Matej 7
7
O Isus sikavel te na osudisaras avren
1O Isus majdur phenelas: “Na sudin, thaj či sudilape tumenđe. 2Kaj sar tumen sudin averenđe, gajda o Del po isto način sudila tumenđe. Sar tumen merin averenđe, gajda vi o Del merila tumenđe. 3Sostar dićhes e kaštešći prušuk ande jak ćire phralešći, kana či haćares o baro kaš ande ćiri jak? 4Sar šaj phenes ćire phralešće: ‘Ažućar te inkalav e kaštešći prušuk andar ćiri jak’, kana o baro kaš si tut ande ćiri jak? 5Licemernona! Majsigo inkal o baro kaš andar ćiri jak, thaj majlačhe dićheja te inkales e kaštešći prušuk andar ćire phralešći jak. 6Na den e džućhelenđe okova so si sveto thaj na čhuden e biserja angle bale, te na uštaven len e pungrenca thaj askal boldenpe protiv tumende thaj te rastrgnon tumen.”
O Del uslišil amare molitve
7O Isus majdur phenelas: “Molin tumen thaj delape tumenđe! Roden, thaj araćhena! Maren po vudar thaj putrela pe tumenđe! 8Kaj svako ko molil, primil, ko rodel, araćhel, a ko marel po vudar, putrel pe lešće. 9Ko tumendar kana lesko čhavo manglasas lestar mangro, dijasas les bar? 10Ili kana manglasas lestar mačho dijasas les sap? 11Ako tumen, vi ako sen bilačhe manuša, džanen te den lačhe darurja tumare čhavrenđe, kozom majbut tumaro nebesko Dad dela lačhipe okolen save manđen lestar?
12Sa, dakle, so kamen te e manuša ćeren tumenđe, ćeren vi tumen lenđe, kaj godova si okova so sikavelas o Mojsijesko zakono thaj e prorokurja.”
O Isus sikavel kaj si o drom džiko nebo pharo
13O Isus majdur phenelas: “Den andre po usko vudar. Kaj o bulo vudar thaj o bulo drom inđaren ando propast thaj but si okola save godole dromeja džan. 14Sar si usko o vudar thaj tesno o drom savo inđarel ando trajo, cara si okola save araćhen les!”
E hohamne prorokurja thaj lenđe plodurja
15O Isus majdur phendas: “Len tumen sama katar e hohamne prorokurja, save aven tumenđe ande bakhrani morćhi, a andral si ruva save kamen te han tumen. 16Pindžarena len pe lenđe plodurja. Dali katar e kangre kušenpe e drak, ili e smokve katar e čičkurja? 17Isto gajda, svako lačho kaš bijanel lačhe plodurja, a o bilačho kaš bijanel bilačhe plodurja. 18Naštik o lačho kaš bijanel bilačhe plodurja, niti o bilačho kaš šaj bijanel lačhe plodurja. 19Svako kaš savo či bijanel lačhe plodurja, čhinelape thaj čhudelpe ande jag. 20Isto gajda pindžarena e hohamne prorokonen pe lenđe plodurja.”
O Isus sikavel kaj o nebesko Carstvo si pale poslušne učenikurja
21O Isus majdur phenelas: “Či dela ando Carstvo nebesko svako ko phenel manđe ‘Gospode, Gospode!’ Nego okova savo izvršil e volja mungre Dadešći savo si ando nebo. 22But džene avena po sudo ande godola đesa thaj phenena manđe: ‘Gospode, Gospode, zar či prorokujisardam ande ćiro alav? Zar či thradasas e benđen ande ćiro alav? Thaj zar či ćerasas but čudurja ande ćiro alav?’ 23Askal priznajiva lenđe: ‘Nikad či pindžaravas tumen. Džantar mandar, tumen save kršin e Devlesko zakon!’”
O mudro manuš paćivalo si okolešće so o Isus sikavel
24O Isus majdur phenelas: “Prema godova, svako ko čhol kan ke akala munge alava thaj gajda ćerel, mudro si sago o manuš savo gradil piro ćher po čvrsto temelji. 25Pelo o bršnd, navalisada e bujica, phurdas e balval thaj peklas ando godova ćher, ali o ćher či pelo kaj sas sagradime po čvrsto temelji. 26Naprotiv, svako ko čhol kan ke akala mungre alava, ali či ćerel gajda, slično si sago o dilo manuš savo sazidosardas piro ćher po pesko. 27Pelo o bršnd, navalisarda e bujica, phurdas e balval thaj peklas ande godova ćher, thaj o ćher pelo džiko temelji.”
28Kana o Isus sas gata godole alavenca, o but o them čudilaspe lešće sikavipešće, 29kaj sikavelas sago okova saves si autoriteto, a na sago lenđe sikavne e Mojsiješće zakonestar.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Matej 7: RČB
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
