Matiyu 2
2
1Im pol sugkū Iesū yemumprokomol ra Betlehem ra Yūdia, ran dan sū eni Herod Natemonōk ra nūsian, ōvetemo Dōintanwi dūmūvelum dūmne ūnūrū, ra Yerūsalem mūmūnūwi mūmōkū, 2Yēi iyi mori umprokomol Natemonōk ra nūsian enirora ōveteme Isrēel? ĭt ka kelokesi mosi eni ūnūrū ĭm livelum woretĭvĭta iran.
3Im Herod netemonōk mori yemorĭgi memyēōpeli, mom-wisū ra Yerūsalem dal iyi, memsemsimokonda ōvun potni sakrefĭs, mōvun somūl ra netevokontū, memtag-kelora memokū, 4Ia Krĭsto amprokomol ia?
5Mirora dūmūnūwi pugi mūmōkū, Ra Betlehem ra Yūda: 6ĭt iyi profet yepmetīyi nam sugkū memokū, Im kĭk Betlehem ra nūrū Yūda tawi novsĭrian ĭlebōteven ōvun nivūo ra Yūda; popōwo amne marug kĭk sĭ nivūo mori onovsūromon netevokontū enyaū Isrēel.
7Im Herod yemoropon ovrokonda ōveteme nōintanwi memorūn tagkelora ugi nempugon mosi yemumproko-tūretumpeni; 8memtamūlora ra Betlehem, memenūwi memokū, Uve mūsorugi nalaū mori ĭtevaū, ĭm pol sugkū kūmagesi, ūvelum mūnūwi poyaū ma ya ampe sugkū mentĭvĭta iran.
9Mirora dūmūrĭgi nam eni Natemonōk mori mūmūve; ĭm mosi mori irora dūpmōkesi ūnūrū yemōbūm iranda mefeli nempugon yivelum memevietūrū ran tan nūrū mori rfalaū yemalēwi.
10Im pol sugkū irora dūmōkesi mosi mori dūmūvokotekat ugi navos tamas; 11ĭm pol sugkū dūmūve ūnjsog nimo dūmōkesi nalaū mori ūndū Mēri dĭneme eni, mūmokolugi nimĭda, mūmūtĭvita iran, mūmūtĭpelah woretatevote enirora, mūmūtalokugi ōvun ĭtemas pugi, kold, Im dumpon nempeneves, ĭm nagĭ aremĭ; 12ĭm Nōbū yemsemevsi punora ugi nemeviak woretūtorĭleki pugi Herod, mirora dūmūve enirorawi ra selat sĭ.
13Im pol sugkū irora dūmūve pelah sĭ nagelō eni Novsūromon yōĭmpelum pugi Yōsef ra nemeviak mōmenūwi memokū, Etūok ĭm pī nalaū ĭm dĭneme eni malō ra Ityĭp metendōwi yūi afeli nempugon ya ōmanūwi punok, ĭt Herod emagkū memnesorugi nalaū woretalugi iyi.
14Miyi yemtūok ĭm pī nalaū mori ĭm dĭneme eni, nempugon pūmrok, mōĭmpe ra Ityĭp; 15memetendōwi yūi mefeli nempugon Herod yimas, worokompeli nam eni Novsūromon mori profetyepmenūwi memokū Yaū movrugi Netūg marugi Ityĭp.
16Im pol sugkū Herod yemorĭgi ma ōveteme nōĭntanwi dūarekĭgi nam eni iyi yemarakī tamas, memtamūlora, memtalokonda ōvalalaū ĭtovateman omwisū ra Betlehem, ĭm nūrū sū nagkaūugi mori nevi dūrūgo iranda, sugkū ugi nempugon iyi vepmorūn tagkelora ōveteme nōĭntanwi ugi. 17Yemampesog nam Yeremĭa profet yepmenūwi memokū, 18Dūmūrĭgi nasora ra Rama, tugageri, ĭm nakūrĭm norĭgumpūnū tamas; Ratyel yemtugi ōvun netnime eni metūakīūgi ma sī ontĭ nōwan popōwo tawi irora.
19Im pol sugkū Herod yimas sĭ nagelō eni Novsūromon yōĭmpelum pugi Yōsef ra Ityĭp ra nemeviak mōmenūwi memokū, Etūok ĭm pi nalaū mori, 20ĭm dĭneme eni meve ra nūrū Isrēel, ĭt irora dūmas mori dūmosorugi nalaū woretalugi iyi. 21Miyi yemtūok ĭm pĭ nalaū ĭm dĭneme eni moĭmpe ra nūrū Isrēel; 22kō pol sugkū yemorĭgi nam ma Arkelaus yemnari ra Yūdia tampenum eni Herod ĭtemen eni, iyi yemtetugi woreve yūi; ĭm Nōbū yomesemevsi pugi ugi nemeviak miyi yive ra nūrū Kalĭli, 23mevelum metendōwi ra sĭ nemōte nin Nasaret worampesog nam ōvun profet dūpmūnūwi mumokū, Ōveteme wanūwi magkū, Iyi neteme Nasaret.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Matiyu 2: ERGNT79
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
