Matej 9
9
O Isus sastarel e line manuše
(Mk 2,1–12; Lk 5,17–26)
1Gajda o Isus dija ando čamco, otplovisardas pe okoja rig ande piro gav. 2Okote andine lešće e line manušes pe nosilja. Kana o Isus dikhla lengo paćipe, phendas e line manušešće: “Na dara čhaveja, jartompe tuće ćire bezeha!”
3A varesave katar e sikavne e Mojsiješće zakonestar phendine ande peste: “Dik akava hulil po Del!”
4O Isus džanglas lenđe gndimata thaj phendas lenđe: “Sostar gajda gndin bilačhe ande tumare ile? 5So si maj loće te phenel pe: ‘Jertome si tuće ćire bezeha’ ili: ‘Ušti thaj phir’? 6Ali, te džanen kaj man, e Čhaves e Manušešće si vlast pe phuv te jartosarv e bezeha.” Askal phendas e line manušešće: “Ušti, le ćiri nosilja thaj dža tuće ćhere!” 7Vo uštilo thaj đelotar pire ćherešće. 8Kana godova dikhla o but o them, darajlo thaj ačhilo te slavin e Devle, savo dijas kasavi vlast e manušenđe.
O Isus akharel e Matejes
(Mk 2,13–17; Lk 5,27–32)
9Kana o Isus džalastar okotar, dikhla e manušes savo akhardolas Matej sar bešel po than kaj poćinelaspe o porezo. O Isus phendas lešće: “Av pale mande!” O Matej mukla sa, uštilo thaj teljardas pale leste.
10Dok o Isus sas pale sinija ande Matejesko ćher, avile okote e but carinikurja thaj aver bezahale manuša thaj hanas zajedno lesa thaj lešće učenikonenca. 11Kana godova dikhline e fariseja, pučline e Isusešće učenikonen: “Sostar tumaro sikavno hal e carenikonenca thaj e bezahalenca?” 12A o Isus ašundas godova thaj phendas lenđe: “Či trubun e saste e doktore nego e nasvale. 13Nego, sićon so akava značil: ‘majbut voliv te aven milosrdne, nego te prinosin manđe žrtve.’ Me hav e bezehalenca zato kaj či avilem te akharav e pravednikonen, nego e bezehalen te pokajin pe.”
O Isus sikavel palo posto
(Mk 2,18–22; Lk 5,33–39)
14Askal aviline ko Isus e učenikurja katar o Jovano savo bolelas thaj phučline les: “Sostar ćire učenikurja či postin sago amen thaj e fariseja?”
15A o Isus phendas lenđe: “Tugujin li e svaturja dok si o džamutro lenca? Nisar! Nego avela o đes kana otmina lendar e džamutre thaj askal vi von postina. 16Nego, khonik či suvel o nevo kotor pe pharadi haljina sar učhardasas e hv, kaj kana thovelape e haljina o nevo kotor ćidela pe thaj avela još majbari hv. 17Niti čhol pe e nevi mol ande purane morćhaće traste, kaj kana e nevi mol dela vras thaj buljola, pharavela e morćhaće traste, a e mol čhordola pe. Nego e nevi mol čhol pe ande neve morćhaće traste, gajda avena arakhade vi e mol vi e morćhaće traste.”
O Isus sastarel zbog o baro paćipe e manušengo
18Dok o Isus još motholas lenđe, avilo leste jek upravniko e sinagogako thaj pelo angle leste pe koča thaj phendas lešće: “E čhej mungri muli, ali tu av thaj čho ćo vas pe late thaj voj trajila.” 19O Isus uštilo thaj teljardas pale leste pire učenikonenca. 20A varesavi manušnji savi sas nasvali dešuduj brš gajda kaj o rat thavdelas latar, avili pale lešće zeja thaj astarda pe e ćoškostar katar lešći haljina. 21Kaj gndisardas ande peste: “Te astarde ma samo palo ćoško katar lešći haljina, avav sasti.” 22O Isus bolda pe, dikhla pe late thaj phendas: “Na dara čhejo. Ćiro paćipe sastarda tut.” Thaj e manušnji sastili isto časo. 23A kana o Isus avilo ando ćher e upravnikosko, dikhla e pogrebne sviračen thaj e themes sar kućin. 24O Isus phendas: “Inkljen avri! Kaj e čhori či muli, nego sovel.” A von asajine lestar. 25Kana o them sas tradino avri, o Isus dija andre thaj astarda e čhora palo vas, thaj e čhori uštili. 26Thaj o glaso pale akava so dogodisajlo ašundilo po sasto than godole krajosko.
O Isus sastarel e kore thaj e nemo manušen
27Kana o Isus đelotar okotar, teljardine pale leste e duj kore manuša thaj čhonas muj pale leste: “Smilujisar tut amenđe, Čhaveja e Davidosko!” 28Kana o Isus dija ando ćer e kore manuša avile pale leste, a o Isus phučla len: “Dali paćan kaj šaj te sastarav tumen?” A von phendine lešće: “Ej, Gospode, amen paćas!” 29Askal čhuta pire vas pe lenđe jakha thaj phendas: “Neka avel tumenđe sar paćan!” 30Thaj ande godova časo lenđe jakha sastile. A o Isus askal phendas lenđe: “Na phenen khonikašće pale akava.” 31Ali von inkljistine andar o ćher thaj mothonas po sasto godova krajo pale leste. 32Dok von inkljenas, odma pale godova andine leste e manušes savo sas nemo kaj o bilačho duho sas ande leste. 33O Isus trada e bilačhe duho andar o nemo, thaj o nemo manuš odma počnisarda te ćerel svato. E manuša sas zadivime thaj phenenas: “Gajda vareso još či dikhlam ando sasto Izrael!” 34A e fariseja phenenas: “Vo tradel e bilačhe duhonen gajda kaj pomognil lešće o poglavica e bilačhe duhonengo.”
O Isus dićel e manušenđe potrebe
35Gajda o Isus džalas pe sa e bare thaj cikne gava thaj sikavelas e manušen ande lenđe sinagoge, navestilas e Bahtali nevimata pale Devlesko carstvo thaj sastarelas e nasvalen katar svako nasvalipe thaj nemoć. 36A kana o Isus dikhla e bute themes, sažalisajlo pe lende, kaj sas iscrpime thaj bespomoćne sago e bakhre bi e pastiresko. 37Askal phendas pire učenikonenđe: “E žetva si bari, a radnikurja si cara. 38Zato molin e Gospodare katar žetva te bičhalel e radnikonen ande piri žetva.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Matej 9: RČB
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
