यूहन्ना 8

व्यभिचार करणे वाली जनानी जो माफी दैणा

1फिरी यीशु जैतून रे पहाड जो गे। 2कने भ्यागा-भ्यागा यीशु फिरी मन्दिर रे अंगण बिच आए, ते मते सारे मणू तिसका आए, ते से बेई करी तिन्हा जो उपदेस दैणे लग्गे। 3जां से बोल्लेया ही करदे थिये तां शास्त्रि ते फरीसी मणू इक्क जनानी जो लयाये, जे व्यभिचार करदे पकड़ी गे री थी, अते तिसजो लोक्कां सामणे खड़ा करी के यीशु जो बोल्लेया, 4ओ गुरु, ए जनानी व्यभिचार करदे पकड़ीत्ती। 5मूसा रे कानून बिच मूसा ने असा जो हुकम दित्तेया है कि इदेइ जनानी जो पत्थर कने मारी छडणा चाएदा#8:5 मूसा रे इस कानून रे हिसाब कने सारे समुदाय जो मिली करी अपराधी मणू जो बट्टे मारी करी मारणा हुंदा। : तुसा कै बोलदे कि असा जो इस जनानी इस जनानी कने करणा चाएदा? 6तिन्हा ने यीशु जो परखणे तांइ ए गल्ल बोल्ली#8:6 इस वचन बिच जे अगर यीशु बोलदे कि तिस जनानी जो बट्टे मत मारो तां से मूसा रे कानून रे खिलाफ होणा थिया, ते जे अगर यीशु बोलदे कि इसजो मूसा रे कानून रे हिसाब कने बट्टे मारो, तां से रोमी साम्राज्य रे नियम रे खिलाफ होणा थिया जे बोलदा कि सिर्फ रोमी अधिकारी ही कुसकी जो सजा देई सकदे। ताकि तिस पर कोई दोष लगाई सकण, पर यीशु झुकी करी उंगली कने जमीन पर किच्‍छ लिखणा लग्गेया। 7जां से तिसका पूच्छेया करदे थिये, तां यीशु ने सिधे होई करी तिन्हा जो बोल्लेया, कि तुसा रे बिच का जिनिये कदी पाप ना कित्ते रा हो, से इसजो पैल्ला बट्टा मारे। 8कने फिरी झुकी करी दुनिया पर लिखणे लगया 9ए जाणदे होए कि से सारे ही पाप्पी हिन, इक्क-इक्क करी के, छोटे का लेई करी बड्डे तिकर सारे तिस जगाह् का चली गे, ते यीशु ते से जनानी तिस जगाह् पर किल्ले रेई गे। 10यीशु ने सिधे होई करी तिसका पुछया, ओ जनानी से कुत्ते गेई? कै कुसी ने भी तिज्जो सजा नी दित्ती? 11तिस जनानी ने बोल्लेया, ओ प्रभु, कुसकी ने भी नी: यीशु ने बोल्लेया, मैं भी तिज्जो सजा नी दिन्दा। जा, ते फिरी दुबारा पाप मत करदी।

यीशु दुनिया री रौसनी

12तां यीशु ने तिन्हा मणूआं जो बोल्लेया, दुनिया री रौसनी मैं है, ते जे कोई मेरे मेरी गल्लां मन्नी करी मेरे पीच्छे चलगा, तिनिये पाप रे न्याहरे बिच नी रैह्णा, पर तिसका हमेसा री जिन्दगी री रौसनी होणी। 13फरीसियों ने तिसजो बोल्लेया, तू अपणी गवाई अप्पु दिन्दा इधेरे तांइ तेरी गवाई सच्ची नी। 14यीशु ने तिन्हा जो जवाब दित्या कि जे मैं अपणी गवाई अप्पु दिन्दा हाँ, तां भी मेरी गवाई ठीक हैं, किजोकी मैं जाणदा, कि मैं कुते का आया कने कुते जो जान्दा? पर तुसा नी जाणदे कि मैं कुते का आन्दा कने कुतें जो जान्दा 15तुसा इन्सानी तौर-तरिक्के रे हिसाब कने मेरा हिसाब-किताब करदे, पर मैं कुसकी रा हिसाब-किताब नी करदा। 16पर जे मैं हिसाब-किताब करां भी, तां मेरा हिसाब-किताब सच्चा हैं किजोकी मैं किल्ला नी, पर मैं है ते मेरे कने पिता है जिन्हा ने मेरे जों भेज्जे रा है। 17कने तुसा री मूसा रे कानून बिच भी लिख्खे रा है कि दो जणेया री गवाई सच मन्नी जांदी। 18इक्क ते मैं अप्पु अपणी गवाई दिन्दां, हाँ, कने दुजा बाबा मेरी गवाई दिन्दा हैं जिन्हा ने मेरे जो भेज्जे रा है। 19तिन्हा ने तिसजो बोल्लेया, तेरा पिता कुते है? “यीशु ने जवाब दित्ता, ना तुसा मेरे जो जाणदे ते ना पिता जो, जे तुसा मेरे जो जाणदे तां पिता जो भी जाणदे।” 20ए गल्लां तिन्हा ने मन्दिर रे अंगण बिच उपदेस दिन्दे होए भण्डार घर#8:20 ए से जगाह् है जे मन्दिर रे अंगण रे नेड़े है ते जित्ते मणू दान पाणे तांइ आंदे। बिच बोल्ली, कने कुसी ने तिसजो नी पकड़ेया किजोकी तिसेरा हल्ले तिन्हेरा पकड़ी करी सताए ते मारे जाणे रा बेल्ला नी आया थिया।

अपणे बारे बिच यीशु री गल्ल

21यीशु ने फिरी तिन्हा जो बोल्लेया, मैं जान्दा ते तुसा ने मेरे जो तोपणा, पर तुसा अपणे पाप री माफी पाए बगैर ही मरी जाणा: जित्ते मैं जादां तित्ते तुसा नी आई सकदे।

22इस पर यहूदी अधिकारियां ने बोल्लेया, कै से अप्पु जो मारी दिंगा, जो से बोलदा कि जित्ते मैं जान्दा उत्ते तुसा नी आई सकदे? 23यीशु ने तिन्हा लोक्कां जो बोल्लेया, तुसा मणूआं का पैदा होए रे हिन, पर मैं स्वर्ग का आए रा है, ते मैं इस दुनिया रे लोक्कां बिच का नी है। 24इस तांइ मैं तुसा जो बोलदा, कि तुसा अपणे पाप री माफी पाए बगैर ही मरी जाणा किजोकी तुसा विश्वास नी कित्ता कि मैं से ही हैं, अपणे पाप री माफी पाए बगैर ही मरी जाणा। 25यहूदी अधिकारियां ने तिसजो बोल्लेया, तू कुण है? यीशु ने तिन्हा जो बोल्लेया, मैं से ही है जे सुरु का तुसा जो बोलदा आए रा है। 26मेरे का तुसा रे बारे बिच बोलणे ते तुसा पर इल्जाम लाणे तांइ मता किच्‍छ है। पर परमेश्वर, जिन्हा ने मेरे जो इस दुनिया रे लोक्कां का भेज्जे रा है, से सच्चा है, ते जे किच्‍छ मैं तिसका सूणेया, से ही दुनिया रे लोक्कां कने बोलदा। 27से न समजे कि असा जो पिता रे बारे बिच दसदा। 28तां यीशु ने बोल्लेया, कि जां तुसा मणू रे पुत्तर, जो ऊचें पर चढ़ांगे, तां जाणगें कि मैं से ही हैं, ते मैं अपणे आप का किच्‍छ नी करदा, पर पिता मेरे जो जिय्यां सिखान्दा, से ही गल्लां मैं बोलदा। 29कने मेरा भेजणे वाला मेरे कने है तिन्ही मेरे जो कल्ला नी छडेया, किजोकी मैं हमेसा से ही कम्म करदा, जिस का से खुस हुन्दा: 30से हल्ले ए गल्लां बोल्लेया ही करदे थिये कि मते जणेया ने तिन्हा पर विश्वास कित्ता।

सच ने तुसा जो अजाद करणा

31तां यीशु ने तिन्हा यहूदी लोक्कां कने ए बोल्लेया जिन्हा ने तिन्हा पर विश्वास कित्तेया थिया, जे तुसा मेरे शिक्षा बिच बणी रैहन्गे, तां हकीकत बिच मेरे चेल्‍ले ठैहरगे।

32तुसा सच्चाई जो जाणो, ते सच्चाई ने तुसा जो अजाद करणा। 33तिन्हा ने उन्हा जो जवाब दित्ता, असी तां अब्राहम रे ‍खानदान का हिन, ते कदी कुसकी रे गुलाम नी होए, फिर तुसा किय्यां बोलदे की तुसा अजाद होई जाणा? 34यीशु ने तिन्हा जो जवाब दित्ता, मैं तुसा जो सच-सच बोलदा कि जे कोई पाप करदा, तां से पाप रा गुलाम है। 35नौक्कर हमेसा घरे नी रैहन्दा, पुत्तर हमेसा रैहन्दा। 36इस तांइ जे पुत्तर तुसा जो अजाद करगा, तां सच्ची तुसा अजाद होई जाणा 37मैं जाणदा कि तुसा अब्राहम रे ‍खानदान का हिन तां भी तांइ तुसा मेरे जो मारी रखणा चाह्‍ंदे किजोकी मेरी शिक्षा जो नी मनदे। 38मैं से ही बोलदा जे अपणे पिता कने रैहन्दे बेल्ले दिख्खे रा है; ते तुसा से ही करदे जे तुसा ने अपणे पूरखां का सुणे रा है। 39तिन्हा ने तिन्हेरे जो जवाब दित्ता, असा रा पुरखा ता अब्राहम है, यीशु ने तिन्हा जो बोल्लेया, जे अगर तुसा अब्राहम री औलाद हुदें तां अब्राहम सांई कम्म भी करदे। 40पर अवे तुसा मेरे जो मारी रखणा चाह्‍ंदे जिन्निए तुसा जो ओ सच्ची गल्ल दस्सी जे परमेश्वर का सूणेया। इदेया तां अब्राहम ने नी कित्ता थिया। 41तुसा अपणे प्यो सांई कम्म करदे, तिन्हा ने उन्हेरे जो बोल्लेया, असी हल्ड़ नी जम्मे, असा रा इक्क प्यो है, मतलब परमेश्वर। 42यीशु ने तिन्हा जो बोल्लेय, जे परमेश्वर तुसा रा प्यो हुदां, तां तुसा मेरे कने प्यार करदे, किजोकी मैं परमेश्वर रे पास्से का आए रा है, मैं अप्पु नी आया, पर तिनहा ने ही मेरे जो भेज्जेया। 43तुसा मेरी गल्ल किजो नी समजदे? इस तांइ किजोकी तुसा मेरा शिक्षा जो सुणी नी सकदे। 44तुसा अपणे प्यो शैतान रे पास्से का हिन ते अपणे प्यो री मर्जी जो पूरा करणा चांह्दे, से ता हमेसा का ही खून्नी है, तिसेरा सच्चाई कने कोई लैणा-दैणा नी है, किजोकी सच्चाई तिस बिच है ही नी। जां से झूठ बोलदा, तां अपणी आदत कने ही बोलदा किजोकी से झूठ्ठा है, बल्कि झूठ रा प्यो है। 45पर मैं जे सच बोलदा, इस तांइ तुसा मेरा विश्वास नी करदे। 46तुसा बिच कुण मेरे जो पाप्पी ठैहरादां? जां मैं सच बोलदा तां तुसा मेरा विश्वास किजो नी करदे? 47जे परमेश्वर रे पास्से का हुदां, से परमेश्वर री गल्लां जो सूणदा, ते तुसा इस तांइ नी सूणदे किजोकी परमेश्वर रे पास्से का नी हिन।

यीशु ते अब्राहम

48ए सुणी करी यहूदियां ने तिन्हा जो बोल्लेया, कै असी ठीक नी बोलदे कि तू सामरिया प्रदेश रा है, ते तेरे बिच दुष्टात्मा है?

49यीशु ने जवाब दित्ता, मेरे बिच दुष्टात्मा नी पर मैं प्यो री बड़ाई करदा ते तुसा मेरी बेजती करदे, 50पर मैं अपणी बड़ाई नी कराणा चाह्‍ंदा, इक्क है जे चाह्‍ंदा कि मेरी बड़ाई हो, ते से इंसाफ करदा। 51मैं तुसा कने सच-सच बोलदा कि जे कोई मणू मेरी शिक्षा जो मनदा, तां तिसने कदी भी नी मरणा। 52यहूदियां ने तिन्हा जो बोल्लेया, अवे असी जाणी लित्ता की तेरे अन्दर दुष्टात्मा है, अब्राहम मरी गेया, ते भविष्यद्वक्ता भी मरी गे, ते तुसा बोलदे जे कोई मेरे शिक्षा जो मनगा, तिसने कदी भी नी मरणा। 53असा रे पुरखा अब्राहम तां मरी गेया, कै तुसा तिन्हा का भी बड्डे हिन? ते भविष्यद्वक्ता भी मरी गे तुसा अपणे आप जो कै दसदा? 54यीशु ने जवाब दित्ता, जे अगर मैं अप्पु अपणी बड़ाई करां, तां मेरी बड़ाई किच्‍छ नी पर मेरी बड़ाई करणे वाला मेरा पिता है, जिस जो तुसा बोलदे कि तुसा रा परमेश्वर है। 55तुसा तां तिन्हा जो नी जाणदे: पर मैं तिन्हा जो जाणदा, पर जे अगर मैं बोल्लां कि मैं तिन्हा जो नी जाणदा, तां मैं तुसा सांई झूठ्ठा ठैहरणा, पर मैं तिन्हा जो जाणदा ते तिन्हेरी शिक्षा जो मनदा। 56तुसा रा पुरखा अब्राहम मेरे दिन दिखणे तांइ उम्मीद कने बड्डा वरी मगन थिया, ते उन्निए दिख्खेया, ते बड्डा खुस होया। 57यहूदियां ने तिन्हा जो बोल्लेया, हल्ले तिकर तुसा पजांह साल्ले रे भी नी हिन, फिरी भी तुसा अब्राहम जो दिख्खे रा है? 58यीशु ने तिन्हा जो बोल्लेया, मैं तुसा जो सच-सच बोलदा, कि अब्राहम रे पैदा होणे रे पैल्ले का भी मैं है। 59तां तिन्हा ने उन्हेरे जो मारणे तांइ बट्टे चुक्के, पर यीशु लुकी करी मन्दिर रे अंगण का निकली गे।

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

यूहन्ना 8: CDHNT

Highlight

ಶೇರ್

ಕಾಪಿ