OBUCHACHILO 3
3
Obukhayi bwomundu
1 #
Obuch. 2:24; Obufw. 12:9; 20:2 Ne inzokha nayo yali injesichesi muno okhushilakhwo isolo yindi yosi yosi, eya OMWAMI Nyasaye yali niyalonga. Inzokha eyo niyireeba omukhasi oyo yiri, “Toto Nyasaye yaboola mbu, shimulaliakhwo khubiamo biomusaala kwosi kwosi okwomukunda kuno ta?” 2Naye omukhasi oyo nachikalusia naboola ari, “Khunyala okhuliakhwo khubiamo biemisaala chiosi echiomukunda kuno, 3habula Nyasaye yaboola ari, ‘Shimulaliakhwo khubiamo biomusaala okuli hakari womukunda kuno ta. Khandi shimulatiilakhwo ta, mwitsukhana mwafwa.’ ” 4Nebutswa inzokha eyo niyikaania omukhasi oyo yiri, “Shimulafwa tawe.” 5Okhuba Nyasaye amanyile mbu, nimuliakhwo khubiamo biomusaala okwo, tsimoni tsienywe tsilatimbusibwa, ne mulaba shinga Nyasaye. Mulamanyilisia amalayi nende amabi. 6Kho lwomukhasi oyo yalola mbu, omusaala okwo kwali omulayi khulwa eshiokhulia, khandi mbu, kwali okwokhuchamisia khandi okwokhukhola omundu okhuba omuchesi, yabukulakhwo eshiamo shiakwo ne nalia. Khandi nabukulakhwo ebiamo biakwo bindi nahelesia omusaatsawe naye yesi nalia. 7Mana boosi babili nibaba nobuchesi obunji, ne nibamanya mbu, bali eshiechenye. Kho nibanaba halala amasafu komukhuyu nikekhola ebifwalo ne nibeboyela mushilenje. 8Mana khubwile nibahulila OMWAMI Nyasaye nachendanga mumukunda, ne omusaatsa oyo nomukhasiwe nibebisa mumisaala chiomukunda okhurula aha OMWAMI Nyasaye yali. 9Nebutswa OMWAMI Nyasaye yalanga omusaatsa oyo ne namureeba ari, “Oli hena?” 10Naye omusaatsa oyo nakalusia naboola ari, “Embuliile okhuchendakhwo mumukunda, mana nemba omurii, shichila embeele eshiechenye, kho nindibisa.” 11OMWAMI Nyasaye namureeba ari, “Niwiina oukhubooleele mbu, oli eshiechenye? Oliilekhwo khubiamo biomusaala kwa ndakhukaania mbu, shiolaliakhwo ta noho?” 12Omusaatsa oyo nakalusia naboola ari, “Omukhasi owa wambelesia okhumenya ninaye, niye oumbelesiyekhwo ebiamo biokhumusaala okwo mana nendia.” 13#2 Abakor. 11:3; 1 Tim. 2:14Mana OMWAMI Nyasaye nareeba omukhasi oyo ari, “Nishiina eshiokholile shino?” Omukhasi oyo namukalusia ari, “Inzokha niyo eyingaatiiye mana nendia.”
Eshinyasio eshia Nyasaye yarumbula
14OMWAMI Nyasaye nabooleela inzokha ari,
“Okhuba okholile kano, mutsisolo nabulimo tsiosi, iwe oli mushilaamo shiobubi,
Olamoolanga hasi khundayo,
khandi olakhombanga olufu,
tsinyanga tsiobulamubwo tsiosi.
15 #
Obufw. 12:17
Ndalaraho obusuku hakariwo nende omukhasi,
nende hakari wa abolwibulolwo nende olwibulo lwomukhasi.
Omundu alasaasakanga omurwekwo
nawe olalumanga eshisisiloshie.”
16Nyasaye naboolela omukhasi oyo ari,
“Ndalameeta muno obutsunwibwo bweinzibula,
olebulanga abaana mubutsunwi obululu.
Ne, kata kario, olekombanga omusaatsawo nawe olabetsanga hasi woburuchibwe.”
17 #
Abaheb. 6:8
Khandi Nyasaye naboolela Adamu ari,
“Khulwa okhuba orecheresiye amakhuwa komukhasiwo,
ne nolia khubiamo biomusaala, okwandakhukaania nemboola endi,
‘Shiolaliakhwo khukwo ta,’
liloba lili mushilaamo shiobubi khulwa obwonoonibwo.
Iwe olakholanga emilimo emitinyu khwiloba kho mbu, onyoole eshiokhulia tsinyanga tsiobulamubwo tsiosi.
18Amahwa nende amarakalu bilamela khwiloba elo,
nawe olaliitsanga emimela chiomumukunda.
19Olakholanga emilimo namaani norula oluchesi kho mbu, onyoole ebiokhulia,
okhuula lwolikalukha khwiloba elia warulakhwo,
Okhuba iwe walongwa okhurula khwiloba,
khandi olikalukha kwiloba.”
20Mana omusaatsa oyo nakulikha omukhasiwe eliira mbu, Hawa, okhuba yali nyinamwana abandu boosi. 21Kho OMWAMI Nyasaye nakaasilia Adamu nende Hawa ebifwalo biamaseelo ne nabafwala. 22#Obufw. 22:14Mana OMWAMI Nyasaye naboola ari, “Bulano omundu amalile okhuba shinga ifwe, amanyile amalayi nende amabi. Khandi yakhetsukhana yanyiila omukhonokwe nokhubukulakhwo ebiamo biokhumusaala kwobulamu ne nalia, ne namenya emiyika chiosi.” 23Khulweshio OMWAMI Nyasaye yalonda Adamu okhurula mumukunda kwa Edeni kho mbu, aleshe okhukulima. 24OMWAMI Nyasaye yalonda Adamu okhurula mumukunda okwo, ne nara Ebilonje bietsimbaha#3:24 Ebilonje bietsimbaha: Nabamalaika abalindi. elubeka lwebukwe lwomukunda kwa Edeni, nende olukanga olumwesukhanga nilushiukhana tsimbeka tsiosi, okhuliinda injila eyitsia khumusaala kwobulamu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
OBUCHACHILO 3: OLUDC
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in