Mateu Kujimbula mukanda
Kujimbula mukanda
Ásonekele mukanda
Ásonekele mukanda uno wamujimbu wamwaza, Mateu. Vamuvuluka nawa ngwavo Levi, kaYuleya wakuNgalileya. Apwilenga nakuzata mulimo wakutelesa mitelo muchiyulo chavaLoma chize chashinyinyikile vaYuleya. Vaka-kutelesa vavajinjile kuli vaYuleya vosena.
Mwaka wakuusoneka
Mwaka asonekele Mateu mukanda uno wapwile hakachi kamwaka wa50 nakuheta ku60, kufuma kukusemuka chaMwata Yesu Kulishitu (A.D. 50-60).
Vihande vili mumukanda
Mukanda waMateu ukiko mukanda wachisemunwino chaYesu Kulishitu, mwana Ndavichi, mwana Apalahama (Mateu 1:1). Echi chisemunwino chikiko chamupanjika kuchilongeselo-chalushiko lwaKalunga vashikile Ndavichi lwakupwa nawangana wazeneka kukuma, nakuchilongeselo-chalushiko lwaKalunga chize vashikile Apalahama kumuhana lifuchi lyahamavu, (2 Samw 7:8-16; Kupu 15:18).
Mwaya jishiko eji, Mateu asonekele mazu nakuvuluka kupwa chaMwata Yesu mujijila jivali. Chakavanga navuluka omu apwa Kulishitu Ikiye Mwangana, MwanaNdavichi. Chamuchivali, avuluka omu Kulishitu apwa MwanaApalahama, kaha ononokele swi-i nakukufwa, nge muze alingile Isaka, (Kupu 22:1-18; Hepe 11:17-19).
Jino chihande chasoloka chikuma echi chakuvuluka Kulishitu kupwa Mwangana Uze vashikile, Mutango waNdavichi waKwoloka (Yele 23:5; 33:15). Mateu asonekele chisemunwino chaYesu, nomu asemukilile kulimbo lyaNdavichi (Mika 5:2). Kaha avulukile nawa Yowano, muka-kujimika vatu, namilimo yenyi yakumujimbula Kulishitu, (Mala 3:1). Asonekele nawa omu vamukanyine kuli vaIsalele; nakuvuluka kwiza chenyi chamuchivali mungolo naupahu waunene. KuMateu 26:1 — 28:20, Mateu avulukile kulisuula chaMwanaApalahama kukufwa.
Mateu asonekelele vaIsalele nakulumbununa omu jishiko vavashikile jinatesamo muli Kulishitu. Oloze vaIsalele vamukanyine. Kaha hakufwa chaMwata Yesu Kulishitu, hakiko hafumine ou mujimbu kupwa mujimbu wamwaza wakuya kuli vaka-mavu vosena.
Vihanda vitatu vili mumukanda
1. Yesu Kulishitu navamusolola kuli vaIsalele kupwa MwanaNdavichi, Ou asemukile Mwangana wavaYuleya, oloze vamukanyine, (1:1 — 25:46).
a. Chisemunwino chaMwangana nakusemuka chenyi, (1:1-25).
b. Unyike waMwangana nakukola chenyi, (2:1-23).
c. Wangana waKalunga uneza lyehi, (3:1 — 12:50).
d. Mangana apwile akusweka akuvuluka wangana, (13:1-52).
e. Mwangana vakanyine namulimo wenyi, (13:53 — 23:39).
f. Lushiko lwakwiza chaMwangana nangolo naupahu waunene, (24:1 — 25:46).
2. Kulisuula chaYesu Kulishitu MwanaApalahama kukufwa, nakusanguka chenyi, (26:1 — 28:8).
3. Mulimo waMwata muli vatu jenyi kufuma kukusanguka chenyi, (28:9-20).
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Mateu Kujimbula mukanda: LUE
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Bible Society of Zambia