Gẹnẹsisi 7
7
1OKLUNỌ sọ dọ hlan Noa dọmọ, Hiẹ wá biọ aki mẹ po whédo towe lẹpo po, na hiẹ wẹ yẹn mọ yín dódónọ to nukọn ṣie, to whẹndo he mẹ. 2To whékanlin hunkọhunkọ wiwó lẹ mẹ wẹ hiẹ ni yí sinawe-sinawe wá de we, asú po asi etọn po; podọ to whékanlin mawé lẹ mẹ awe-awe, asú po asi etọn po; 3to ohè he to aga lẹ mẹ ga sinawe-sinawe, asú po asi po; nado hla okún dogbè to aigba lẹpo ji. 4Na azán ṣinawe dogọ yẹn na jajikun do aigba ji, to okle kande po ozán kande po; po onú he to ogbè lẹpo po he yẹn ko dá lẹ wẹ yẹn na gbidi sọn aigba ji. 5Noa sọ wà kẹdẹdi enẹ he OKLUNỌ ko degbè nè lẹpo.
6Noa sọ yin owhè núọntòn mẹho whenuena gigọ́ osìn tọn lọ wá aigba ji. 7Noa sọ biọ e mẹ, po visunnu etọn lẹ po, po asi etọn po, podo asi visunnu etọn lẹpo tọn lẹ hẹ ẹ ga sọ biọ aki mẹ, na osìn gigọ́ lọ tọn lẹ wutu. 8To whékanlin wìwó lẹ mẹ, podọ to whékanlin mawé lẹ mẹ, to ohọ̀ lẹ mẹ, po to onú he nọ lìn to aigba ji lẹpo mẹ, 9ehelẹ awe-awe wá Noa de biọ aki mẹ; asú po asi po, dile Jiwheyẹwhe ko degbèna Noa do.
10E sọ wá jọ to azán ṣinawetọ godo, mọwẹ gigọ́ osìn lọ tọn lẹ sọ wá aigba ji. 11To owhè núọntòntọ mẹ Noa gbwhenu tọn tọn, to osùn awetọ mẹ to azán fọtọ̀nnukunawe osùn lọ tọn mẹ, to azán lọ gbè wẹ owhín sẹ́dò daho lẹ tọn gbà, bọ ovẹsẹ olọn tọn lẹ sọ hùn. 12Ojikun sọ ja do aigba ji okle kande po ozán kande po.
13To azán lọ mẹ gẽ wẹ Noa biọ aki mẹ, Ṣẹm, po Ham po, po Jafẹti po, visunnu Noa tọn lẹ, po asi Noa tọn po, po asi atọ̀n visunnu Noa tọn lẹ tọn lẹ po hẹ yé: 14Yé, po gbékanlin kẹdẹdi yetọn lẹpo; po whékanlin kẹdẹdi yetọn lẹpo po, po onú he nọ lìn to aigba ji kẹdẹdi yetọn po, po ohè kẹdẹdi yetọn po, po ohẹ̀ awànọ alọpalọpa lẹpo po. 15Yé sọ wá biọ aki mẹ yì Noa de, awe-awe to nútẹgbẹ̀ lẹpo mẹ, ehe mẹ gbọfufu ogbẹ́ tọn te. 16Yé mẹhe biọ e mẹ lẹ, biọ e mẹ asú po asi po to nútẹgbẹ̀ lẹpo mẹ, dile Jiwheyẹwhe ko degbè nẹ̃ do: OKLUNỌ sọ súhòn do e.
17Gigọ́ osìn tọn sọ nọte họ̀ azán kande to aigba ji; osìn sọ to gigọ́ deji, bo hẹn aki fó yìaga, yè sọ zé e sọn aigba ji. 18Osìn gbapé aigba ji bo sọ to gigódeji to aigba ji; aki lọ sọ fó yìaga to osìn nukunta. 19Osìn sọ gó talala pé aigba ji; osé he sọ yì aga to olọn péte glọ lẹpo sọ tlò. 20Awàgba fọtọ́n hlan aga wẹ osìn do ṣinyọnai, osé lẹ sọ tlọ̀.
21Nútẹgbè he nọ lìn to aigba ji lẹpo kú, ohó po whékanlin lẹ po, po gbẹkanlin po, po onú sisawẹ̃n he nọ sawẹ̃n to aigba ji lẹpo po gbẹtọ lẹpo po: 22onú lepo he mẹ gbọfufu ogbó tọn tin to awọntinslo etọn mẹ, to onú he sọ tin to aigba kloji lẹpo mẹ sọ kú. 23Onú gbẹ́te lẹpo he tin to aigba ji wẹ yè gbidi, gbẹtọ po whékanlin po, po onú he nọ lìn lẹ po, ohó he to aga, yè gbidi yé sọn aigba ji: Noa dopo akàn wẹ pò to ogbẹ̀ po mẹhe tin to aki mẹ hẹ ẹ le po. 24Osìn ṣinyọn aigba ji họ̀ azán kantọ̀ngbàn.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Gẹnẹsisi 7: BWL23
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.