John Chongmaruoi

Chongmaruoi

Thurchisa John miziek dungjûiin Jisua hih kumtuonga Pathien Chong, “Munisi juong changa ei lâia a omsaipu hih ani,” ti mi min riet ani (1:14). Hi lekhabu lelê hin ati anghan, hi Thurchisa hih miziek anina, abitak chu aporepungei murdi'n Jisua hih Sanminringpu leikhâmsai Pathien Nâipasal, ani ti an iem theina rang le ma an iemna sika ringna an man theina ranga ani (20:31).

Kumtuonga Pathien Chong leh Jisua nina ânzom tie roi hi chongmaruoia ânlang suole chu hi lekhabu bul tienga ei mu Jisua hi Sanminringpu leikhâmsai, Pathien Nâipasal ani minlangna sininkhêl tamtak ngeia minlang ani. Mangei ha sininkhêl minlanga omin rilminthârna chongin ajûi sa. Hi muna hin chu mi senkhatin Jisua an iema, ama jûipungei an hong nitie ngei le senkhatin chu ama an doia, iem nuom mak ngei tiin a misîr ani. Abung 13-17 sûnga hin chu Jisua sûra a omni jâna a ruoisingei leh an intûp khomna roi le jêmdela a om rangtoa an kôma incherêlna chong le mohôkna chong a pêk ngei hah achuong ani. Abung mongna tieng ngeia hin chu Jisua sûra a om roi le a chungroi an jêkna roi ngei, an jêmdelna roi le ânthoinôkna roi le ânthoinôk suonûka a ruoisingei kôm ânlârna thurchi ngei hih misîrin aom ani.

Nupangnu ânre lâitaka an sûrnu thurchi (8:1-11) hi chu kuolkhum sûnga dar ani, asik chu kuta miziek tamtak ngeia le chongmelet masa ngeia han an lei minchuong loi sika ani, senkhat nôkin chu mun danga an miziek minchuong ani.

John hin Khrista jâra kumtuong ringna manboipêk, Jisua chu lampui, chongtak le ringna ani, tia ama iem ngei kaiin atûn renga an man rang manboipêk lunghâng a tho ani. Hi Thurchisa John miziek hih rathatienga adiktaka riet minthârna ei dôn theina rangin anîngtin ringnuna ei mang uol ngâi neinunngei, tui, vâipôl, vâr, belripu le a belringei, male graperâng le amarangei mangin chong mi mintêk pe sika ani.

Asûnga chongtângpuingei

Chongmaruoi 1:1-18

Baptispu John le Jisua ruoisi masa ngei 1:19-51

Jisua mipuingei ranga sintho 2:1—12:50

Sûn mongna tienga Jerusalem sûnga le akôla Jisua sintho 13:1—19:42

Pumapa inthoinôkna le ân lârnangei 20:1-31

Chongkhârna: Galilee rama ân lâr nôkna 21:1-25

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

John Chongmaruoi: SAKNT

Highlight

ಶೇರ್

ಕಾಪಿ

Want to have your highlights saved across all your devices? Sign up or sign in

Pathien Lekhabu Inthieng Chongtung Thar ಬಗ್ಗೆ ಇನ್ನಷ್ಟು ತಿಳಿಯಿರಿ

John Chongmaruoi

Popular Bible Verses from
John Chongmaruoi

ಬೈಬಲ್:

Sakachep

ಆವೃತ್ತಿ: Pathien Lekhabu Inthieng Chongtung Thar - SAKNT