Lukas 21

E love kai dia e phivli chorri

Mk 12.41-44

1O Jesus dikhela sar e llene barvale thovena love ande baulicha kote kai llan e love dine, 2ta i dikhla kai iek phivli chorri thovela dui tolaricha jarkune. 3Ondaka phenda:

Chachimaia phenav tumenge kai gaia phivli dia mai but neko sa e llene, 4soke sa die katar so ni trubula len, a voi, ande po chorripe, dia sa so saia la te zivil.

O Jeus phenel kai o cher e Devleko ka avel peradino

Mt 24.1-2; Mk 13.1-2

5Nesave llene dena orba katar o cher e Devleko, katar o sukaripe katar leke barra ta katar e ezgode dine kai sea pe lende. O Jesus phenda:

6Ka aven llivesa kai sa gava kai tumen dikhen ni ka achel iek barr upral pe aver. Sa ka avel zatrime.

E ezgode kai nakhel e phuv ka phenen kai o son si pase.

Mt 24.3-28; Mk 13.3-23

7Ondaka puchle le:

Kovachi, ¿kana ka aven gala ezgode ta save ezgode ka sikaven kai sa gava si pase te avelpe?

8O Jesus phenda:

Arakhen tumen te na kojadon. Soke ka aven but llene kai ka phenen kai sem me. Ta ka phenen:

Me sem ta akana si o vreme. Tumen morabi te na llan pala lende. 9Ta kana ka asunen kai e phuvia marenpe ta si burkania, na daran, soke gala ezgode trubul te nakhen mai anglal, a ni ios ni ka avel o son.

10Phenda lenge:

Iek charoina ka marelpe averiaia ta iek phuv ka marelpe avere phuviaia. 11E phuv ka dermolpe but zurale, ka avel bok ta nasualipe pe suako rig, ta ando miloso ka dikhon bare ezgode darane.

12A mai anglal, ka thoven o va pe tumende ta ka roden te maren tumen. Ka chinen kris pe tumende ande khanllira e judionenge, ka thoven tumen ande rubie ta cheres ma ka inllaren tumen kai e charura ta kai e llene kai gazdarin. 13Ta gia tumen ka den e orba chachi mandar. 14Na mislin tumen so ka phenen, 15soke me ka dav tumen alava gia pherde bizaipe kai ni iek katar tumare dusmanura ni ka terpin len ta nasti ka phenen kai tumen kojaven.#Lk 12.11-12. 16A ka phukaven tumen isto tumare dada, tumare phlal, tumari familia ta tumare amale. Nesave tumendar ka aven mundarde, 17ta sa o sueto ka murzil pe tumende pala mo anav. 18A ni ka jasaol ni iek bal katar tumaro soro. 19¡Goleke morabi te aven zurale, te sai braduin tumen!

20Kana ka dikhen kai truial o Jerusalem si e boñikura, llanen kai oma ka avel peradini. 21Ondaka, gola kai ka aven ande Judea, morabi te nasen pe burdura. A gola kai ka aven ando Jerusalem, morabi te liken katar o foro, ta gola kai ka aven ando vos, te na irinpe ando foro. 22Soke gola llivesa ka aven patniake, ta ka cherdol sa so si pisime ando Pisipe.#Os 9.7. 23¡Tesko gole diskinienge kai ande gola llivesa ka aven khamne o ka avel len minone kai den len kolin! Soke ka avel but duk ande phuv, ta iek patnia but bari gale foroke. 24Nesave ka aven mundarde e jarnienchar a averen ka inllaren len phangle phuv phuviate, ta e llene kai inai judiura ka len peke o Jerusalem lligo ni ka getolpe o vreme kai si chinado e llenenge kai inai judiura.

O Chavo e Manuseko irilpe

Mt 24.29-35,42-44; Mk 13.24-37

25Ka dikhon bare ezgode ando kham, ando chon ta ande cheraia. Ta pe phuv o sueto ni ka llanel so te cherel ta ka daran katar e mora ta e valura kai ka basen zurale.#Is 13.10; Ez 32.7; Jl 2.31; Apo 6.12-13. 26E llene ka baldinpe daratar kana ka mislinpe so ka avelpe e suetotar, soke llik e zor e milosoki ka izdral. 27Ondaka ka dikhol o Chavo e Manuseko kai avel ande iek oblako bare zoriaia ta barimaia.#Dn 7.13; Apo 1.7. 28Kana gala ezgode ka aven, den tumen zor ta dikhen upre, soke but oma ka aven tumaro braduipe.

29Ta i phenda lenge gia:

Dikhen po kas e simochinengo, o pe varesavo aver kas. 30Kana dikhen kai liken e patra, tumen acharen kai o milai si pase. 31Isto gia, kana tumen ka dikhen sa gala ezgode, ka llanen kai e charoina e Devleki si pase.

32Chachimaia phenav tumenge kai sa gala ezgode ka avenpe bi te nakhel gaia vicha. 33O miloso ta e phuv ni ka aven ios, a me alava si te cherdon.

34Arakhen tumen ta na muken te zuriaon tumare lie pala e ezgode bilache kai nasti mukenpe, pala o matipe ta e brige gale zivotoke, te na perel pe tumende gua llive kana tumen ni ka mislin 35sargo iek prevarka. Soke ka avel pe sa o sueto. 36Prezosaren, ta molintumen sa o vreme, te nasen katar sa gala ezgode kai ka avenpe ta te sai aven angla o Chavo e Manuseko.

37O Jesus sikavela ollivesea ando cher e Devleko, ta o riat achela po burdo kai phenen leke katar e Maslinke.#Lk 19.47. 38Ta sa e llene llana rano ando cher e Devleko.

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

Lukas 21: BACHRO

Highlight

ಶೇರ್

ಕಾಪಿ