OMOCHANKO 8
8
Omoerio bw’etoigo
1Nyasae akaba oinyorete Nuhu ne ching’iti chionsi, echi’orosana, na echiatugire, echiarenge amo nere ase obwato ime. Erio agwo Nyasae akagusia omwaga ase ense, na amache agachaka gokea. 2Chinsoko chiare kobera korwa inse amo nebibao bia igoro bigasiekwa, na embura yare korwa igoro egasira, 3na amache akagenderera gokea korwa ase ense, na ekero amatuko rigana erimo, na emerongo etano (150) aerete, amache agachaka gokeana. 4Ase rituko ria ikomi na gatano na kabere, ri’omotienyi o gatano na kabere, obwato bogeterekerera ase egetunwa egetambe ki’Ararati. 5Na amache akagenderera gokea goika omotienyi o ikomi. Ase rituko rie ritang’ani ri’omotienyi o ikomi ebichuria bi’ebitunwa bikarorekana.
6Nyuma y’amatuko emerongo ene kaerire Nuhu akaigora ekebao keria akorete ase obwato, 7agatoma ekegonkoru, na kerokio gekairuruka gochia aaria na aaria goika amache agakamoka korwa ase ense. 8Erio agatoma riruma arore gose amache akamokire korwa ase ense, 9korende riruma riria tirianyora aase rikogwa na gotacha namagoro aye, rikairana ase Nuhu obwato ime, ekiagera amache nao arenge igoro y’ense engima. Ase igo akarambora okoboko kwaye, akaribwata, akarisoyia obwato ime ase arenge. 10Erio akaganya amatuko ande atano na abere, naende agatoma riruma riria korwa ase obwato. 11Riruma riria rikairana chinsa chia mogoroba, na rora, ndiabwate rito ribese ri’omozeituni ase omonwa oye. Ase ayio Nuhu akamanya ng’a amache akamokire korwa ase ense. 12Naende akaganya amatuko ande atano na abere, agatoma riruma riria, na rirorio tiriairana asare naende.
13Ase omwaka bw’amagana atano na rimo, na oyomo, rituko rie ritangani ri’omotienyi bwe ritang’ani, amache agasira korwa ase ense. Nuhu akarusia ekerama ki’obwato, akarigereria, akarora ng’a ense yakamokire. 14Rituko ri’emerongo ebere, na gatano na kabere ri’omotienyi o kabere, ense ekaba yakamokire kegima.
15Erio Nyasae agatebia Nuhu, 16“Soka korwa ase obwato, aye na mokao, na abana bao abamura, na abakungu babo. 17Osoke amo na kera egetongwa kere moyo amo naye: chinyoni, ne ching’iti chigotaara, na echikwagura igoro ase ense, erinde chiibore chimenteke, chiichore ase ense.” 18Erio Nuhu agasoka amo na bamura baye, na mokaye, na baka bamura baye. 19Na kera eng’iti, na kera eyekwagura, na kera enyoni, na ebitongwa binde bionsi bigotaara ase ense bigasoka amo noroiboro rwabo, korwa ase obwato.
Nuhu okorua ekeng’wanso
20Erio Nuhu akaagachera Omonene egesasimero, akarusia eyemo ase kera eng’iti, na ase kera enyoni echenegete, agachirua chibe ekeng’wanso ki’ogosambwa igoro ase egesasimero keria. 21Na ekero Omonene aigwete rimisu rigiya rikomogwenera, agateba ase omoyo oye ime, “Tinkoragereria ense naende nonya ng’ake ase engencho ya mwanyabanto, naki ebirengererio bie chinkoro chia mwanyabanto nebibe korwa obwana bwabo; nonya nebitongwa bionsi bire moyo tingocha kobisiria naende buna nakorete.
22“Engaki ense egendererete kobao,
nebe engaki y’ogosimeka na ey’okogesa,
engaki y’obokendu na ey’omobaso omororo,
engaki y’etoigo na ey’egurugura,
omobaso na obotuko,
tichikoera nonya ng’ake.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
OMOCHANKO 8: EKEGUSIIBBLE
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020