Luk 18
18
1Miyi yemenūwi sī parabel punora, memokū wonufwaki nempugon sū, mūtūampiugki; 2memokū, Sī natemonok nūrian ra sī sīti, miyi yetūintetugi Nōbū, metūmesesie ūnimĭnda oveteme. 3Im sī neviumpūi ra sīti mori yemorūnevelum pugi memenūwi memokū, Urian iran novsen nakan sorūg. 4Miyi yetūoratevetevi. Kō penūri iyi yemesepen tarū, Nagkū ya otūmamtetugi Nōbū, 5motūmesesie ūnimĭnda oveteme, kō, popōwo imo neviumpūi umēugūri yaū ya onūrian nisekon, nagkū tawi iyi ampelum ĭndōwi mōmenti nĭmtūg.
6Iyi Novsūromon yōmenūwi, memokū, Urīgi nam isen natemonok nūrian sempiri. 7Im Nōbū otūonūrian nisekonda ōvun tampoli isen mori umamperugisah iyi nempugon dan ĭm pūmrok, kū? ĭt iyi umandutnurō woretampenĭgi. 8Ya umanūwi pugkūm, memagkū, Iyi ontampenĭgi iranda itnum. Kō, pol sugkū Netni isen neteme ōmampelum, iyi agesi tavniri ra nemap, kū?
9Miyi yemenūwi imo parabel punora mori dūmūsepen nōkū irora tanepo, mūmōkosorĭndi oveteme mōmū: 10Dūrū oveteme dūmūvesah ra nimo tumpora worufwaki, sī neteme Faresi, ĭm sī, lĭvsaū nalekon. 11Iyi Faresi yemetūrū memufwaki memokū, Ah, Nōbū, kompalugi popōwo yaū tawi sugkū oveteme sū ōvun torefora, ōvun sempiri, ōvun tampalaū, kū sugkū imo lĭvsaū nalekon. 12Ya umasepen netevokon nempugon dūrū ra sī wik; ya umampugi sīugi ra narolemgo siemesū sorūg.
13Miyi lĭvsaū nalekon yemetūrū isūt, metūmokū iyi onelasah ūnpokōp, kō, yemesepentĭ nemĭndugon isen memenūwi, memokū, Ah Nōbū, eviamlĭves irag, yaū nareki sat. 14Ya umanūwi pugkūm memagkū, Imo neteme yep ra nimo isen, miyi tanepo ūnĭpmi isen Nōbū mōmū ra iyi sī: ĭt iyi sī umasepenvĭsah iyi, ampīsep iyi; miyi sī umasepenvīsep iyi ampīsah iyi. 15Mirora dūmūriuki ōvalalaū pugi, mūmōkū iyi osugkorora; mōvun nūrie dūmōkesi, mūmūnūali punora. 16Kō, Iesū yemovrokonda memenūwi, memokū, Aremī ōvalalaū wampelum po yaū, mūtūnūali punora, popōwo sugkū irora lō isen Nōbū. 17Itnesog ya umanūwi pugkūm, memagkū, Iyi sī otūampī lō isen Nōbū sugkū nalaū, otūonĭntorĭmpe ūnisog.
18Im sī nevsem yemtagkeli memokū, Tavsogi aremi, ya onumpi sie worevi nomūrep ūbruni? 19Im Iesū yemenūwi pugi, memokū, Kemanūwi memagkū yaū aremi, irasie? tawi sī aremi, Nōbū sīteven. 20Kemagkilora ōvun selnivi, Kĭk otūontampalaū; Kĭk otūontalugi; Kĭk otūonumprok; Kĭk otūontesūi namli; Sendiukives ĭtum ĭm dinum.
21Miyi yōmenūwi, memokū, Imosū omwisū yaū mafinte marugi nempugon yaū virok. 22Iesū pol sugkū yemorigi imosū yōmenūwi pugi memokū, Sī kōtūumpi: ōvun se sorum, siemesū kemetipe sorum, kampasi, metevūrakwokonda ōvun narumkor, ĭm kĭk ampī nōeteves ūnpokōp, melum mūri yaū. 23Im pol sugkū iyi yemorigi imosū yemorigi sat tamas, popōwo isen netevote tamas wokon. 24Im pol sugkū Iesū yemokesi yemorĭgisat tamas, iyi yōmenūwi, memokū, Onugkugko iranda ūmantipe isenda netevotesū worĭntorĭmpe ra lō isen Nōbū. 25Mōmū ĭtemelepon ra sī kamel worĭntorimpe ra nelni nitel iran sī neteme nōete woreve ūnisog lō isen Nōbū. 26Mirora mori dūmūrigi, dūmūtagkeli, mūmōkū, Im mē faneteme worevi nēōwara? 27Miyi yōmenūwi, memokū, Imosū mori oveteme tawi faneteme worumpi, Nōbū faneteme worumpi.
28Im Piter yemenūwi, memokū, Kam lowisep omwisū ĭm lūrok. 29Miyi yemenūwi punora memokū, Itnesog, ya umanūwi pugkūm, memagkū, Irorasū mori dūmūwi nimo, kū ĭtemen ĭm dĭneme, kū ravensīeme, kū retepon, kū ōvun netnime, popōwo ugi lō isen Nōbū, 30wōmampī sikat mōmū ra nempugon marima, ĭm ra nūrū mori umante, nomūrep ūbrūni.
31Miyi yemtōrorago, ōvun Twelv, memenūwi punora, memokū, Urĭgi; kos kemlesah ra Yerūsalem, ĭm siemesū ōvun profet dūmūtīyi mūmōkū ugi Netni isen neteme, wonakompelisū. 32Popōwo irora wonempirigi iyi punora ōvun nelebokevat, mirora wonagipĭ iran, monumpi sat iran, montevani iran, mamselatevi, ĭm penūri, wontalugi; 33miyi umamsorasah ra dan deselugi, Mirora dūmūmgĭugi imosū omwisū; 34yemetiumpeni imo nam morokonda; mirora dūtūkili ugi imosū mori iyi yemenūwi. 35Im pol sugkū iyi yemumpotipot Yeriko, sī neteme nĭmtēi yemetesep ra nokorin selat memesenĭgi. 36Miyi yemorigi ōvun numpūn lō dūmavan, memtagkeli ugi. 37Mirora dūmūve mūmunūwi pugi, mūmōkū, Iesū neteme Nasaret umnavan. 38Miyi yemovrugisah iyi, memokū, Iesū Netni isen Dēvĭd, togesoveliyaū. 39Mōveteme mori dūbūm dūmūnūali pugi, mūmōkū iyi anteteven; kō, iyi yōmovrugisah mōmū, memokū, Netni isen Dēvid, togesoveli yaū. 40Im Iesū yemetūrū, memenūwi, memokū, wontori pugi; ĭm pol sugkū iyi yivelum potipot, iyi yemtagkeli, memokū Kemagkū ya onumpi sie iram? 41Miyi yemenūwi memokū, Novsūromon, ma ya umagesi. 42Im Iesū yōmenūwi pugi, memokū, Omokesi; tavniri sorum ovkĭkēōwara. 43Marimago iyi yemokesi, memūri, memorūfoves numpĭlin Nōbū; mōvun numpūn lōsū dūmōkesi mūmarūfoves numpĭlin Nōbū.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Luk 18: ERGNT79
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
