LUCAS 22
22
Ti pateg ti liput.
1Ket asideg idi ti #Mat. 26:2-5. Mar. 14:1-2.fiesta ti awan levadurana a tinapay a managan Pascua.
2Ket dagiti panguloen dagiti papadi ken dagiti escriba agsapsapulda ti pamuspusan ti panangpapatayda kencuana; ta nagbutengda cadagiti umili.
3Ket #Mat. 26:14-16. Mar. 14:10, 11.simrec #Juan 13:2, 27. D. Ara. 5:3.ni Satanas ken Judas; a napanaganan ti Iscariote, isu a maysa cadagiti sangapulo ket dua.
4Ket napan ket nakisao cadagidi panguloen dagiti papadi ken cadagiti #bil. 52. D. Ara. 4:1.capitan, no casano ti panangyawatnanto kencuana cadacuada.
5Ket nagrag-oda ket nagtutulaganda nga isu iccanda ti pirac.
6Ket inanamungana ket nagsapul iti nasayaat a panangyawat kencuana cadacuada, inton #Mat. 26:5. Mar. 14:2.awan dagiti adu a tao.
Ti camaudianan a Pascua: ti nasantoan a panangrabii.
7 #
Mat. 26:17-19. Mar. 14:12-16. Ket dimteng ti aldaw ti awan levadurana a tinapay nga isu ti pannacasapul a maparti ti carnero ti Pascua.
8Ket imbaonna da Pedro ken Juan, a kinunana: Incayo, agsaganacay iti maipaay cadatayo iti Pascua tapno mangantayo.
9Ket kinunada kencuana: Adino ti cayatmo a pangisaganaanmi?
10Ket kinunana cadacuada: Adtoy, inton macasreccayo iti ciudad, masaracannacayto ti maysa a tao a nagawit ti maysa a caramba ti danum: isu ti surutenyo agingga iti balay a sercanna.
11Ket cunaenyo iti akincua iti balay: Ti Mannursuro cunana kenca: Adino ti yan ti pacasangailiac a panganac ti pascua agraman dagiti adadalac?
12Ket isu ipakitananto cadacayo ti maysa a dackel a salas a naarcosan; agsaganacay idiay.
13Napanda ngarud, ket nasaracanda a cas imbagana cadacuada: ket insaganada ti pascua.
14Ket idi dimteng ti horas, #Mat. 26:20. Mar. 14:17.simmango agraman cadagiti sangapulo ket dua nga apostol.
15Ket kinunana cadacuada: Tinarigagayac iti nasged unay ti makipangan cadacayo iti daytoy a pascua, ita ta diac pay agsagaba:
16Ta cunac cadacayo a diacto manganen #Luc. 12:50.agingga iti matungpal #bil. 30. Luc. 14:15.ti pagarian ti Dios.
17Ket nangala ti maysa a copa ket idi nacapagyamanen kinunana: Alaenyo daytoy, ket bingbingayenyo cadacayo:
18Ta cunac #Mat. 26:29. Mar. 14:25.cadacayo a diacto uminumen manipud ita iti bunga ti uvas, agingga iti umay ti pagarian ti Dios.
19Ket innalana ti tinapay, #Mat. 26:26-28. Mar. 14:22-24. 1 Cor. 11:23-25. Juan 6:51.ket idi nacapagyamanen pinisina ket intedna cadacuada a kinunana: Daytoy isu ti bagic, a maited gapu cadacayo: aramidenyo daytoy a panglaglagip caniac.
20Ket casta met ti copa, iti calpasan ti panangrabiida, kinunana: Daytoy a copa isu ti baro a tulag iti darac, a maibuyat gapu cadacayo.
21Ngem #Mat. 26:21, 23. Juan 13:18, 21, 26.adtoy, ti ima ti mangyawat caniac adda a nailanglang caniac iti panganan.
22Ta ti kinapudnona, ti Anac ti tao mapan; a cas adda a naipato; ngem, asipay dayta tao a mangyawat!
23Ket rinugianda a sinapsapul cadacuada met laeng, no asino ngarud cadacuadanto ti mangaramidto iti daytoy.
Ti cadackelan isu ti cas la cabassitan.
24Ket nabangon cadacuada ti #Mar. 9:34. Luc. 9:46.maysa a supiat: no asino cadacuada ti cas la cadackelan.
25Ket isu kinunana cadacuada: #Mat. 20:25-28. Mar. 10:42-45.Dagiti arari dagiti Gentil iturayanda ida: ket dagiti addaan turay cadacuada, managanda ti managparabur.
26Ngem dacayo, saan a casta; #Mat. 23:11. Mar. 9:35. Luc. 9:48.no di ket, ti dacdackel cadacayo isu coma ti cas la basbassit; ket ti agturay isu coma ti cas la #Luc. 12:37. Juan 13:4, 5.agservi.
27Ta asino ti dacdackel, ti sumango iti panganan wenno ti agservi? Saan a ti sumango iti panganan? Ngem cadacayo siac ti cas la agservi.
28Ngem dacayo dagiti nagtalinaed caniac #Luc. 4:13. Heb. 2:18; 4:15.cadagiti pannacasusuotco;
29Ket siac ipatagicuac cadacayo ti #Mat. 25:34.maysa a pagarian a cas ti panangipatagicua ni Amac caniac.
30 #
Mat. 8:11; 26:29. Tapno macapangan ken macainumcayo iti panganac iti pagariac; #Mat. 19:28.ket agtugawcayto cadagiti trono a mangocom cadagiti sangapulo ket dua a tribu ti Israel.
Mapacaammoan ni Pedro.
31Kinuna met ti Apo: Simon, Simon, adtoy ni #1 Ped. 5:8.Satanas dinawatnacayo tapno iriidennacayo a cas la trigo:
32Ngem #Juan 17:9, 11, 15.siac indawatanca tapno ti pammatim saan coma a mapucaw: ket sica inton #Mat. 13:15. D. Ara. 3:19.macapagbabawican, #Juan 21:15-17.pabilgem dagiti cacabsatmo.
33Ket kinunana kencuana: Apo, sisasaganaac a sumurot kenca uray pay iti pagbaludan ken #Juan 13:37.iti patay.
34Ket kinunana: #Mat. 26:34. Mar. 14:30.Pedro, cunac kenca a dinto pay agtaraoc ti cawitan ita, nailibacmonton a mamitlo nga dinac amammo.
Dagiti dua a campilan.
35Ket kinunana cadacuada: #Mat. 10:9, 10.Idi imbaoncayo nga awan #Luc. 10:4.supot ti cuarta, pagbalonan ken awan zapatos, adda aniaman a nagcurang cadacayo? Ket kinunada: Awan.
36Ket kinunana cadacuada: Ngem ita, ti adda supot ti cuartana alaenna, ket casta met ti pagbalonanna, ket ti awanan, ilacona ti cagayna ket gumatang ti campilan.
37Ta cunac cadacayo, a masapul a matungpal caniac daytoy adda a naisurat: Ket #Isa. 53:12.naibilang cadagiti managdacdakes ta dagiti banbanag a maipapan caniac adda #Juan 17:4; 19:30.pannacatungpalda.
38Idin kinunada: Apo, adtoy ti dua a campilan. Ket isu kinunana cadacuada: Umanayen.
Ni Jesus idiay Getsemani.
39Ket immaway #Mat. 26:30, 36. Mar. 14:26, 32. Juan 18:1.ket napan, cas cadawyanna, iti Bantay dagiti Olivo: ket dagiti adalanna simmurotda met kencuana.
40Ket idi dimteng idiay a disso, kinunana #Mat. 26:36-46. Mar. 14:32-42.cadacuada: Agcararagcayo tapno dicay masulisog.
41Ket isu immadayu cadacuada iti cas las magaw-at a batoen; ket nagparintumeng ket nagcararag,
42A kinunana: Ama, no pagayatam, iyadayum cadi daytoy a copa caniac; nupay casta, saan coma a maaramid, ti pagayatac no di ti pagayatam.
43Ket nagparang ti maysa nga angel ti langit a nangpabileg kencuana.
44Ket idi nga agtutuoc unay, #Heb. 5:7.nagcararag iti nasnasged: ket nagling-et iti cas la cadagiti tedted ti dara a nagtinnag iti daga.
45Ket idi timmacder iti panagcararagna, napan cadagiti adalanna ket nasaracanna ida a nacaturog gapu iti sennaay,
46Ket kinunana cadacuada: Apayapay maturogcayo? Bumangoncayo ket #bil. 40.agcararagcayo, tapno dicay masulisog.
Pannacatiliw ni Jesus.
47Ket #Mat. 26:47-56. Mar. 14:43-50. Juan 18:3-11.idi nga adda pay laeng nga agsasao, adtoy ti maysa a dackel a bonggoy; ket daydi managan Judas, maysa cadagiti sangapulo ket dua, isu ti namangulo cadacuada; ket immasideg ken Jesus tapno umagep kencuana.
48Ngem ni Jesus kinunana kencuana: Judas, iti maysa nga agep iyawatmo ti Anac ti tao?
49Ket idi nakita dagiti adda a naicuyog kencuana ti maaramid kinunada kencuana: Apo, tagbatenmi #bil. 38.iti campilan?
50Ket maysa cadacuada tinagbatna ti maysa a tagabu ti turayen dagiti papadi, ket piningasna ti lapayagna a macanawan.
51Ngem simmungbat ni Jesus ket kinunana: Bay-anyo, agingga itoy. Ket #Mat. 20:34.sinagidna ti lapayagna ket isu inagasanna.
52Ket ni Jesus kinunana cadagiti turayen dagiti papadi ken dagiti #bil. 4.agturay ti Templo ken dagiti lallacay a napan kencuana: Immawaycayo aya a cas bumusor iti maysa a tulisan, a nagtagicampilan ken nagtagipangor?
53Idi nakipaggianac cadacayo nga inaldaw idiay Templo saanyo nga inunnat dagiti imimayo a pangtiliw caniac; ngem daytoy ti #Mar. 14:35.horasyo, ken #Juan 19:11. Efe. 6:12. Col. 1:13.ti pannacabalin dagiti sipnget.
Ni Pedro ilibacna ni Jesus.
54Ket idi natiliwdan, #Mat. 26:57. Mar. 14:52.impanda iti balay ti cangatoan dagiti papadi #Juan 18:15. Ket ni Pedro simmursurot kencuana iti adayu.
55 #
Mat. 26:69-75. Mar. 14:66-72. Juan 18:16-18, 25-27. Ket idi a nangpasgedda iti tengngati #Mat. 26:3.patio, ket nagtutugawda a nagtataripnong nakicatugaw ni Pedro cadacuada.
56Ket idi nakita ti maysa a babai nga adipen nga adda a nakicatugaw iti asideg ti apuy, isu minatmatanna, ket kinunana: Daytoy naicuycuyog met kencuana.
57Ngem inlibacna a kinunana: Babai isu diac amammo.
58Ket idi madamdama bassit, isu nakita ti sabali ket kinunana: Maysaca met cadacuada: Ngem ni Pedro kinunana: Tao, saan a siac.
59Ket idi nalabes ti cas la maysa nga horas, pinanecnecan ti sabali a sitatalged a nagcuna: Pudno a daytoy nakicuycuyog met kencuana, ta isu taga Galilea.
60Ngem ni Pedro kinunana: Tao, diac ammo dayta sasaoem. Ket naigiddato, idi nga agsasao pay laeng, a ti cawitan nataraoc.
61Ket timmaliaw ti Apo ket kinitana ni Pedro: ket ni Pedro nalagipna ti sao ti Apo, nga insaona kencuana: #bil. 34.Casangoanan ti panagtaraoc ti cawitan ita, nailibacnacton a mamitlo.
62Ket rimmuar ket nagsangit ti napait unay.
Ni Jesus iti sangoanan ti Sanedrin wenno gimong dagiti papadi dagiti Judio.
63 # Aginga bil. 71. Mat. 26:67, 68; 27:1; 26:63-65. Mar. 14:61-65; 15:1. Juan 18:19-24. Ket dagiti tao nga nangaywan kencuana, inuy-uyunganda ken kinabcabilda.
64Ket inabbunganda dagiti matana, dinisnogda ti rupana ket sinaludsuda kencuana a cuncunada: Padtoam: siasino ti kimmabil kenca?
65Ket adu pay ti sabali nga insaoda a nacas-ang a pangab-abida kencuana.
66Ket apaman a bimmigat, nagguurnong dagiti lallacay dagiti umili, dagiti turayen dagiti papadi ken dagiti escriba ket impanda iti pangocomanda.
67A kinunada: No sica ti Cristo, ibagam cadacami. Ngem kinunana cadacuada: No ibagac cadacayo, saandacto a patien:
68Ket no agintuudac met, didacto met sugbatan.
69Ngem #Heb. 1:3.manipud ita ti Anac ti tao agtugawto iti macanawan ti pannacabalin ti Dios.
70Ket kinunada amin: No casta sica ti #Juan 1:49.Anac ti Dios? Ket isu kinunana cadacuada: Cunayo #Mat. 27:11.a siac.
71Idin kinunada: Ania pay ti pa casapulantayo ti pangpanecnec? Ta datayo met laeng nangngegtayo iti ngiwatna.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
LUCAS 22: TB1973
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Ti Biblia © 1973 Philippine Bible Society
