Luk 15
15
Terrta dɔ bat't kɨ nãi
(Oo Mat 18:12-14)
1Ngétaa lambo kɨ kaya deg tube ndɔt'n kɨ ro Jejut kad kɨ n'oon dɔ ta loa. 2Parisɨg kɨ ngéndoo mberkɨnda nyurɨn ta anan: De'n ndɨn hɔ kaya deg kɨ ront, ndɨ sanya sed nat.
3Jeju eld terrta 'nten an: 4De mad kusɨt ne, ĩla aw kɨ batg ɓu, na kɨɗa kudt nãi a ne, a nya kɨdɔjikɨɗa gidaijikɨɗa'n non kam mut, na aw sah go bat'n nãi nõ mbã kad ngaha kamtã al a? 5Lon ngah ye, a una gaa bɔgɨnt kɨ ronel. 6Lon tee ɓe a ne, kun namɨng kɨ madɓeng kɨ nat eld an: I ɗan ronel sem, kɨta m'ngaa bat lom kan nãi nõ. 7M'ndɨ m'elsɨ titbe tɔ la a ɗan ne ronel dõ dɔrãt dɔ ngeɗamajalt kɨ kɨɗa'n tɔrr ndɨn ye, tɔi deg kɨdenesew kɨ dɔjikɨɗa gidaijikɨɗa ĩgɨn geen tɔrrɨn ndid al.
Terrta dɔ gursɨ handt kɨ nãi
8Ke dekɨdẽ kɨɗa tɔ ĩla aw kɨ gursɨ hand kɨndaa kɨlah, na kɨkɨɗa nãi a ne, a ndah horr lambat, a tisa kam kuj, saht kɨ rotĩn mbã ngah al a? 9Lon ngah a ne, kun namɨng kɨ madɓeng kɨ nat eld an: I ɗan ronel sem kɨta m'ngaa nar hand lom kɨndaan nãi nõ. 10Titbe m'ndɨ m'elsɨ. Malaikag lo Luwah a ɗan ne ronel dɔ ngeɗamajalt kɨ kɨɗa'n tɔrrndin.
Terrta dɔ ngont kɨ nãi
11Jeju el tɔ an: De mad a kɨ nganɨn kɨdɨngãg joo. 12Kɨdu el bɔwɨn an: Bɔwm adɨm gaj nyag loi ĩn a tel nyanduba lom. Bɔwd kegd nyamajg lon. 13Gog go ndɔt kɨ tẽbe ngona kɨdu kaw nyag lon tube kɨ nat, na aw mbah dɔɓet kɨ sãi. Nu la tɨnda nyag lon tĩ kɔ lo ɗa kayat ye. 14Lon tɨnda nyag tube tĩ kɔ woi ye, ɓoo kɨbo so dɔningt'n non ad mba girr so kam ndot. 15Aw nɨma kɨ de mad kɨ dɔningt'n non, ĩtɔ laa gawgt kad ul boorg. 16Ngon'n non nyur õa, ad nda kamɨnt kɨ n'sa kand mat'n boorg ɗa san nõ, na de kɨ ada goto.
17Na lon kuma gang woi ye, el an: Ngan ngékɨla lo bɔwɨm ĩn bãi ndɨn kɨ nyasa kɨ to mbuj, na mĩ tã mad ɓoo ndɨ tɔlɨm. 18M'a m'ɓai m'aw ro bɔwɨmt m'ela m'an: bɔwɨm m'ɗa majal kɨ ndoor Luwah kɨ kɨ ndoori tɔ. 19Na m'asɨ kad i kunɨm ngoni gog al ta, kɨ i telɨm tit kɨkɨɗa ku ngan ngékɨlagt loi.
20Ɓai dõ aw ro bɔwɨnt. Na lon i sãi ɓaitɔ ye. Bɔwa ooa, ta õ kama, ad la ngɔd ɔrr, aw so kɔat, njutaa. 21Ngona ela an: Bɔwm m'ɗa majal kɨ ndoor Luwah kɨ nõit tɔ; m'asɨ kad i kunɨm ngoni gog al. 22Na bɔwa el ɓerg lon an: I teen kɨ kub kɨmaj tɔi, kɨ dõt, i lana, i lan ngon ninga jiat kɨ markop njat. 23I ɗen kɨ ngon mang kɨ to mbulmbul kaa nõ, i jan kɔa, kɨ san ho, kɨ ɗan ne ronel. 24Kɨtɔ Ngonɨmɨn ndɨn oi, na tel kumkajir, nãi tɔ la m'ngaa ye. Mban girr ɗa ronel.
25Na ngon derra i kam ndɔɔt. Lon ndɨ ɗe, nãi nderbe kad tee ɓe ye, oo dɔ ndɨ kɔd kɨ kund, kɨ ndɔm. 26Kun kɨkɨɗa ku ɓergt kɨ ront, ndɨjea girr nyag'n non. 27Ɓer'n non ela an: Ngonkõi ɗe la bɔwi ja kɔ ngon mang kɨbo mbulmbul kaa nõ, kɨta ngaha kɨ lapia kari.
28Na ngon derra ɗa wong, ndig kand kuju al; bɔwa tee gɔra kad and. 29Na tur bɔwɨn an: Oo ɓalg ngãibe m'ndɨ m'ɗa kɨla m'adi, m'tɔi dɔ mberkɨndag loi nja kɨɗa al, na adɨm ngon bĩã kad m'ɗan ronel kɨ namg nja kɨɗa al. 30Na lon ngoni'n ndɨn ĩn sanyamajg loi sed kaya dekɨdẽg ɗe a ne, i ja kɔ ngon mang kɨ to mbulmbul kaa nõ ada. 31Na bɔwa ela an: Ngonɨm, ĩ sem nat kɨndɔgndɔgbe, nyag lom tube ĩn loi. 32Na sumba kad kɨ ɗa ronel kɨ kamnda kɨta ngonkõi'n ndɨn oi, la tel kumkajir ye; nãi la kɨ ngaha tɔ ye.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Luk 15: MlL
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Mbai Bible Revision © Bible Society of Chad, 2015.
