Genese 2
2
1Nimawulu nimaseki ayimanishili ejima, niyuma yekalamu yejima.
2Hefuku damu chitanu nachiyedi Nzambi wakumishili mudimuwindi weliliyi; hefuku damu chitanu nachiyedi walekeli mudimu windi wejima weliliyi. 3Nzambi wakiswilili ifuku damu chitanu nachiyedi nkisu, yodiŋilika nikudiŋilika; muloŋa hefuku odu hohalekeliyi mudimuwindi wakuleŋa wejima weliliyi.
4Jendi deŋi nsaŋu jakulepa nimawulu nimaseki hayileŋeluwu, miwifuku deliliyi Yehova Nzambi nimaseki nimawulu. 5Henohu hamaseki kanda dehi hekali nyitondu yamumpataku, niyisakola yamumpata kanda yibalukuku; muloŋa Yehova Nzambi henohu kanda anokeshi nvula hamasekuku, hikwadiŋi nimuntu wakudima hesekuku; 6ilaŋa mbundu yadini nakuka kumu kahamaseki, nakuzowesha hejima hahita iseki. 7Yehova Nzambi wawumbili muntu nalunkuŋu lwamaseki, woneni mumazulu indi munyawawumi, muntu hakwikala mumi. 8Yehova Nzambi watumbili itempa kumusela, muEdeni; mwomwashiliyi muntu wawumbiliyi. 9Yehova Nzambi wabalwishili hamaseki nyitondu yeyima yikweti lubanji kuyitala, yayiwahi nikuyida; nimutondu wawumi mukachi ketempa, nimutondu wakwiluka nachu niyayi wahi niyatama.
10MuEdeni mwafumini kaloŋa kakutwala meji mwitempa; kweno kuka ambukili hikakwila tuloŋa tuwana. 11Kakusambila ijina dindi Pishoni, yowu wahita nakunyeŋumuka mpata yejima yaHavila, diku kwekala wuru; 12wuru wampata yina wawuwahi; kwekala nibe dolachi nishohama. 13Kaloŋa kamuchiyedi ijina dindi Giboni, yowu wahita nakunye pumukampata yaKushi yejima. 14Kaloŋa kamuchisatu ijina dindi Hidekeli, yowu wahita kumbadi yaAshuri yakumusela. Kaŋa kamuchiwana diyi Yufurati. 15Yehova Nzambi watweli muntu, yomusha nimwitempa daEdeni, nindi, Kadidimi, kadihembi chachiwahi. 16Yehova Nzambi wamulejeli muntu, nindi, Nyitondu yamwitempa yejima wukudya tuhu; 17ilaŋa mutondu wakwiluka nachu niyayiwahi niyatama eyi bayi wakawidyaku; muloŋa ifuku diwakadya chalala wakafwa.
18Yehova Nzambi welili nindi, Hichinawahi iyala kushakama kankawinduku; nukumwilila nkwashi wamutelela. 19Yehova Nzambi wawumbi linamaseki nianyama amumpata ejima, niatujila ahaluzwizu ejima, wayitweli nikudi muntu, atali mwakuyitumbayi majina; yuma yejima yikweti wumi majina ejima ayitumbiliyi muntu wowu majinawu. 20Muntu yoyitumba nikuyitumba majina, ni ayimuna ejima, niatujila ahaluzwizu, nianyama amumpata ejima; ilaŋa hikwamwekeni nkwashi yamuntu wamutelelaku. 21Yehova Nzambi wamukamikili muntu tulu twatweni, wakaminitulu; hakumunona lubavu lwindi lumu, yowayakeshamu nicheŋi musunyi mulwadiŋi, la-a; 22lubavu olu lwafumishiliyi Yehova Nzambi mudi muntu watuŋili nachu mumbanda, hakumutwala nikudi muntu. 23Kuchinka muntu nindi, Iwu neli dehi ifwaha dami, neli dehi mujimba wami; akamutena nawu mumbanda, nanichi chanamu fumishiyi mudiiyala. 24Dichi chakushiyilayi iyala nitata yindi nimama yindi nakumukakela ipodindi; niwena akela mujimba wumu. 25Mwayedi wawuadiŋi nzekesi, nimuntu niŋodindi, hiyatiyili nsonyuku.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Genese 2: MW62
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The Bible in Lunda: Ndembu (Lunda of Kalunda) © B. F. B. S. 1962.