Juan ilisant'iyijpe
ilisant'iyijpe
Jlampet siu'nie Juan jilisanik 'yakaj ti 'wanjli isiame, 'yina jlampa poye siuniwa ijia imp'esijna' siunie Marcos ilisane, siu'neje ni Lucas ilisane, siu'neje ni Mateo ilisane pet. Kajeyepa ti a'wena ti je iyo'ate niwa ijia jilisajna', siupuwa jlamtis t'ipi pa Jesús siupapo ijia je ijwilk'iji'n puwak ijwi'il pet pa Juan, siu'neje puwa iyot'iyipi. Juan i'wi'in wikie'eyi pi iyo pa Jesús, kajeyepa jlomas ti yamk'iji'n. Paka'ne pa tiwonaja 'ate “'neyasanik ti ineminik” (13.23, 21.20).
Juan siunie ijiat ti jikiwet je iliene'eyi, naka siunie ti 'yakajanit'i ape'e ni Jesús, siunie iyo ti inijwe'el. Siunie inia'an ni iyo ti ijwi'il yi'i ni siunie ti jwamjla'a ti ijwi'il (1.1-18), siunie ti ijwi'il ti Jesús ti jla'am Sinia' jlamtis ti iyo jiwats'oye. Sekyi'i iyoye i'nioye ti yi' kiowe'e napo i'nio' 'yina jlampet siuniwa wask'i'nelaja iyot'iyipi ti yisi'lietk'i papo i'nio', niwa siuniwa Juan iyone 'ate “inia'an k'iye siuniwa japoye”. Lapakawo ti niwak 'yakajanit'i ape'e ti Jesús tajle pa Sinia'.
Siuti Jesús taka'neyasa'n ini'yejnap jiwek niwa wask'i'nelaja niwa a'wena iyoye'ate ti iyo'ate, “Ya'am woyek'i'm siojona ti iyo i'wasankiyeja'” (6.35), “Ya'am jika katesk'i'm napo i'nio' yi' ape'e 'ni ajnat” (8.12), “Ya'am siunie 'wuk kiwet siunie iniuyi'ni niwa sontas” (10.7), “Ya'am sontas jiwok'i'm siunie ti 'es” (10.14-15), “Ya'am siunie ti yapilietak'i pijia'm napok 'yajle'n, siu'neje ti in'wasankiyek'i'm” (11.25), “Ya'am 'nayik'i'm, siunie ijiatk'i, siu'neje ti ya'am ti in'wasankiyek'i'm” (14.6), 'yina “Ya'am siojona ti ijiate ti ts'ejniek jit'io” (15.1). Tepa jawo ka Jesús je i'yejnap 'niwaka, 'yina ti iyo ka kasts'ajane pet paka iyonaja siunie ti Sinia' iyoyi Si'wajietiye siojona si'wasankiye ti t'o'n, Sijwajieti siukia iyo naka kasts'esi. 'Yina siunie ti je ikakiu siu'neje ni yamk'ijin'ni naka ti yiyi janak i'wasankiye 'nakayi.
Jlampet siojona capítulo 13 yiyi jana 17 nak it'imina pet ti kasts'ajane pi awonaja siuniwa jlamtis iyot'iyipi pa Jesús ti ijwijla'm papo t'eyasajnas ti je tojwa'a ka jikojwas inki'me, siunie ti tikiniejayi ti ja tik'iejwata'a japa cruz. 'Yina jla'am 'yakeljliyi papo t'eyasajnas ti iyo ka iniwakajlanitis ta'a k'iye siojona ti janeyi ti jantal jikiowe'e, sekyi'i t'ajlak'i ape'e.
Yi'i jana capítulo 20 ti yi jlaja ijwi'il siunie it'imina pa Juan ti iyo ka ne'ne ni jip'esinik. Naka siunie ti iyo'ate: “Tepa jawo ka je tenaja ti nakaye ti jant'emina ka je akakiuye ja Jesús, ti ijiate ti Sinia' jlas, Injwajieti ti Sinia' jijliujwanik, 'nakayeyijna'a ti ja'wena' jana a'wasankiye ti t'o'n, siunie ja ke inkakiu” (20.31).
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Juan ilisant'iyijpe: CRT97
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Nuevo Testamento en Chorote © Sociedades Biblicas Unidas, 1997.