Yohane MAWU AWAAMBA
MAWU AWAAMBA
Othenga waphaama woolembiwa ni Yohane onallota wi Yesu tti Mawu a Mulluku oohimalla. Aakhalla muthu nave aakhalla ni hiyaano (1.14). Nibukhu nenna naalembiwa wi aweerenga ekhulupilile wi Yesooyo tti Oovullusa oyo aallotelliwe, Mwaana a Mulluku wi oweella mu omukhulupilila wiwa ekhalle ni okumi.
Omanlle otthopoolla dda mawu oohimalla oweella mwa Yesu, embali yawaamba ya othenga waphaama, ennooniha ddoottikhiniha ddoohiyanahiyana nnddo ddinooniha wi Yesu tti Oovullusa oolonjeziwa, Mwaana a Mulluku. Nndda ddithwaranne ni miyaha nnddo ddinatthopoolla wuupullulla wa ddoottikhiniha. Embali yeella ennatthopoolla mmo athu amodda yamukhulupilelliiwa Yesu nave etthattuwa oohudderaaye. Amodda yaanavaanyana ni olliye nave yaakhoota okhulupilila. Miru 13-17 yoolemba ddinchichi dda eyaattano ya Yesu ni oohudderaaye mahiiyu a nllapo amakiweeye ni mawaaye owaakhozekelliha nave waallipiha mwiilli ahinatthomeyiwe vamutandani nave wooneya waye wa oohudderaaye avenyille wa ookhwa.
Yohane annasimikiza dda emphaso ya okumi woohimalla oweella mwa Khrisitu, emphaso eyo enaamba veneva nave eyo enaawe wa ayo enamwaakhullella Yesu wi tti ettilla, yawoona nave okumi. Odduwanyeya wa nibukhu na Yohane tti ophariha mutteko wa ddeko ddoophwanyeya moohirama va nirive nllapo vootthopoollani dda ddeko dda omulluku. Ddeko ddene tti wonanko maaddi, buledi, owala, mbusa ni enkhosa nave muteekho wa mpesa ni ezipaso ddiwa.
Miru dda muwarimmu
Mawu awaambeella 1.1-18
Oohuddera awaamba a Yesu1.19-51
Ollalleya wa Yesu 2.1—12.50
Mallapo oomallihella o Yerusalemu 13.1—19.42
Ovenya wa ookhwa ni wooneya wa Apwiya 20.1-31
Mawu oomallihella, wooneyattho o Galileya 21.1-25
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Yohane MAWU AWAAMBA: MW2019
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.