Luka 17
17
Dda machimo
(Mat 18.6-7,21-22; Mrk 9.42)
1Yesu aallota wa oohudderaaye wi, “Ddeko ddooweesa athu wi ehiye okikhulupilila ddinaphwanella wi ddeereyeke koma ootulli tti muthu aneeriha ddenndda. 2Waaweerokhalla waphaama wi nlluku na nsillo namakellelliweke munikohini mwaye nave avokhiwe mu enyanja ohiyana ni wi muthu yoolla amweerihe mmodda a ang'onong'onwaalla ahiye okikhulupilila miyaano. 3#Mat 18.15Chenjerani ni meerellwaanyu!
“Mukhwaawo uuchimwella, omuhumullulleke, arukunuwa murima omukhululukelleke. 4Uuchimwella otthanu ni opiilli va nllapo nimodda, awaaka wa weyaano ni ollota wi, ‘Koorukunuwa murima,’ omukhululukelleke.”
Dda echikhulupililo
5Amurummwa yaallota wa Apwiya wi, “Munnuwihe echikhulupililwaahu.”
6Apwiya yahaakhulla wi, “Mwaakhanllekena echikhulupililo yooyeva wonanko mmiddo wa masitadi, mwaaweerollota wa muteekho wanamukuyoolla wi, ‘Otulliwe waalliwe o enyanja nave waawerowiiwellellani.’
Olamuliwa wa mullupa mutteko
7“Ttaani a nyuwaano arina mullupa mutteko oollima apaalle oochiha enkhosa nave aworowille ovenyera o muttekoni, muneeromulleella wi aakuve aakhelle yoochaaye? 8Khaavo, muneeromulleella wi, ‘Okikhozere yoochaaka nave wiimakelle laambaawo okirumeyelleke ophiyera kimallihalle ocha ni owirya nave oneerocha ni owirya kamalliha miyaano.’ 9Mullupa mutteko khanaphwanella othokoziwa kaambiiwa yawiiwellella ddoolamuliwa. 10Nyuwaanottho, mweera mulamulelliweenyu wi mweere, mulloteke wi, ‘Hiyaano niri mullupa mutteko oohiphwanella othokoziwa, neenre ninaphwanellaahu weera wonanko allupa mutteko.’ ”
Yesu anaachiriha allopwana khumi
11Va olendwaaye wooya o Yerusalemu Yesu aavirella variyari va Samariya ni Galileya. 12Avolloweeye m'muzi mmodda aawoona allopwana khumi athu amakate yiimenlle voorekamella. 13Yaakhuwa wi, “Yesu! Apwiya! Muneerelle echifundo!”
14 #
Lev 14.1-32
Yesu awoonilleeye aallota wi, “Khaweni wa allupa mukutho yawooneni wi moochirihiwa.”
Nave eyaakawo yaheellihiwa.#17.14 yaheellihiwa: Onani Mat 8.2. 15Mmodda a yaayo oonilleeye wi oochira, aahokollowa, amutitimiha Mulluku mookhuwa. 16Aakokhora vakhuviru ni Yesu amuthokoza. Muthu yoolla aari Musamariya.* 17Yesu aallota wi, “Yaari allopwana khumi yachirihiwe, amodda atthanu ni asese eri wuuwi? 18Khaavo naari mmodda ahokollowille wi amutitimihe Mulluku koma mulletove yoolla?” 19Vano Yesu aallota wa olliye wi, “Venya, khawe, echikhulupilwaawo yohuuchiriha.”
Owa wa omwene wa Mulluku
(Mat 24.23-28,37-41)
20Afarisi* amodda yaamukoha Yesu wi, “Omwene wa Mulluku onaawe niini?” Vano aawaakhulla wi, “Omwene wa Mulluku khonooneya ni miittho. 21Khaavo muthu anaallote wi, ‘Ngawooneni ori wuno apaalle ori wulle!’ Kaambiiwa omwene wa Mulluku ori variyari vanyu.”#17.21 ori…vanyu: apaalle ori mwa nyuwaano apaalle ddawoona oneerewooneya variyari vanyu.
22Vano aallota wa oohudderaaye wi, “Enthawi enimawa munaapaallekeenyu woona nimodda na mallapo a miyaano Mwaana a Muthu koma khamuwa moona. 23Athu eneerewuulleellani wi, ‘Ngamooneni ari nko apaalle ari wuno!’ Koma muhiyeewo nave muhaathware. 24Vawi nllapo na mi, Mwaana a Muthu, ninaawe wonanko ettari enasherima muddullu ovenyera wookhuma nndduwa ophiyera woovollowa nndduwa. 25Koma vawaamba anaphwanella ahoowe wunchichi nave akhootiwe ni athu a mbadoolla. 26#Gen 6.5-8Ddakhallelliiwa enthawi ya Nowa, ddinaakhallettho ddiiddo enthawi ya miyaano, Mwaana a Muthu. 27#Gen 7.6-24Athu yaamoona ocha ni owirya, yaatthella ni otthelliwa, ophiyera nllapo nenno Nowa avollowilleeye mukallawani nave maaddi yaawa ewiipha athu attheene. 28#Gen 18.20—19.25Ddinaakhallettho wonanko ddaariiwa enthawi ya Loti. Athu yaamoona ocha ni owirya, okulla ni okulliha, waalla ni omaka. 29Koma va nllapo nno Loti akhumalleeye mu Sodomu, munllo ni malluku a sulufure ddaamora ovenyera oddullu ddiwiipha athu attheene. 30Ddinaakhalle ddiiddo va nllapo na miyaano, Mwaana a Muthu, kawa kooneya.
31 #
Mat 24.17,18; Mrk 13.15,16 “Vanllaponi nenno oyo ari vaatte ahiselliwe ni ovollowa mpa wi akuse ddeko ddaye. Emoddamoddave yeeyo oyo ari m'matani ahihokollweelle owaniwa. 32#Gen 19.26Muupuwelleni mwaara a Loti! 33#Mat 10.39; 16.25; Mrk 8.35; Luk 9.24; Yoh 12.25Muthu aapaallaka ovullusa okumaaye, eneerowutathilla nave atathilla okumaaye, aneerewuuvullusa. 34Kinimuulleellani wi, mahiiyu yaayo, athu eelli eneerokona mu enyumba emodda nave mmodda aneerokusiwamo oya mu omwene wa Mulluku nave mmoddooyo aneerohiyiwa. 35Atthiyana eelli eneerokosilla vansilloni, mmodda aneerokusiwa, mmoddooyo aneerohiyiwa vaavo.”#17.35: Ddoolemba ddimodda ddakhalle ddaanaanjereravo evesi 36: Allopwana eelli enaaphareke mutteko m'matani, mmodda aneerokusiwamo nave mmoddooyo aneerohiyiwa (onani Mat 24.40).
37Oohuddera yaamukoha wi, “Ddineereyelle wuuwi, Apwiya?”
Yesu aawaakhulla wi, “Otthukumana wa ephangwi onatthoonyihella wi wenko wookhalla enama yookhwa.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Luka 17: MW2019
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
