Yoana AKITODIARET
AKITODIARET
Akiro Nukajokak kwape igiritere Yoana itoduto Yesu kwape ka Akirot naka Akuju naka ikaru kere lo “Abu korau etung'anan ka akiboi kokiding' wok.” (1:14) Kwape ebalare ekitabo elope, Akiro Nukajokak nu, egirio tetere lu isomaete emunokinete ebe Yesu nesi Ekeyunan lo etumunikiite, Okoku ka Akuju. Bobo ebe akitor akiyuun kes kotoma keng' ebeikinete kesi adumun akijar (20:31).
Kau ka akitodiaret kana itodiarit ebe Akirot ka Akuju erait Yesu, atutubet nasodit naka ekitabo kalo, itodut aumosia nu egelegela nu itodikiito ebe erait Yesu Ekeyunan lo esumunikiite, Okoku ka Akuju. Nu etupakinete nu eraito akitemetemesio nu itodiarete apolou naka aumosia. Inera atutubet na naka ekitabo kalo ekipone lokemunokiitotor itung'a ice Yesu ka araun lukatupitok keng', konye kitepegete ice nesi ka aking'ere akiyuun. Ikekia 13-17 igirite kaujau kuju ka eidicane lo kejii kiding' ka Yesu nepepe ka ikiyakia keng' akware nakikamunere nesi, kiton akiro keng' nuka akitenanakin kanuka akisicasite kesi itawon akware akiwalar apaaran naka akibubukino keng' omusalaba. Ikekia lu egolete kokitabo kalo inerasi kuju ka akikamuno ka atamio ka Yesu, ka akibubukino keng' omusalaba kiton ajarun keng', nepepe ka atakanunun keng' kamaka ikiyakia keng' kedau nesi ajarun kamaka lukatwak.
Akapolok nuka aberu kana kikamuno kadoteu (8:1-11) egolorite naarai inyekiito agirasia nu ipwaka ka ajulasia nusek, konye luce igwakiito alarosinoi ace.
Itogogong'oritYoana edutat loka akijar naka ikaru kere akitoro namaka Kristo, idutat ni egeuni kipokona kani ebuni namaka ng'ulu kalu ecamunete ebe Yesu nes erot, abeite, kiton akijar. Agelakinet na epolo kokitabo kaloka Yoana erait ekipone lo itosoma nesi iboro lu ejenuna luka ng'in paaran kanuka akitodiar akijar naka akiyuun bala akipi, inyamen, acaus, lokejokon ka amerekekin keng', kiton ekitoi loka alamai kiton araito keng'.
Nu Ejaasi Toma
Akiro nu egeunete 1:1-18
Yoana Lokebatisan nepepe ka ikiyakia ka Yesu lusodit 1:19-51
Akijaanakin ka Yesu kotung'a 2:1—12:50
Apaarasia nukesial ejii Yesu arir Yerusalem 13:1—19:42
Ajarun ka atakanunun ka Lokapolon 20:1-31
Akirot nakesial: Atakanun ace ko Galilaya 21:1-25
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Yoana AKITODIARET: TESOP
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
©Bible Society of Kenya, 2020
info@biblesociety-kenya.org
AKITUTUKET NAKITETET (NEPEPEKA ISABULIN KA AWARAGASIA)
TESO NEW TESTAMENT PSALMS amp PROVERBS