Genesisi 6
6
Wubihi wa vathu
1Mbimo yi vathu va nga khata kuanda ha mafuni, va txi veleka vanana vamahorana, 2vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe. 3Sekoko, Mkoma a to khene:
“Moya wangu kha wu na mbi zumba yotshe mbimo ka m'thu, nguko m'thu i nyama, ni masiku akwe kha ma na mbi pinda 120 wa malembe.”
4 # Wona ni ka: Mit. 13:33. Ka yona yile mbimo, ha mafuni ku ti ti ni vanyasihakate va nga velekwa, mbimo yi vanana va Txizimu va nga tekana ni mahorana, ya i ku vanana va vathu, ve veleka vanana. Ngu vonevo tindena ta nduma ta mbimo ya kale.
5 # Wona ni ka: Mat. 24:37; Luk. 17:26. Se Mkoma Txizimu a to wona tito, kubiha ka vathu ka anda ha mafuni, ni ti to mipimiso ya timbilu tawe yi va yisa kubihani yotshe mbimo. 6Sekoko Mkoma Txizimu, a to ti laya ngu kuva a di mahile m'thu ha mafuni, se a to pandiseka mbiluni kwakwe. 7Se Mkoma a ti khene:
“Ni na fuvisa txitimwi ka mafu, m'thu wu ni nga mmaha, ni fuvisa kambe sihari, ni sihari so tsimbila ngu dibindi, ni sinyana sa nzumani; nguko na ti laya ngu kuva ni di si mahile.”
8Aniko Nowa a mani kukateka masoni ka Mkoma Txizimu.
Ngalava ya Nowa
9 # Wona ni ka: 2 Ped. 2:5. Ayiya i xawutelo ya liveleko la Nowa. Nowa i ti m'thu wamnene, i ti wa ditshuri hagari ka vathu va mbimo yakwe, kambe a ti ti tsimbila kumweko ni Txizimu yotshe mbimo. 10Nowa a velekile vanana vararu va majaha: Semi, Kame ni Jafete. 11Ditiko di ti tate ni kubiha masoni ka Txizimu, ni kuva di ti tate ni wugevenga. 12Txizimu txi woni ti to ditiko di tate ni wubihi, nguko votshe vathu va ti ti londeta nzila ya walo.
13Sekoko Txizimu txi to kha txona ka Nowa:
“Ni lava kufuvisa votshe vathu, nguko mafu ma tate ngu wubihi, ngu mhaka yawe. Ni na va fuvisa, kumweko ni mafu. 14Aka ngalava ngu mapulango a mndonga wa nyeti#6:14 Mwendo: Abanisela. ngu sibhiya, u lemetela ngu phula, hahanze ni mndani. 15U na yi akisa tiya: Kulapha ka ngalava nga 300 wa mikono, kuanama nga mtxhanu wa magumi a mikono ni kudemba ka magumi mararu a mikono. 16Ngu txitimwi ka ngalava, u na veka difasitela da mkono wumwewo; u veka ditimba da ngalava ha didhawa; u txi aka ka yona txitezi, txa hahatshi, txitezi txa wumbidi ni txitezi txa wuraru. 17Nguko ni na wuyisa ndambi ya mati ha ditikoni, a ha ku no tala, ku na fuviswa hahatshi ka nzuma sotshe sivangwa si si hanyako, asi si ku ni muhefemulo wa wutomi. Sotshe si si kuho mafuni, si na fuva. 18Ni na maha txitumelelano txangu ni nawe; se u na wulela ngalavani awe ni vanana vako, ni msikati wako, ni vasikati va vanana vako. 19Ni ka sotshe si si hanyako, ni ka sotshe si i ku nyama, u na teka simbidi-simbidi, matune ni mkati, u txi wulela naso mu ngalavani, kasi ku si hulukisa, si txi hanya kumweko ni nawe. 20Ka tixaka ta sinyana, ka tixaka ta sihari, ka tixaka ta sotshe si si tsimbilako ngu dibindi ha mafuni, si na wulela simbidi-simbidi kumweko ni nawe amu ngalavani, kasi ku si txi huluka, si txi hanya. 21Se awe u na tshanganisa totshe tixaka ta sakudya u txi si veketa; kasi si na va sakudya sako ni sa sivangwa.”
22 # Wona ni ka: Vaheb. 11:7. Nowa a to maha toneto; totshe ti Txizimu txi nga mruma tona, ene a ti mahile.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Genesisi 6: BEC2016
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.