Maak 15
15
Jisu ah Pilat reeni siitwanta
(Mat 27:1,2,11-14; Luk 23:1-5; Jn 18:28-38)
1Rangkhano di Romwah phokhoh ah mihak phokhoh, Hootthe Nyootte nyia Ngoong awang loong damdi kaankoong suh echaan ih chomui rumta. Neng ih Jisu ah jaanruh ih khak rum ano Pilat suh kowan rumta. 2Pilat ih chengta, “Jehudi luungwang ah an tam angkoko?” Jisu ih ngaakbaatta, “Elang eah an ih liihu rah ah.”
3Romwah Phokhoh loong ah ih jirep di Jisu ah mat ih deejoh rumta, 4eno Pilat ih we chengta, “An ih tanih ngaakbaat rumko? Boichaat thaak uh neng ih liilaang rum halu rah ah!”
5Erah di uh Jisu ah khaapsiit taan toon jeng suh tanookta, eno Pilat ah paatjaata.
Jisu tek haat baat rumta
(Mat 27:15-26; Luk 23:13-25; Jn 18:28-38)
6Khopui kuwaang#15:6 Khopui kuwaangEnglish di ‘Passover’ kuwaang et liiha rookwih Pilat ih phaatak ni tongte mina, marah noksong ih danje ah erah daap haat ah neng banlam angta. 7Erah tokdi mih wasiit heh men ah Barabas changrook di mih tek haat arah phaatak ni sakta. 8Paang hoh di mamah kah ih daap haat ah erah likhiik phaatak ni tongte daap haat suh miloong ah Pilat reeni wang rumha no cheng wang rum taha. 9Pilat ih cheng rumta, “Ngah ih seng suh Jehudi luungwang ah toomdaap kohe ih tam li han?” 10Heh ih jatcho angta, Romwah phokhoh loong ih Jisu ah rapne ih miksuh rum ano jokoh wan rum tahang eah.
11Eno Romwah Phokhoh loong ih miloong asuh Jisu lah angthang ih Barabas ah daap haat theng ih Pilat reeni rojeng thuk rumta. 12Pilat ih miloong asuh we cheng rumta, “Erah ang abah, sen ih Jehudi luungwang et liihan asuh ngah ih tumjih et ang?”
13Neng ah ngaak riing rumta, “Bangphak nah tek rabbot theng!”
14Pilat ih we chengta, “Heh tumjih thetre kota?”
Miloong ah ih erong ih huk riing rumta, “Banphak nah tek rabbot theng!”
15Noksong ah roonthuk suh li ano, Pilat ih Barabas ah daapta. Eno Jisu ah ruh ih buh thuk ano bangphak nah rabbot suh korumta.
Raabante loong ih Jisu ah thaangju rumta
(Mat 27:27-31; Jn 19:2,3)
16Raabante#15:16RaabanteEnglish di ‘soldier’ et liiha. loong ih Jisu ah Kobono#15:16KobonoEnglish di ‘Governor’ et liiha. nokmong ni neng joonte ah lompoon rum ano siitwan rumta. 17Neng ih Jisu ah elootwah saangjang songloh#15:17Saangjang songlohRoman nok hah samsong elootwah ang arah rom arang hoon di kapjih. ih choom rum ano nyia suk khopok ah hoon rum ano, heh khoni pokkoh rumta. 18Eno neng ih lakkong ih soom rumta: “Jehudi loong luungwang ah Roitang toomtong kah!” 19Jisu khoh adi chaanthah ih buh rum leh neng took rah ih took et rum, eno neng lakuh adi tong rum leh paanglaang soom et rumta. 20Eno neng ih jen thaangju joonnaam rum ano heh sak nawa saangjang samsong ah we ngaakkhook rumta, eno heh nyuh akhat ah we kap thuk rumta. Eno bangphak na tek haat wan suh siitwan rumta.
Jisu bangphak ni tek rabbot wanta
(Mat 27:32-44; Luk 23:26-43; Jn 19:17-27)
21Lam ni mih wasiit heh men ah Simoon erah samnuthung adi heh deek nawa wangha rah chomui rumta, no heh suh raabante loong ih Jisu bangphak ah roong huiwanho ih laatbaat rumta. (Simoon langla Sirini nok hah angta, heh sah rah Alekjender nyia Rupus angta.) 22Neng ih Jisu ah Golgotha adi siitwan rumta. Golgotha rah, “Mih khoraang hah suh liita.” 23Erah di heh suh kham damdi phon ah woorum ano taat korumta, ang abah uh Jisu ih tajokta. 24#Rsb 22:18Eno neng ih bangphak adi tek rabbot rumta, henyuh hekhat ah jopche rum ano, o ih marah chep ah choh ah ih wenhaat rumta. 25Heh ah rangkhah phek kaat tok saapoot akhuh di tek rapbotta. 26Heh kaanju jengkhaap amet raangta, “Jehudi luungwang.” 27Jisu damdi ehuh wanyi, esiit ah dak hekko esiit ah jaawako ih wak rabbot rumta. 28#Isa 53:12 [Emamah Rangteele ni liiha amiisak angta. Heh ah mih putte likhiik ih roong hoonta.]#15:28 Mararah leedap adi wet hin 28 tawak raangkaEmamah Rangteele ni liiha amiisak angta. “Heh ah mih putte likhiik ih roong hoonta.”
29 #
Rsb 22:7; 109:25; Mk 14:58; Jn 2:19 Erah di daankhoomte miloong ih Jisu ah neng tok ah nyoongleh chikram kaanju et rumta: “Aleh! An ih bah Rangteenok#15:29 Rangteenok: Ehak banlam di esiit luulu angta Rangte nok ah, eno erah di Romwah phokhothoon bah jen nopta. ah thaak hoom angno sa jom mongdoh we hoon ang ih laangma liitu! 30Amadoh an teewah ah jen pang ubah, bangphak dowa edat khoom ih ho ba!”
31Erah likhiikkhiik romwah phokhoh loong nyia Hootthe Nyootte loong ah ih we kaanju liilaang rumta, “Heh ih mih abah pang kah eta, heteewah ah tajen pangka! 32Taat sokthaak ih arah Kristo ah, Ijirel luungwang ah, amadoh bangphak dowa jen dat khoom koha bah seng ih uh heh suh hanpi et ih!”
Jisu reeni rabbotta wanyi rah ih uh emamah ih roong kaanju nyuuta.
Jisu tekta
(Mat 27:45-56; Luk 23:44-49; Jn 19:28-30)
33Rangnithung di deek rep ni rang ah nakdatta, eno erah koonta jom raang ih nakdatta. 34#Rsb 22:1Saasong saapoot jom di Jisu ah erongwah ih riinghuungta, “Eloi, Eloi, Lema Sabachthani?” erah langla, “Nga Rangte, Nga Rangte,” an ih ngah mamet thiinhaat halang?”
35Erah dowa mararah miloong ih japchaat rum ano jeng rumta, “Boichaat thaak an heh ih Elija poonha!” 36#Rsb 69:21 Mih wasiit ih nyulep ah pi ano soon ra taha, eno nyulep ah thaangneejih kham adi tem ano, chaanthah tuuba adi rapkhakta. Eno chaanthah ah toonpi ano Jisu tui adi mook suta, eno liita, “Ma! Ban sok ih Elija ra haano bangphak dowa tam datthiin ra thaak ha!”
37Jisu ah erongwah ih riinghuung ano tiita.
38 #
Hpkt 26:31-33
Rangteenok ni nyuh tinta rah hekhoh nawa ih helah tuk ih kho nyi ih khoodatta. 39Arami saahaap ah bangphak ngathong ni chap adi Jisu mame tiita#15:39 tiita;Mararah leedap adiriinghuung ano tiita. erah sok ano jengta, “Arah mih abah amiimi Rangte sah ju angta!”
40 #
Luk 8:2,3 Erah di mararah minuh loong ih, haloot nawa ih ban sok rumta. Erah dung adi Meeri Megdalen, Jeems no nooliwah ah nyia Josep nuh Meeri erah damdi Salomi loong ah angta. 41Heh Galili ni ang tokdi neng loong ah Jisu lilih ih rum ano naririh kah ih sokboi rumta. Nuhoh loong uh hantek heh damdi Jerusalem ni roong raakte loong uh erah di eje roong ang rumta.
Jisu mangbengta
(Mat 27:57-61; Luk 23:50-56; Jn 19:38-42)
42-43Rangja ko ang damdam Arimathia nawa Josep thok taha. Heh uh Jehudi loong Ngoong awang dung ni esiit esoongraang mina angta, eno heh ih Rangte Hasong raak ah bansokte angta. Erah sa ah Ban khookham sa angta (erah langla Jehudi loong naangtongsa saakhoh rah angta), eno Josep ah lacho laphaan ih wang ano Pilat dowa Jisu mang ah cheng wangta. 44Pilat ah Jisu jen tek etta ih chaat ano paatjaata. Arami saahaap ah poon ano Jisu abi dook nih tiita ih chengta. 45Saahaap ih baatta rah chaat ano, Pilat ih Josep suh heh mang ah jen toon et uh ih baatta. 46Josep ih heh mang loop nyuleep ah reh ano Jisu mang ah datthiin wangta, eno erah nyuh rah ih mang ah dek ano mangbeng theng, jong hah ni thoh aradi thiin kaatta. Eno mangbeng luung adi, jonglo elong tangkoong thiinta. 47Meeri Megdalen nyia Josep nuh Meeri rah ih Jisu mang marah di beng ha ih sokkah nyuuta.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Maak 15: TUT
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Tutsa First Bible: Esa Leedap Ena Banlam © NECTAR and The Word For The World International, 2018.
