḏẖ khat, khash phireni, ki thai sángá haire hál haweshe ki yake chham gár bí, na ki thai thewag̱ẖe jind dozẖakká ro. 30Thai ráste dast thará ráh raḏẖ khat, bur, phirení, ki thai sángá haire hál haweshe ki yake bázú gár bí, na ki thai thewag̱ẖe jind dozẖakká ro. 31Hawí gálwar de aulá gwashta ki mard ki waṯẖí zál raḏẖí khat, talák‐námá dá. 32Ma gusháṉ ki har khas ki waṯẖí zál thih sababá raḏẖí khat, zinag̱ẖ sababá na, áṉhiar siyáh khat: har khas ki sír khat go raḏẖí zálá, waṯẖ zinag̱ẖ khat.
33Thíbare shá ashkhuṯẖa ki phíruká hukm dáṯẖa ki, dirog̱ẖe saug̱ẖan ma zír, waṯẖí saug̱ẖan Huḏẖá dem̱vá phílav khan. 34Ma gusháṉ ki saug̱ẖan hachi ma zír; ázmán saug̱ẖan ma zír, ki Huḏẖá taḵẖte. 35Jihán saug̱ẖan ma zír, ki áṉhí pháḏẖ hande. Yarusalam saug̱ẖan ma zír ki mazeṉ Bádsháh shahre. 36Waṯẖí sag̱ẖr saug̱ẖan ma zír ki thau ya phute saweṯẖ, siyáh, khuṯẖa na khanai. 37Írge, shai gálwar bí, hau hau, na na: har gálwar ki ziáḏẖag̱ẖ bí, gandag̱ẖ bí.
38Shá ashkhuṯẖa ki írge gálwar bíṯẖa, chham iwaz chham bí, dathan iwaz dathan bí. 39Ma gusháṉ go gandag̱ẖe mardá ma mir: khas ki thai ráste kalág̱ẖá chápol jat, chappe kalág̱ẖá áṉhí dem̱vá khan. 40Khase thai sará kurtí girag̱ẖá dáhn dá, phushtí de áṉhiar de. 41Khase zorákhe mard ya ko phajiá bárt, go áṉhí phajiá do ko baro. 42Khase azẖ thau chiye loṭí, áṉhiar de; azẖ wám giroḵẖe mardá, dem̱vá phusht ma khan.
43Shá ashkhuṯẖa ki hawi gálwar de aulá gwashta, go waṯẖí tuman mardá dostí khan, go waṯẖí duzẖmaná duzẖmaní khan. 44Ma gusháṉ go waṯẖí duzẖmaná dostí khane; mard ki shuár dukh deant, áṉhání sángá duá loṭe. 45Guḍá shá waṯẖí phiṯẖ bachh bie, ki bihishtá asti, ki Huḏẖá gandag̱ẖe mardar de rosh dá, jawáen mardar de dá: rástbáz mardar de, dirog̱ẖe mardar de haur dá. 46Shá dostí khane go áṉhání ki shai dostí khanant, guḍá chih kasar bí. Mahsúl‐giroḵẖ de hacho na khanant? 47Shá waṯẖí bráṯẖ salám khane, thih mard salám na khane, chih jawáen kár haweshe? írge thih‐siyál na khanant? 48Cho ki shai Phiṯẖ kámilê ki bihishtá asti, írge shá de kámil bie.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Matí Injíl 5: BGPRMAT
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Published in 1884 for the Punjab Bible Society.
