मर्कूस 11
11
यरूशलेमम येशूक जयजयकार
मत्ती २१:१-११; लूका १९:२८-४०; यूहन्ना १२:१२-१९
1येशू ओ चेलावँ यरूशलेम सहरक लग्घ रहल जैतून पर्वत्वम पुग्ल। उहाँ बेथफागे ओ बेथानिया कना गाउँ रह। तब येशू आपन चेलावँमध्येमसे दुइ जहन असिक कैक पठैल, 2“सामनेक गाउँम जाओ। गाउँम पैँठ्टीकि, कुई फे नैचिउह्रल् गधक एकठो ज्वान बच्छोह भेटैबो। ओहीह छोर्क यिहाँ अनहो। 3कुई टुँहन ‘काजे यहीह छ्वारटो?’ कही कलसे, ‘प्रभुह याकर चाहा बाटिन्, उहाँ झट्टहेँ यहीह घुमादेहहीँ’ कैक कहहो।”
4तब चेलावँ गैल, ओ हुँकन कहलअस, एकठो घरक ड्वारिक आघ गल्लीम गधक बच्छोह बान्धल भेँटैल। 5ओहीह छ्वारबेर, ओठे रहल कौनो-कौनो मनै हुँकन पुछ्ल, “यहीह काकर छ्वारटो?” 6येशू हुँकन कहलअस हुँक्र जवाफ देल। तब उ मनै हुँकन गधह लैजाइ देल। 7हुँक्र गधह येशूकठे अन्ल ओ आपन-आपन पिछौरी वाकरम बिछैल। तब येशू वाकरम चिहुर्क सवार हुइल।#११:७ अगमवक्ता जकरिया ख्रीष्ट गधकम चिहुर्क यरूशलेमम जैना बात, येशू जन्मनासे ५२० वर्ष आघहेँ, कलह (जकरिया ९:९)। 8उहाँक सवारीम उहाँह स्वागत करक लाग बहुत मनै डगरिम आपन-आपन पिछौरी, गट्या बिछैल, ओ आकुर जन आञ्जरपाञ्जरसे झालापाता काट्क आन-आन डगरिम बिछादेल। 9उहाँक आघ-पाछ रहुइयन् चिल्ला-चिल्लाक उहाँक जयजयकार कर्ल,
“होसन्ना!#११:९ “होसन्ना” कलक “परमेश्वरक जय ह्वाए” कहल हो।
परमप्रभुक नाउँम अउइया धन्यक हुइट!#भज ११८:२५-२६
10हमार पुर्खा दाऊदक अइना राज्य धन्यक हो!
स्वर्गक परमेश्वरह होसन्ना!”
11असिक उहाँ यरूशलेमम आक मन्दिरम गैल। उहाँ सक्कुओरिक गतिविधि हेर्ल। तब ढिल हुइलकमार आपन बाह्र जन चेलन्हकसँग बेथानिया गैगिल।
अञ्जीरक रूख्वह सरप्लक
मत्ती २१:१८-१९
12द्वासर बिहान उहाँहुँक्र बेथानियासे यरूशलेम घुमबेर, येशू भुँखैल। 13तब येशू टनिक दूर झङ्ग्ल्यार अञ्जीरक रूख्वा देख्ल। उ रूख्वम बोँट्याओँट्या बा कि कैक येशू ह्यार गैल, काकरकि उ समय अञ्जीर पक्ना समय नैरह। तर उ रूख्वम पत्या केल रह।#११:१३ अञ्जीरक रूख्वम पत्या लग्नासे आघ टेम्ह्री लग्ठा। पत्या बराबरा हुइल् रूख्वम बोँट्या लागरठा। यी रूख्वम फे बोँट्या रहपर्ना हो, तर नैरह। ओसहेँक यहूदीन्हकम परमेश्वरक सेवा करल फारा रहपर्ना हुइन, तर नैरलहन। 14तब येशू उ रूख्वह सरप्ल, “आबठेसे ट्वारम कबु फे फारा जिन लागस।” येशूक कहल यी बात उहाँक चेलावँ सुन्ल।
मन्दिरम किन-बेँच करुइयन खेद्लक
मत्ती २१:१२-१७; लूका १९:४५-४८; यूहन्ना २:१३-२२
15तबदोस्र येशू ओ चेलावँ येरुशलेम पुग्ल त, उहाँ मन्दिरक अङ्ग्नम जाक व्यापार करुइयन उहाँसे ख्यादभिर्ल। उहाँ पैँसा सटुइयन्हक टेबुल ओ पर्यावाँ बेँचुइयन्हक बैठ्ना बिल्टादेल।#११:१५ मन्दिरम चह्रैना सामान ओ पश बेँच्ना व्यापारम धेर नाफा ह्वाए। यी ब्याला टिहारक समय हुइलकओर्से, हुँक्र आघ-पाछसे धेर सरसामान ओ पश ब्याँचक लाग आनरख्लह। 16येशू किहुह फे किन-बेँचक सामान मन्दिरओर्से लैजाइ नैदेल। 17#यशै ५६:७; यर ७:११ओ हुँकन सिखैटी येशू कल,
“‘म्वार घर त सब जातिक मनै
परमेश्वरसे प्रार्थना कर्ना घर हुई,’
कैक धर्मशास्त्रम लिखल नैहो का? तर टुह्र यहीह डाँका मर्ना ठाउँ बनारख्लो।”#११:१७ येशू व्यापारिन मन्दिरह डाँका मर्ना ठाउँ बनैलक दोष लगैल, काकरकि हुँक्र परमेश्वरह आराधना कर आइल मनैन बाधा देहँट्।
18यी बात सुन्क मुख्य पूजारीहुँक्र ओ शास्त्रीहुँक्र येशूह मुवैना उपाय ख्वाज लग्ल, तर हुँक्र उहाँक डर डराइँट्, काकरकि येशू सिखाइबेर मनै छक्क परँट्।#११:१८ येशू धेर लोकप्रिय हुइलसे, जनतन हुँकन्हक विरोधम उठाइ सेकहीँ कैक हुँक्र डरारलह।
19सन्झ्या हुइल् त, येशू चेलन्हकसँग येरुशलेमसे गैगिल।
विश्वासक शक्ति
मत्ती २१:२०-२२
20बिहान्क उह डगरओर्से जाइबेर, उहाँहुँक्र येशूक सरापल अञ्जीरक रूख्वह देख्ल। उ जरब्वाँटीसे सुखल रह। 21रूख्वह येशूक कहल बात समझक पत्रुस कल, “गुरुजी, हेरी! अप्नक सरापल् रूख्वा त सुख्गैल्।”
22येशू चेलन कल, “परमेश्वरम विश्वास करो। 23मै जाट्टीसे कहटुँ, कुई यी पर्वत्तोह ‘यिहाँसे उँखर्क समुद्रम खस’ कही कलसे, वाकर लाग ओस्तहँ होजैनेबाटस। तर मनम कुछु शङ्का नैकैक आपन कहल बात पूरा हुई कना विश्वास हुइही परहिँस।#मत्ती १७:२०; १ कोर १३:२ 24उहओर्से प्रार्थना कैक परमेश्वरसे माङ्गल चिज अवस्य पैबो कना बात विश्वास करो, उ टुन्हक हुइनेबा। 25परमेश्वरसे प्रार्थना कर्नासे आघ, यदि टुँहार विरोधम करल केक्रो काम मनम ढर्लबाटो कलसे, ओहीह क्षमा करो। टुँ असिक कर्बो त केल, स्वर्गम रना टुँहार बाबा फे टुँहार पाप क्षमा करहीँ।#मत्ती ६:१४-१५ [26तर टुँ क्षमा नैकर्बो कलसे, स्वर्गम रना टुँहार बाबा फे टुँहार पाप क्षमा नैकरहीँ।]”
येशूक अधिकारम प्रश्न
मत्ती २१:२३-२७; लूका २०:१-८
27येशू आपन चेलन्हकसँग फेदोस्र येरुशलेमम गैल। मन्दिरक अङ्ग्न-अङ्ग्न न्याङ्गबेर, मुख्य पूजारीहुँक्र, शास्त्रीहुँक्र ओ अगुवाहुँक्र उहाँकठे अइल ओ 28असिक कह्टी पुछ्ल, “मन्दिरमसे किन-बेँच करुइयन निक्रैना अधिकार टुँ कहाँसे पैलो? टुँहीन यी अधिकार के देहल?”
29येशू हुँकन कल, “मै फे टुँहन एकठो बात पुछटु, वाकर जवाफ देओ, तब मै यी अधिकार कहाँसे पैनु कैक टुँहन कहम। 30महीह कहो, यूहन्ना पानीक बप्तिस्मा देना अधिकार कहाँसे पैल, परमेश्वरसे कि मनैनसे?”
31यी सुन्क हुँक्र अप्न-अप्न बट्वाइलग्ल, “आब हम्र का कही? परमेश्वरसे कही कलसे, ‘काकर टुह्र हुँकहीन विश्वास नैकर्लो त?’ कहहीँ। 32मनैनसे कही कलसे, कसिक कना हो?” हुँक्र “मनै हमार विरोध करहीँ” कैक डरैल, काकरकि सबजन यूहन्नह “अगमवक्ता हुइट” कैक विश्वास करँट्।
33उहओर्से हुँक्र कल, “हमन थाहाँ नैहो।”
तब येशू जवाफ देल, “ओसिन हो कलसे, मै फे यी सक्कु काम कर्ना अधिकार कहाँसे पैनु कैक टुँहन नैकहम।”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
मर्कूस 11: thl
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
