JENESIS 5
5
1Tea waia e pei tusi ni navakilinaana maga ni Adam. Naaleatia waina Sup̃e e dawona ki naatam̃oli asa, e mari a e dakiusi Sup̃e; 2E dawona ki da ero pei naanoai go nagoroi; go e pasa m̃ata ki da, po soso nagisada ki Adam, naaleatia waina ero pei tea tawonakiana asa. 3Go Adam e mauri natau p̃onotia sikai rualima takuna dolu, po pesi natuna naanoai sikai waina e dakiusi a, e pei nununa; go e soso nagisana ki Seth: 4Go naaleatia maga ki Adam edaku ki e pesi Seth, eu pei natau p̃onotia latolu: go e pesi natuna naanoai maga go natuna nagoroi maga. 5Go naaleatia mamau puti waina Adam e mauri asa eu pei natau p̃onotia loveti rualima takuna dolu: go e mate.
6Go Seth e mauri natau p̃onotia sikai tamate lima, po pesi Enosh: 7Go Seth e mauri edaku ki e pesi Enosh natau p̃onotia latolu tamate larua, po pesi natuna naanoai maga go natuna nagoroi maga: 8Go naaleatia mamau puti ki Seth eu pei natau p̃onotia loveti rualima takuna sikai tamate dua: go e mate.
9Go Enosh e mauri natau rualima loveti, po pesi Kenan: 10Go Enosh e mauri edaku ki e pesi Kenan natau p̃onotia latolu rualima takuna sikai tamate lima, po pesi natuna naanoai maga go natuna nagoroi maga: 11Go naaleatia mamau puti ki Enosh eu pei natau p̃onotia loveti tamate lima: go e mate.
12Go Kenan e mauri natau rualima larua, po pesi Mahalalel: 13Go Kenan e mauri edaku ki e pesi Mahalalel natau p̃onotia latolu rualima takuna pati, po pesi natuna naanoai maga go natuna nagoroi maga: 14Go naaleatia mamau puti ki Kenan eu pei natau p̃onotia loveti rualima takuna sikai: go e mate.
15Go Mahalalel e mauri natau rualima latesa tamate lima, po pesi Yared: 16Go Mahalalel e mauri edaku ki e pesi Yared natau p̃onotia latolu rualima takuna dolu, po pesi natuna naanoai maga go natuna nagoroi maga: 17Go naaleatia mamau puti ki Mahalalel eu pei natau p̃onotia latolu rualima takuna loveti tamate lima: go e mate.
18Go Yared e mauri natau p̃onotia sikai rualima takuna latesa tamate dua, po pesi Enok: 19Go Yared e mauri edaku ki e pesi Enok natau p̃onotia latolu, po pesi natuna naanoai maga go natuna nagoroi maga: 20Go naaleatia mamau puti ki Yared eu pei natau p̃onotia loveti rualima takuna latesa tamate dua: go e mate.
21Go Enok e mauri natau rualima latesa tamate lima, po pesi Methuselah: 22Go Enok e surata sikoti Sup̃e edaku ki e pesi Methuselah natau p̃onotia dolu, po pesi natuna naanoai maga, go natuna nagoroi maga: 23Go naaleatia mamau puti ki Enok eu pei natau p̃onotia dolu rualima takuna latesa tamate lima: 24Go Enok e surata sikoti Sup̃e: go e da doko mau; nalakena Sup̃e e dape a.
25Go Methuselah e mauri natau p̃onotia sikai rualima takuna latolu tamate larua, po pesi Lamek: 26Go Methuselah e mauri edaku ki e pesi Lamek natau p̃onotia larua rualima takuna latolu tamate dua, po pesi natuna naanoai maga go natuna nagoroi maga: 27Go naaleatia mamau puti ki Methuselah eu pei natau p̃onotia loveti rualima takuna latesa tamate loveti: go e mate.
28Go Lamek e mauri natau p̃onotia sikai rualima takuna latolu tamate dua, po pesi natuna naanoai sikai: 29Go e soso nagisana ki Noah, e naga, Tea waia ega wo pasapakavakale gida nalakena nawosiana anigida go nalakena namawosaana ni nam̃elearugida, nalakena natano waina Yehovah e pasa sa ki nia. 30Go Lamek e mauri edaku ki e pesi Noah natau p̃onotia lima rualima takuna loveti tamate lima, po pesi natuna naanoai maga go natuna nagoroi maga: 31Go naaleatia mamau puti ki Lamek eu pei natau p̃onotia larua rualima takuna larua tamate larua: go e mate.
32Go Noah e pei tea ni natau p̃onotia lima: go Noah e pesi Shem, Ham, go Yafeth.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
JENESIS 5: NTB
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Bible Society of the South Pacific