मत्ती 5
5
यीशुन बोयड़ाम हिकवोण
(मत्ती 5:1–7:29)
1जेवी यीशु ती मोटली गेरदीह देखीन तो एक बोयड़ा पोर चेड़ गीयो, एने ताहरी बोह गीयो तेवी तान चेला ता फाय आवा। 2एने तो तान मुय उगाड़ीन ताह ज्य हिकाड़ने बाज गीयो:
बोरकेतवालो वचन
(लुका 6:20-23)
3“बोरकेतवाला हेते ता जा मोनान गेरबोड़ा हेते;
काहाकाय हेरगान राज ताच ने हे!
4बोरकेतवाला हेते ता जा दुख मोणावतेह;
काहाकाय ताह सान्ती जुड़ी!
5बोरकेतवाला हेते ता जा नम्र हेते;#बजन 37:11
काहाकाय ता देरतीन वारीस बोणती!
6बोरकेतवाला हेते ता जा देरमान बुखल्या एने तीहल्या हेते;#यशाया 55:1-2
काहाकाय ता आफरी जाती!
7बोरकेतवाला हेते ता जा गीण केरनारे हेते;
काहाकाय ता पोर गीण केराय!
8बोरकेतवाला हेते ता जान मोन चोखो हे;#बजन 24:3-4
काहाकाय ता बोगवानाह देखती!
9बोरकेतवाला हेते ता, जा मेल केरावणारे हेते;
काहाकाय ता बोगवानान सोरा केवाती!
10 #
1 पतरस 3:14
बोरकेतवाला हेते ता जा पोर देरमान केरता सेताव आवेह;
काहाकाय हेरगान राज ताच ने हे!#1 पतरस 3:14
11 #
1 पतरस 4:14
“बोरकेतवाला हेते तुमू; जेवी माणहे मार केरता तुमरी चिहटा केरती, एने सेतावती एने मार केरता तुमरा विरोद माय जुठ बोली बोलीन तुमरी विरोद माय आखी बातीन खाराब वातु केती।” 12तुलबूखे आनन्दित एने खुस ईज्यो, काहाकाय तुमरी केरता हेरगा माय मोटलो ईनाम हे; एने तुमूह रेन पेल जा जाणकार एता ताह बी ता इहीचकेरीन वेला केरायेल एता।#2 इतिहास 36:16; प्रेरितान काम 7:52
मीठ एने उजालो
(मरकुस 9:50; लुका 14:34-35)
13 #
मरकुस 9:50; लुका 14:34,35 तुमू देरतीन मीठ हेते, केदी मीठान खारलो होवाद जात रेय, ते ता खारला होवादाह पोशो किहीक लाव सेकतेह। तो कायस कामान नाह रेत, पुण बाहेर टाक देणु एने माणहे ताह पाया बुंदे रोहदेल देणु। 14#योहान 8:12; 9:5तुमू दुनियान उजालो हेते। एने जो गाव बोयड़ा पोर बुहेल हे तो लीक नाह सिकेत। 15#मरकुस 4:21; लुका 8:16; 11:33माणहे चिमणी पेटाड़ीन पायला बुंद नाह डापणु, पुण चिमणीह कोठी पोर मेलनु काय गेरावाला आखा माणहाह उजालो आपेह। 16#1 पतरस 2:12तिहेस केरीन तुमरो उजालो बी माणहान ओंगाण चोमके काय तुमरा हाजाला काम देखीन ता तुमरा आबाख ने जो हेरगाम हे, बोड़ाय केरी।
कायदान हिक
17पुण तुमू ज्य मा सोमजो काय मी कायदाह, एने जाणकारान पुस्तेकाह खेतेम केरनेन आयेल हे। खेतेम केरने नाह पुण पुरो केरनेन आयेल हे। 18#लुका 16:17#5:18 ज्यान आखो हिकवोण खेरलो हेकाहाकाय मी तुमूह खेरीच केथु, काय जाह वोर जुग एने देरती टेल नाय जाय, ताह वोर कायदाम रेन एक बी वात नाय टेली, पुण त्यु सोब पुरी एय जाती। 19तानकेरता जो कुण ज्या आत्याम रेन आत्यो उकुमा माय रेन काल्लो बी एक तोड़ी, एने तिहेच केरीन माणहाह हिकाड़ी, तो हेरगान राज माय आखाम रेन आत्यो केवाय; पुण जो कुण ता उकुमान पालेन केरी एने ताह हिकाड़ी, तोच हेरगान राज माय मोठो केवाय। 20काहाकाय मी तुमूह केथु, “केदी तुमरो देरमी पोण देरेमगुरू एने फरिसीन देरमाह रेन वोदीन नाय रेय, ते तुमू हेरगान राज माय केदी जाय नाय सिकहो।”
राग एने खुन
(लुका 12:57-59)
21तुमू ज्य होमेल लियेल हेते काय वेगाला वारान माणहाह कियेल एतो, “खुन मा किरहो एने जो कुण खुन केरी तो कोरटाम डेंडान लायकी हे।” 22पुण मी तुमूह ज्य केथु काय जो कुण आपणा बायाख पोर बिगेर कामे राग केरी,#5:22 थोड़ाक लेख माय बिगेर कारणान ने वोजेसे राग किरेह लिखेल हे तो कोरटाम डेंडान लायकी हे, एने जो कुण आपणा बायाख बिगेर कामान हे केय, तो मोटला पोंचाम डेंडान लायकी हे, एने जो कुण केय, “एरे फोगा” तो नेरगान आक्ठान डेंडान लायकी हे। 23तानकेरता केदी तु तारी बेट चेड़ावणेन केरता वेदीन#5:23 बोली चेड़ावणेन जागु जागे लावेह, एने ताहरी तुवाह एर आवेह, काय तारा बायाख ने मोना माय तार पोर काह विरोद एय, 24ते तारी बेट ताच वेदी हिऱ्यो मेल दे, एने जाईन पेल तारा बायाख हिऱ्यो मेल मिलाप केर, ओवतो आवीन बेट चेड़ावजे। 25जाह वोर तार दुसमोन तार हिऱ्यो हे, ते उतवाल्योह ताह जोड़ीदार बोणावले, काय ओहलो नाय एय काय लेड़ाणार तुवाह नियाव केरनारान आथाम होपी, एने नियाव केरनार तुवाह सिपायड़ान आथाम होपी, एने तुवाह जेलीम कोंड देती। 26मी तुवाह खेरीच केथु, जाह वोर तु एक एक रूपियो बोर नाय दिहे ताह वोर सुटहे नाय।
सिनालो
27सिनालो मा किरहो केरीन कियेल एतो, तो तुमू होमेल लियेल हेते। 28पुण मी तुमूह केथु, काय केदी कुण एगदी बायकुह गेलेत विचारा केरीन दिखेह, ते तो तान मोना माय पेलुस ती हेऱ्यो सिनालो केर लियेल हे। 29#मत्ती 18:9; मरकुस 9:47केदी तारो डाखऱ्यो डोलो तुवाह पाप केरावी, ते काड़ीन ताह टाक दे; काहाकाय तार केरता ज्योस हाजो हे काय तार सेरीराम रेन एक खेतेम एय जाए, एने तारो आखो सेरीर नेरगान आक्ठा माय टाकाय नाय जाए। 30#मत्ती 18:8; मरकुस 9:43केदी तारो डाखऱ्यो आथ तुवाह पाप केरावतेय, ते काटीन ताह जुगार दे; काहाकाय तार केरता ज्योस हाजो हे काय तार सेरीराम रेन एक खेतेम एय जाए, एने तारो आखो सेरीर नेरगाम#5:30 हेलेगतालो आक्ठो तो केदी नाह ओलाणे टाकाय नाय जाए।
सोड़नेन लेख्यो
(मत्ती 19:9; मरकुस 10:11-12; लुका 16:18)
31“ज्य बी कियेल एतो, ‘जो कुण तान बायकुह सोड़ने हुदेह, ते लेख्यो आपीन तिह सोड़ देय।’ #व्यवस्था 24:1-4; मत्ती 19:7; मरकुस 10:4 32#मत्ती 10:11-19; मरकुस 10:11,12; लुका 16:18; 1 कुरिंथीयो 7:10,11पुण मी तुमूह ज्य केथु काय जो कुण तान बायकुह सिनाला सावाय दिहरा काल्ला बी कारणा से सोड़ेह, तो तीह सिनालो केरावेह; एने जो कुण ती सोड़ दियेल बायकु हेऱ्यो वाराड़ किरेह, तो सिनालो किरेह।”
सुगोणान बाराम हिकवोण
33तुमू होमेल लियेल हेते काय वेगाला वारान माणहाह कियेल एतो, जुठी सुगोण मा खाहो, पुण बोगवानान केरता तुमरी सुगोण पुरी किरज्यो।#लेव्यवस्था 19:12; गिनती 30:2; व्यवस्था 23:21 34पुण मी तुमूह ज्य केथु काय केवी बी सुगोण मा खाहो; नाह ते हेरगान, काहाकाय तो बोगवानान राजगादि हे;#यहोशु 5:12; यशाया 66:1; मत्ती 23:22; याकुब 5:12 35नाह ते देरतीन, काहाकाय ती तान पायान चोवकी हे; नाह यरूशलेम ने काहाकाय तो मोटला राजान हियोर हे।#यशाया 66:1; बजन 48:2 36एने तुमरा मुंडान बी सुगोण मा खाहो, काहाकाय तुमू एक लेट्याह बी उजलो एने कालो नाह केर सेकते। 37पुण तुमरी वातु होव ते होव, एने नाह ते नाह एणे जुवे; काहाकाय ज्याह रेन होवटो एणे तो खाराब सैतानान उगे रेन एणे।
बुदलो लेणेन बाराम हिकवोण
(लुका 6:29-30)
38तुमू होमलेल हेते काय वेगाला माणहाह कियेल एतो, “डोलान बोदले डोला, एने दातान बोदले दात।”#21:24; लेव्यवस्था 24:20; व्यवस्था 19:21 39पुण मी तुमूह ज्यो केथु काय खाराब केरनारान सामनो मा किरहो; पुण जो कुण तारा एक गाड़शा पोर थापो देय, ते तान उगे दिहरो गाड़शो बी केर देजे। 40केदी एगदो तुवा बोलजोबरी केरीन डेगलो सांडाड़ ने हुदेह ते ताह चोड्डो बी आप दे। 41एने जो कुण तुवाह रावणी केरीन एक किलो मिटर ली जाय, ते ता हेऱ्यो दुय किलो मिटर जात रिजे। 42जो कुण तुवा फाय रेन काह उदार मांगी; तो तुवा फाय एय ते आप; एने जो कुण तुवा फाय रेन उदार लेणे हुदेह, ताह देखीन मुय मा फिरीव हे।
दुसमोनाह मोंग किरो
(लुका 6:27-28,32-36)
43तुमू होमेल लियेल हेते काय वेगाला वारान माणहाह कियेल एतो, “आपणा आहेंल्याह मोंग किरज्यो; एने दुसमोना हेऱ्या दुसमोनाय।”#लेव्यवस्था 19:18 44पुण मी तुमूह ज्य केथु काय तुमरा दुसमोनाह मोंग किरज्यो एने जा तुमूह तेकलीत देतेह तानकेरता विन्ता किरो, 45इहकेरीन तुमू तुमरा हेरगावाला आबाख ने सोरा केवाहो, काहाकाय तोच हाजाला एने बाकताला दुयू पोर तान दिह उगाड़ने, एने देरमी पापी दुयू पोर पाणी पाड़ने। 46केदी तुमूह मोंग केरनारा हेऱ्यास तुमू मोंग किरहो, ते तुमरे केरता काय फोल एय? काय फालो उकालनारे बी इहीचकेरीन नाह केरते? 47केदी तुमरा बायाख ओलास तुमू नमस्कार किरहो, ते काल्लो मोटलो काम केरतेह? काय बिगेर यहुदि माणहे बी इहकेरीन नाह केरते? 48जीह केरीन तुमरो हेरगावालो आबोख सिद्द#5:48 बोगवानान आखी वातुह मानील माणुह हे तिहेच केरीन तुमू बी सिद्द बोणो।#लेव्यवस्था 19:2; व्यवस्था 18:13
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
मत्ती 5: NTNii2020
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The New Testament in Nahali Language © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2020
