Markus 6
6
1Nda dimma tsiro a si hwoden; miyedi‐kwoden ta wudo kan.
2Fira piyatso ḅe kenno, nda tiya kenno miye avor hwodiye hiwotso. Ḅware hananan naya ta kel lemeden, tadi ndello a tsa a chi: “A ndoha mano a ḍim alalema? Nda ula leyetso miya vo mano: lentso gbantso a dimma a tuffongen?
3Mano á tsi no ndso‐fyedsye, ndse da Maryamu, ndso‐nogo Yaḳub, ka Yosi, ka Yahutha, ka Siman? Miyedaren dziye‐maindie gban ten ne ahakeino.” Ḅe go so‐pawtsi ahangeren.
4Yesu a tsaren a chi: “Annabi á weye ḍongo fukatso sie avor njiyaden, avor miyeden gban, ka hwoden.”
5Ndá mba ḍa so gbane ahano, nda ngur tuffongen a pa dziye‐otso kyengkyeng, nda mbo otsodaren.
6Nda ndello gekelo vodiyalemo tám karen. Nda gballa weyo avor hwodiye kake a kenno miya.
7Nda watiren ten bow a mbidi gbie, nda tiya lentiren, ma ta wudo di gbei di gbei; n la verren kentso a no rektso pitso.
8Nda hiwaren ḅé tá ngur ndong so gekelo tuffe sie garatso hido; ḅé taná ngur gurasatso, ka gbura, ḅé tá ngur bara a so ḅweye sitto,
9ma ta weyo ka hwonye a mborriye, ḅé miyá chopwa rukutye gbei.
10Nda tsaren ḅo: “Nagi ndoha huna perro a hwodiye, ndsam ahangen, ḅé huná wudo ha some.
11Nagi ndoha, ha miyá luwrowno do, miye kella lemedowno gban, dimmum go hwodiyen?-?geren huna bengo mborringowno, berbere a jango gekelo mwa la anangeren.”
12Ta dimmo a boyo leme, na miya po njiya. Ta dimmo ka pelle hananan ta bosseren mare a mbogerren.
13-14Homen Hirudus nda kel lemongen (gibo kwakengen ḅe go ma‐leyetsi), nda tsa ḅo: “Yohanna ma ḍa baptisma, ḅo maḍo di ha mberrotso, ge lano kentso gbantso a ndsa a yedingen.”
15Imi a tsa: “Iliya.” Imi gban a tsa: “A annabi no, ma hido avor annabawa.”
16Hirudus, naya nda kel leme a tsa a chi: “Yohanna a na bong nangen, tsi no nda madi.”
17Kaden Hirudus di siren nda lensye a kir Yohanna, nda ḅweyeren a gberrowe gekelo Hirudiya metso da Filibbus ndse‐nogen.
18Gibo Yohanna a boyo Hirudus: “Árai hula gakow hye no ka metsi ndso‐nogu.”
19Ngei gban, Hirudiya, nga vingren a mo ati ḅa ḅelten; ngá mban.
20Gibo Hirudus ndadi hweyigo Yohanna gekelo nda laye a chi, tsi no ma‐feme ka ndse‐tsu?-?bwato gban, ḅa jinten pe pe, nda kel lemeden kabagban, nda kello ka yedikunye.
21Ndong firo gban Hirudus a peiyedo miyegbanye, ka miye‐kwatye, ka miye ka homne di haka Galili avor hwoden, nda ḍa odsetso a no fira miye mwasaren kan.
22Ndsitso da Hirudiya nga perro adi wuro; Hirudus, ka miye ndsa, ta zemsye karan, ha ningeren karo. Homen a tsa nji‐rikitso “Nagi ndo ula so hye mo, hye ngisi, na vu.”
23Nda gbo gakaro: “Nagi mino hya ngisi, henḅa vu; nagi toktogbeiyetso homnedei hye ngisi, na vu.”
24Nga dimmo a boyo nogero: “Mino henḅa ngiso?” Nga mwa: “No Yohanna adi ḍa baptisma.”
25Ḅogong ḅogong nga perro tantan nga ngiso a tsa a chi: “Hen mo hye vi ḅogong no Yohanna adi ḍa baptisma avor gba kada.”
26Yedi homen a kidden kabagban; gekelo gbotye nda gbo; gekelo miyedi ndsa ha sizemtso gban, ndá mo ati ḅa kerrero.
27Ḅogong ḅogong homen a len ndse‐kawatso a boyen, na miya sika nangen.
28Ndse‐kawatso a wudo ha gberrowe a bong nangen a sika no avor gba kada, nda ven ndsitso, ndsitso gban a ven nogero.
29Naya miyedi‐kwoden a kel leme ta si a ngur gbelle sisen a wudo a ḍikden avor tane.
30Manzani a gbowo ahaka Yesu, ta boyen leme kat sye ta ḍa, ka iye ta kenno miye kat.
31Nda tsaren a chi: “Hwa, ndsa hu di sirowno aha tá bwara do, ati huḅa piya kyengkyeng,” gibo miyedi si, ka miyedi wudo hananan, tá ḍim humwaha ta zemsye.
32Ta wudo ka kwombe aha tá ḅwara do.
33Miya naren avor weyetso, ḅware hananan tan leyotiren, ta gyebo a takado habiya, ta si di hwodiye kake kat, ta liyatiren.
34Yesu a dimma a na lektso miye kabagban, lemongeren a oren ten ne botsi mbagei tá ndso?-?jintso karen; nda tiya di kenneren leme kabagban.
35Fere ḅa di mberro, miyedi‐kwoden a si hakan ta tsani: “Hano tá bwara do, fire ḅa mberro,
36hye tsaren, ma ta wudo hwodiye var kake takaha, ta ḍerro nangeren sizemtso.”
37Nda mwa a tsaren a chi: “Hu ka nangowno vomeren, ma ta zemmo.” Ta tsan: “Huma wudum a ḍerrum gurasatso kwamu silletso haru gbei a verren ta zemmo?”
38Nda tsaren achi: “Mowto gurasatso ya a tyefungowno? Wudum, niyam.” Ta naro a tsa: “Kwongno tuff, ka vakye gbei.”
39Nda boyeren ma ta ndsa kat a no kake bagbakei.
40Ta gbowo a ndsa, haru gana, bow tuff garo, haru a ha som, bow tuff a gbowo som gban; che hananan.
41Nda porro mowtsi iyeno tuff ka vakye gbei, nda mad diyengen a pwa, nda humwaren a ḅeiya gurosatso, nda vo miyedi‐kwoden gekelo ta ḍikden ahumwa miye. Vakye iyeno gbei nda ḅyanaren kat.
42Kat ta zemmo a hyeḅa.
43Ta gbowdo bwakei sizemtso iye mbidi, a na a konye bow a mbidi gbei kat ka vakye.
44Miye nino iye zem mowtsi iyeno, murye hamsa.
45Ḅogong ḅogong nda boyo miyedi‐kwoden, ma ta perro kwombe, ta ngerrigo habiye ahumwasen a wudo gaka Baitsaida, ndi gban nda kango ḅa gerren a kwatatso.
46Naya nda gerren a kwatatso nda muḍo no mwei ḅa hiwo.
47Kade a kenno kwombe ne kango avor habiye, ndi gban tsi ne a ha gballatso di siren.
48Nda naren tadi tono ka lemberrotso, hawei ne ahumwasen. Nda si hakaren, ha á nda keda, nda weyo a no habiye, nda go yetsi ndaḅa perrigeren.
49Naya ta nan ndadi weyo a no habiye, ta kanna a chi pella, ta mar kwormungeren;
50Gibo tan nan kat hweyi kalatso a gerren. Ḅogong ḅogong nda boye leme karen nda tsaren, a chi: “Ma yedingowno a ndsa, ḅé huná hweyo, hen no.”
51Nda ngerro kwombe a dsa hakaren; hawei a kisso. Ta ndello kan avor mensen.
52Tá bo mensen ka leme gurasatso, gekelo yedingeren a twaltiko.
53Ta tila ḅayatso, ta si njiya da Janisarat, ta ḅweye kwombe.
54Naya ta ngerrago kwombe, miya leyeren;
55miya gyeḅo vor njiya kat ta tiya para dziye‐otso a sobotodaren, miya si karen aha miya kella nda gedo.
56Ha nda perro do avor hwodiye kake, avor garatso, avor ha gballame, nagindo ha miya ḍikdo dziye‐otso avor lumotso, ta ngisen ati tanḅa pa mbuwo rukuteden; miya pan yangkat a mbogerren.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Markus 6: BCYMRK
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
First published by the British and Foreign Bible Society in 1915.