Matej 10
10
O Isus bičhalel e dešuduj apostolen
1O Isus akhardas peste pire dešuduj učenikonen, thaj dijalen vlast pe bilačhe duhurja thaj te sastaren svako vrsta nasvalipe thaj slabost. 2Akava si e alava katar e dešuduj apostolurja:
O Simon (saves akharenas Petar),
o Andrija (e Petresko phral),
o Jakov (e Zevedejevesko čhavo),
o Jovano (e Jakovesko phral),
3o Filip thaj
o Vartolomej,
o Toma thaj
o Matej (o cariniko),
o Jakov (e Alfejevesko čhavo) thaj
o Tadej,
4o Simon pobunjeniko thaj
o Juda Iskariotski (savo izdaisarda e Isuse).
5O Isus bičhaldas akale dešudujen thaj zapovedisardas lenđe: “Na džan ke o kola save či pindžaren e Devle thaj na den ande ni jek Samarijansko gav, 6nego džan samo ko them save si hasarde bakhre e israelošće. 7Džan thaj propovedin lenđe kaj si paše o carstvo nebesko. 8Sastaren e nasvalen thaj okolen saven si guba, vazden e mulen, thaj traden e bilačhe duhonen andar e manuša. Ivija dobisardine, ivija vi den. 9Na steknin tumenđe ni sunakaj, ni rup, ni bakarne lovora ande tumare pošća, 10niti dromešći trasta niti aver gada niti još jek paro sandale, niti rovlji palo drom, kaj o radniko zaslužil te dobil piri poćin. 11A kana den ande varesosko gav, roden e manušes savo si dostojno te ačhen ande lesko ćher sa dok či teljaren majdur andar godova gav. 12A kana den ande godova ćher, phenen: ‘Miro tumenca.’ 13Thaj ako godova ćher kamel te primil tumen, neka tumaro miro avel pe leste. Ali ako o ćher či kamel te primil tumen, neka tumaro miro boldelpe tumenđe. 14A te vareko či primila tumen thaj či čhon kan so phenen lenđe, inkljen andar godova ćher ili godova gav thaj ćhinon o praho katar tumare pungre, te na avel tumen khači lenca. 15Čačes phenav tumenđe: Majloće avela e gavenđe e Sodomaće thaj e Gomoraće ando đes e sudosko nego godole gavešće.”
O Isus phenel kaj avela o progonstvo
16O Isus majdur motholas: “Ake me bičhalav tumen sago e bakhren maškar e ruva. Zato aven mudre sago e sapa, a bezopasne sar e goluburja. 17Len tumen sama, kaj varesave manuša predaina tumen pe sudurja, thaj bičuina tumen ande pire sinagoge. 18Zbog mande inkalena tumen angle vladarja thaj angle carurja, godova avela prilika te svedočin pale mande okolenđe kaj či pindžaren e Devle. 19A kana predaina tumen, na daran so phenena, kaj ande godova časo dela pes tumenđe so te phenen. 20Kaj či ćerena svato tumen, nego o Duho tumare nebesko Dadesko ćerela svato kroz tumende. 21O phral e phrale predaila te mudaren les, a o dad e čhavres. E čhavra vazdena pes pe pire dada thaj pe pire deja thaj predaina len te aven mudarde. 22Savora mrzana tumen zato kaj sen mungre učenikurja, ali ko god ačhel verno džiko krajo avela spasime. 23Kana progonina tumen ande jek gav, tumen našen ande aver! Čačes phenav tumenđe či aresena te završin tumaro poslanje pe sa e izraelske gava majsigo nego so me, o Čhavo e Manušesko, avava. 24Nijek učeniko naj majbaro katar piro sikavno, niti o sluga katar piro gospodari. 25Dovoljno si e učenikošće te avel sago lesko sikavno, a e slugašće te avel sago lesko Gospodari. Ako man e domaćine akharenas Veelzevul – Sotona, kozom askal bišukar alavenca akharena tumen mungre ćherutnen?”
Kastar trubun te daran
26O Isus majdur phendas: “Zato na daran katar okola save pretin tumenđe kaj sa so si garado dićhola thaj sa so si tajno ašundola. 27Okova so phenav tumenđe ande tama, tumen phenen po svetlo thaj okova so phenelpe tumenđe po kan objavin katar e krovurja. 28Na daran katar okola save šaj te mudaren samo o telo, a naštik mudaren e duša. Nego, daran katar o kova savo šaj te uništil o telo thaj e duša ando pakao. 29Či li bićinenpe duj vrapcurja pale jek kovano lovoro? A ni jek lendar či perel pe phuv, a te pale godova tumaro nebesko Dad či džanel. 30A tumenđe si vi sa e bal po šoro đinade. 31Zato na daran! Kaj tumen vredin majbut katar e but e vrapcurja. 32Dakle ko god priznail angle manuša kaj si mungro učeniko, priznaiva vi me les angle mungro Dad nebesko. 33A ko god odreknil pes mandar anglo them, vi me odrekniva man lestar anglo mungro Dad nebesko.”
Ko si dostojno te služil e Isuseše
34O Isus nastavisardas te mothol: “Na gndin kaj avilem pe phuv te anav miro. Či avile te anav miro, nego o mačo. 35Avilem te odvojiv
‘e manuše katar lesko dad,
e čheja katar laći dej,
thaj e borja katar laći sokra.
36E manušešće dušmaja avena okola save trajin lesa ando ćher.’
37Ko volil pire dades ili pire deja majbut nego man, naj dostojno te avel mungro učeniko. Ko volil pire čhaves ili pire čheja majbut nego man, naj dostojno te avel mungro učeniko. 38Ko či lel piro trušul thaj či džal pale mande, naj dostojno te avel mungro učeniko. 39Ko kamel te zaštitil pesko trajo hasarela les, a ko hasarel piro trajo zbog mande zaštitila les.”
O Del nagradila okolen save primin e učenikonen
40“Ko tumen primil, man primil, a ko primil man primil e Devles savo bičhalda man. 41Ko primil e proroko zato kaj si proroko, primila e proročko nagrada, a ko primil e pravedniko, zato kaj si pravedniko, dobila pravedničko nagrada. 42Thaj ko napoil jećhe katar akala majcikne vi samo tahtaj šudre pajesa, zato kaj si mungro učeniko, čačes phenav tumenđe lešći poćin či propadnila.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Matej 10: RČB
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
