Genesis 2
2
1Isor do ot ar sermare menakʼ sanamakʼe benao sạtkeda.
2 #
Exo 20.11
#Ibr 4.4,10Nonkate Isor do eaeakʼ dinte acʼakʼ kạmiye sạtʼkeda; one okaṭakʼe kạmiketʼ; ar eaeakʼ din doe jirạuena acʼakʼ joto kạmiko khon; ar enhilokʼ uni do sirjạu reakʼ cetʼge bae kạmileda. 3Uni do noa eaeakʼ dine bhorada ar acʼ lạgitʼe begar dohokada, ente enhilokʼ uni do sirjạu#2.3: enhilokʼ uni do acʼakʼ sirjạu reakʼ kạmiye sạtkeda; se enhilokʼ uni do acʼakʼ joto kạmiye sạtkeda. reakʼ kạmiye sạtkeda are jirạuena.
4-5Sirjạu tayom serma ar ot reakʼ katha: Probhu Isor #2.4-5: Probhu Isor: Hebrew olakʼre okare Yahweh menakʼ onḍe hecʼ ạguakʼ torjomare do Jehowa dohoakana, ar English version re Probhu Isor do lạṭu akhorte ol akana. do tinre maraṅ serma ar ote benaoetʼ tahẽkana unre dhạrtire aṛakʼ sakam, dare, nạ̃ṛĩ, anaj, ar phosolko do baṅ janam akan tahẽkana, ente Probhu Isor do dhạrtire dakʼ reakʼ bae bebosta akatʼ tahẽkana. Ona chaḍa jumire cas lạgitʼ manwa hõ bako tahẽkana. 6Menkhan dakʼ do hasa latar khon bhumbuk rakabokʼ kan tahẽkante hasa do odage tahẽkana. 7#1 Kor 15.45 Unre Probhu Isor do hasaren mitʼṭen herel manwae#2.7: hasaren manwa Hebrewte do “manwa” ar “hasaren” inạ mitʼ kathage bujhạukʼa. benaokedea ar mũreye oṅadete jiwiye aderadea. Onate manwa do jiwiyanicʼe hoyena.
Eden bagwan
8Probhu Isor do purub secʼ Edenre mitʼṭen bagwane benaoleda, ar onḍege acʼren bekʼnaoicʼ manwa doe dohokedea. 9#Sod 2.7; 22.2,14Ar onḍe uni do nonkanakʼ darekoe janam ocokeda one oka do ńelokʼte mońj ar onako reakʼ joko hõ sebelge tahẽkan. Ona chaḍa bagwan talare uni do “Jion dare” ar “Boge bạṛicʼ dare” ńutumanakʼ barea dare hõe janam ocokeda.
10Ona bagwanre dakʼ reakʼ jogan emakʼ lạgitʼ mitʼṭen gaḍa tahẽkana one okaṭakʼ do Eden disạm khon oḍokʼ hecʼakan tahẽkan ar ona do ponea gaḍate hạṭiń akan tahẽkana. 11Pạhil gaḍa reakʼ ńutum do Pison. Noa do Hawila disạm beṛhaete ạtu oḍok hecʼ akan tahẽkana. Onḍe do sona ńamokʼkan tahẽkana, 12ona disạm reakʼ sona do ạḍi bhagea. Ona chaḍa onḍe do guggul ar gomedok mạnik hõ ńamokʼkan tahẽkana. 13Dosar gaḍa reakʼ ńutum do Sihon. Noa gaḍa do kus#2.13: Kus (Mesopoṭamia); se Ethiopia. disạm beṛhaete ạtu calao akana. 14Tesar gaḍa reakʼ ńutum do Hidekel. Noa do Ạsur disạm purub secʼte ạtu oḍok akana. Ar ponakʼ gaḍa reakʼ ńutum do Phurạt tahẽkana.
15Probhu Isor do uni manwae idikedete Eden bagwanreye dohokadea jemon uni do onḍe cas-baskate onae ńel todarot daṛeakʼ. 16Ar Probhu Isor do manwa hukumadeteye metadea, “Am do noa bagwan reakʼ jãhãṭakʼ dare reakʼ jogem jom daṛeakʼa; 17menkhan boge-baṛicʼ#2.17: boge ar bạṛicʼ baḍae reakʼ daṛe; se jotowakʼ baḍae reakʼ buj. dare reakʼ jo do alom joma, ente oka hilokʼ ona dare reakʼ joyem joma enhilokʼ am do khạṭigem gujukʼa.”
Pạhil maejiu
18Ar Probhu Isor doe menkeda, “Manwa eskar tahen do baṅ bhagea. Iń do uni lạgitʼ mitʼṭen lek lekan gateń benaoaea.” 19Ar Probhu Isor do hasa khon otren okoe jiwiyanko ar coṭren cẽṛẽkoe benaoletʼko onko sanamko uni manwa ṭhene ạguketʼkoa. Probhu do ńeńele khojkeda, onko do cetʼ menteye hohoakoa mente. Ar uni okoeṭakʼ oka lekae ńutumkede onkage onko jiwiyankoakʼ ńutum do hoyena. 20Uni do sanam lekan ạsul janwarko ar bir janwarko ar sermaren cẽṛẽkoe ńutumketʼkoa, menkhan onko modre uni herel manwaren, metakʼme Adamren lek lekan gate do bako ńamlena.
21Probhu Isor do Adame jạpitʼ ocokedea, ar onate Adam doe jạpitʼkeda. Ar unre uni khon mitʼṭen pańjrae oḍokketʼte ona jaega doe jel esetʼkada 22Ar Probhu Isor do Adam khon oneye oḍokketʼ pańjrate mitʼṭen maejiue benaokedete Adam ṭhene idikedea. 23Uni ńelte Adame menkeda, “Ńitokʼ do hoyakana. Nuiyakʼ jaṅ ar jel do ińakʼ jaṅ ar jel khonge benao akana. Ar herel hoṛakʼ hoṛmo khone benao akante nui do maejiue ńutum ocoyena.#2.23: Maejiu… manwa: Hebrewte “maejiu” ar “herel” do mitʼ kathage bujhạukʼa. 24#Mat 19.5; Mrk 10.7,8; 1 Kor 6.16; Eph 5.31 Ona iạte manwa do eṅgat-apat bạgikate acʼren bạhu tulucʼ mitʼ akane tahena ar unkin do mitʼ hoṛmokin hoyokʼa. 25Unre Adam ar uniren bạhu do uluṅge kin tahenkan tahẽkana, menkhan onate unkin do bạkin lajaokʼkan tahẽkana.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Genesis 2: SBT
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Santali Bible © Bangladesh Bible Society, 2021.