Luk Mebandu me sanguvu ye Luke
Mebandu me sanguvu ye Luke
Luke eke dze Zwifi. Wangu eke dze tima ye betuma be Zezu Klɨsti iku ne bole, ni wangu esukudzeke ni pole se midzuŋga myedzi ne uyamene wangu se dzanza dzedzi. Luke ni we vele tende sanguvu ye bitsika bye betuma. Se sanguvu yi Luke abanda ne utanda ati, wangu efumba ni tanda mamvu mesi mesuta ne Zezu uve uve. Luke etende mamvu mene ni ne Bezwifi ne ne batu be mekaka moko, yayu bangu beyiba ati, me belakise bangu medzi ni umbu. Luke atanda mamvu meyitsi me itondo dze Zezu: Itondo dze Zezu, etondo batu be uŋkuuna, be bileme, batu ne benzenze.
Sanguvu yi, bakabene yaŋgu biliyi untsami:
Liyi ye wika nzii ne ye unyole: Luke awowe nda bedziya Zambatisi ne Zezu. Wangu atanda nda Maliya, Zakali ne Simeyon bekumise Nzambi ne nda bangu benene.
Liyi ye unsatu nzii ne ye unayi: Wangu alaka nda Zambatisi eya yebise peyi ye Zezu, nda Zan ekaba Zezu meteme, nda Satan emaama Zezu.
Liyi ye unayi nzii ne ye bitanyi ne binayi: Wangu alaka me Zezu epika se ngundu ye Galile: Zezu alakise iwowe dze Nzambi, alungise ne mibedzu.
Liyi ye bitanyi ne binayi nzii ye iku ne bitanyi ne binayi: Wangu alaka ati Zezu ateme Galile ne utse Zeluzalemi. Se liyi ye sanguvu yedzi, Luke awowe ne mamvu moko meyitsi me nde se bisanguvu byoko, ne moko meyitsi me Zezu elakise ne milivile mye nda muutu we samali we mamvu meve, muutu we Untamvu we wuka, ne ŋwana we ibaka we nyongo bayene.
Liyi ye iku ne bitanyi ne binayi nzii ne ye meku mole ne yotu: Wangu awowe ne me Zezu epika Zeluzalemi ne medzi elakise wayu.
Liyi ye meku mole ne byole, nzii ne ye meku mole ne bisatu: Wangu awowe ne membaba ne liku le Zezu. Yedzi ewowe ne dze binyusili bye Zezu, ne nda wangu elaka nyulu ne bebingi bedzi.
Liyi ye meku mole ne binayi: Luke amana tende sanguvu yedzi atanda nda Zezu ebita ikulu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Luk Mebandu me sanguvu ye Luke: WUM
Highlight
ಹಂಚಿಕೊಳ್ಳಿ
ಕಾಪಿ
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES