JUAN 6
6
Ti yaada dagiti tinapay.
1Idi nalpas dagitoy, #Mat. 14:13-21. Mar. 6:32-44. Luc. 9:10-17.napan ni Jesus idiay bal-lasiw ti baybay ti Galilea nga isu ti baybay ti Tiberias.
2Ket simmurot kencuana ti adu a tao, ta nakitada dagiti pagilasinan nga inaramidna cadagiti masacsakit.
3Ket simmang-at ni Jesus iti maysa a #Mar. 6:31, 32.bantay, ket nagtugaw sadiay agraman dagidi adalanna.
4Ket asideg idi ti #Juan 2:13.pascua a fiesta dagiti Judio.
5Ni Jesus ngarud, idi intannawagna dagiti matana, ket makitana nga umay kencuana ti adu a tao, cunana ken #Juan 1:44.Felipe: Adino ti gatangantayo ti tinapay tapno macapangan dagitoy?
6Ngem kinunana daytoy, tapno suutenna; ta isu met laeng ammona ti aramidennanto.
7Simmungbat kencuana ni Felipe: Dua gasut a denario a tinapay saan nga umanay cadacuada, tapno tunggal maysa cadacuada macapangan bassit.
8Cuna kencuana ti maysa cadagidi adalanna, #Juan 1:40, 44.ni Andres a cabsat ni Simon Pedro.
9Adda ditoy ti maysa nga agtutubo a lalaki nga adda lima a tinapayna a cebada ken dua nga ican; ngem aniada, dagitoy, iti castoy nga caadu ti tattao?
10Kinuna ni Jesus: Pagtugawenyo dagiti tao. Ket adda idi ti adu a root iti daydi a disso: nagtugaw ngarud dagidi lallaki a cas bilang ti lima ribo.
11Ni Jesus ngarud innalana dagiti tinapay, #bil. 23.ket idi nalpas a nagyaman, binununganna dagidi situtugaw; ket casta met cadagidi ic-ican iti cas caadu ti kinayatda.
12Ket idi napnecdan, kinunana cadagiti adalanna: Urnungenyo dagiti pispisi a natda tapno awan ti mapucaw.
13Nagpidutda ngarud, ket pinunnoda ti sangapulo ket dua nga alat cadagiti pispisi dagiti lima a tinapay a cebada, a natidda cadagiti nangan.
14Dagiti tao idi makitada ngarud daydi pagilasinan nga inaramidna, kinunada: Kinapudnona a daytoy #Deut. 18:15. Juan 1:21; 4:19; 7:40; 9:17.ti mammadto nga umay ditoy lubong.
15Ni Jesus ngarud #Mat. 14:22-33. Mar. 6:45-51.idi a naawatanna a ngannganida umay ket alaenda a piliten, tapdo aramidenda nga ari, napan manen nga isisu idiay bantay.
Ni Jesus magna iti rabaw ti baybay.
16Ket idi rumabiin dagiti adalanna simmalogda iti baybay;
17Ket limmuganda iti maysa a barangay, bumalbal-lasiwda iti baybay nga agturong idiay #Mar. 6:45.Capernaum. Ket nasipnget idin, ket ni Jesus saan pay nga immay cadacuada.
18Ket ti baybay nagdawel agsipud ta nagangin iti napigsa.
19Idi nacapaggaodda ngarud, ti cas la #Mat. 14:24.lima wenno pito a #Juan 11:18.kilometro, makitada ni Jesus a magmagna iti rabaw ti baybay, ket umasideg iti barangay: ket nagbutengda.
20Ngem isu cunana cadacuada: Siac; dicay agbuteng.
21Nagayatanda ngarud nga inawat iti barangay: ket iti apagbiit ti barangay dimteng iti daga a papananda.
Ni Jesus isu ti tinapay ti biag a maipaay cadagiti mammati.
22Iti sumuno nga aldaw, dagidi adu a tao nga agtatacder iti sabali a #bil. 1.bangir ti baybay, nakitada nga awan ti sabali a barangay no di maymaysa, ket ni Jesus saan a simrec iti barangay a naicuyog cadagiti adalanna, no di ket dagidi adalanna napanda nga isisuda.
23(Nupay casta, adda barbarangay a naggapu idiay Tiberias, a dimteng iti asideg ti disso a nangananda ti tinapay, idi calpasan ti panagyaman ti Apo):
24Idi ngarud, nakita dagiti tao a ni Jesus awan sadiay, ken uray dagiti adalanna, simrecda cadagiti barangay ket napanda idiay Capernaum a nangsapsapul ken Jesus.
25Ket idi nasaracanda iti sabali a bangir ti baybay, kinunada kencuana: Mannursuro, caano ti idadatengmo ditoy?
26Ni Jesus simmungbat cadacuada, ket kinunana: Pudno, pudno, cunac cadacayo: Sapulendac, saan a gapu ta nacakitacayo cadagiti pagilasinan, no di ket gapu ta nangancayo cadagiti tinapay ket nabsogcayo.
27Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti #bil. 35, 54, 58. Juan 4:14.biag nga agnanayon, nga itedto cadacayo ti Anac ti tao: #Mat. 3:17; 5:37; 8:18.ta isu pinanecnecan ti Ama a Dios.
28Kinunada ngarud kencuana: Ania ti rebbengmi nga aramiden, tapno maaramidmi dagiti aramid ti Dios?
29Simmungbat ni Jesus ket kinunana cadacuada: Daytoy ti aramid ti Dios mamaticayo iti daydiay nga imbaonna.
30Kinunada ngarud, kencuana; #Mat. 12:38.Ania ngarud ti pagilasinan nga aramidem, tapno makitami ket patiendaca? Ania ti aramidem?
31Dagiti ammatayo kinnanda ti mana idiay let-ang cas adda a naisurat: #Ex. 16:15. Sal. 78:24, 25.Tinapay a nailangitan intedna cadacuada a canen.
32Ni Jesus ngarud kinunana cadacuada: Pudno, pudno, cunac cadacayo; Saan a ni Moises ti nangted cadacayo ti tinapay a nailangitan; no di ket ni Amac itedna cadacayo ti pudno a tinapay nga aggapu sadi langit.
33Ta ti tinapay ti Dios isu dayta bumaba manipud langit ket mangted ti biag iti lubong.
34Kinunada ngarud kencuana: #Juan 4:15.Apo, itedmo cadacami a patinayon daytoy a tinapay.
35Ni Jesus kinunana cadacuada; Siac #bil. 51. Juan 4:10.ti tinapay ti biag: #Juan 4:14; 7:37.ti umay caniac, saanto nga agbisin; ket ti mamati caniac, uray caano saanto a mawaw.
36Ngem kinunac cadacayo a nakitadac, ket nupay casta, dicay mamati.
37 #
Juan 17:2. Isu-amin nga ited caniac ni Ama, umayto caniac; ket ti umay caniac, diacto pagtalawen.
38Ta #Juan 3:13.bimmabaac nanipud langit, #Juan 5:30.saan a tapno aramidec ti pagayatac, no di ti pagayatan ti nangibaon caniac.
39Ket daytoy ti pagayatan ti nangibaon caniac: #Juan 17:12; 18:9.Nga amin nga intedna caniac, awan coma ti pucawec, no di ket pagungarec iti camaudianan nga aldaw.
40Ta daytoy ti pagayatan ni Amac: Nga tunggal maysa a macakita iti Anac ket mamati kencuana, adda coma biagna nga agnanayon: ket isu pagungarecto iti camaudianan nga aldaw.
41 # bil. 52. Juan 5:10. Agtantanabutob ngarud dagiti Judio iti maipapan kencuana agsipud ta kinunana: Siac ti tinapay a bimmaba nanipud langit.
42Ket kinunada: Saan aya a daytoy Jesus #Luc. 4:22. Juan 1:45.ti anac ni Jose, a da ama ken inana amammotayo? Casano ita ti panagcunana: Nanipud langit immulogac?
43Ni Jesus simmungbat ket kinunana cadacuada: Dicay agtatanabutob.
44Awan ti tao a macabalin nga umay caniac, no saan a #Juan 12:32.guyuguyen ni Ama a nangibaon caniac, ket isu pagungarecto iti camaudianan nga aldaw.
45Adda nga insurat dagiti mammadto: #Isa. 54:13.Ket maisurodanto amin iti Dios. Tunggal maysa nga dimngeg iti Ama ket nacasursuro, umay caniac.
46 #
Juan 1:18. Awan ti tao a nacakita ken Ama, no di ket ti naggapu iti Dios, isu ti nakakita ken Ama.
47Pudno, pudno, cunac cadacayo: #bil. 40. Juan 3:35.Ti mamati, caniac addaan biag nga agnanayon.
48 # bil. 33. Siac ti tinapay ti biag.
49Dagidi ammayo kinnanda ti mana idiay let-ang, ket natayda.
50Daytoy ti tinapay a bumaba manipud langit, tapno ti siasinoman a macapangan coma kencuana, saan coma a matay.
51Siac ti tinapay a sibibiag #Juan 3:13.a bimmaba nanipud langit: no adda mangan itoy a tinapay, agbiagto nga agnanayon, ket #Heb. 10:5, 10.ti tinapay nga itdecto, a #Luc. 22:19.pacabiagan ti lubong isu ti lasagco.
52Dagiti Judio ngarud nagsusuppiat ti maysa ken maysa a cuncunada: Casano ti pannacabalin daytoy a tao a mangted cadatayo ti lasagna a canen?
53Ni Jesus ngarud kinunana cadacuada: Pudno, pudno; cunac cadacayo #Mat. 26:26, 28. Mar. 14:22-24. Luc. 22:19, 20. 1 Cor. 11:23, 27.no saancayo a mangan iti lasag ti Anac ti tao, ken uminum iti darana, awanancayo iti biag.
54Ti mangan iti lasagco, ken uminum iti darac, adda biagna nga agnanayon: ket isu pagungarecto iti camaudianan nga aldaw.
55Ta ti lasagco pudno a pagtaraon, ket ti darac pudno nga inumen.
56Ti mangan iti lasagco ken uminum iti darac, #1 Juan 3:24; 4:15, 16.aggian caniac ket siac kencuana.
57Cas ti Ama a sibibiag imbaonnac, ket agbiagac gapu iti Ama; casta met a ti mangan caniac, agbiagto gapu caniac.
58Daytoy ti tinapay a bimmaba nanipud langit: #bil. 31, 49.Saan a cas cadagidi ammayo a nanganda ti mana ket natayda; ti mangan itoy a tinapay, agbiagto nga agnanayon.
59Dagitoy sinaona idi nanursuro iti sinagoga idiay #bil. 24.Capernaum.
Ni Jesus panawan dagiti adu cadagidi adalanna. Panangammo ni Pedro.
60Adu ngarud cadagidi adalanna, idi mangngegda kinunada; Naricut daytoy a sao, asino ti macabalin a dumngeg kencuana?
61Ngem ni Jesus, agsipud ta #Juan 2:25.naammoanna met laeng a dagiti adalanna agtantanabutobda gapu iti daytoy, kinunana cadacuada: Pacaitibcolanyo aya #Mat. 11:6.daytoy?
62 Anianto ketdin, no makitayonto ti Anac ti tao nga #Luc. 24:51.umuli #Juan 3:18.idiay yanna nga immuna?
63Ti espiritu ti mangted iti biag; ti lasag awan ti maitedna: dagiti sao nga insaoc cadacayo, espirituda ken biag.
64Ngem adda dadduma cadacayo a saan a mamati. Ta ni #bil. 71. Juan 18:11.Jesus nanipud idi damo ammona no siasino dagiti saan a mamati, ken no siasino ti mangliputto kencuana.
65Ket kinunana: Gapuna kinunac cadacayo #bil. 44.nga awan ti macabalin nga umay caniac, no saan nga impaay kencuana ti Ama.
66Nanipud idin, adu cadagiti adalanna nagsanudda, ket saanda a nakicuyogen kencuana.
67Kinuna ngarud ni Jesus cadagiti sangapulo ket dua: Dacayo pumanawcayo met aya?
68Ket simmungbat kencuana ni Simon Pedro: Apo, asinonto ti papananmi? Sica addaanca #Mat. 16:16.cadagiti sao ti biag nga agnanayon.
69Ket dacami namaticami ket naammoanmi a sica #Mat. 14:33.ti Santo ti Dios.
70Ni Jesus simmungbat kencuana: Dicay aya #Juan 13:18.pinili a sangapulo ket dua, ket maysa cadacayo isu diablo?
71Ket ni Judas ti kinunana, #Juan 12:4; 13:2, 26.anac ni Simon Iscariote, isu ti mangliputto kencuana, ta isu maysa met cadagiti sangapulo ket dua.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
JUAN 6: TB1973
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Ti Biblia © 1973 Philippine Bible Society
