JUAN 3
3
Si Jesus ug si Nicodemo
1Unya dihay usa ka tawo nga usa sa mga Pariseo, Nicodemo ang iyang ngalan ug usa siya ka pangulo sa mga Judio. 2Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.” 3Si Jesus mitubag kaniya, “Sa pagkatinuod gayod, sultihan ko ikaw, gawas kon ang tawo ipakatawo pag-usab,#3:3 pag-usab o gikan sa itaas. dili siya makakita sa gingharian sa Dios.” 4Ug si Nicodemo nangutana kaniya, “Unsaon man pagpakatawo sa usa ka tawo nga tigulang na? Makasulod pa ba siya pag-usab sa tagoangkan sa iyang inahan ug mahimugso?” 5Si Jesus mitubag, “Sa pagkatinuod gayod, sultihan ko ikaw, gawas kon ang tawo ipakatawo pinaagi sa tubig ug sa Espiritu, dili siya makasulod sa gingharian sa Dios. 6Ang gipakatawo sa unod, unod; ug ang gipakatawo sa Espiritu, espiritu. 7Ayaw ikahibulong ang akong pag-ingon kanimo, ‘Kinahanglan nga ipakatawo kamo pag-usab.’#3:7 pag-usab o gikan sa itaas. 8Ang hangin mohuros ngadto sa buot niyang padulngan, ug mabati nimo ang tingog niini apan dili nimo mahibaloan diin kini gikan o asa kini padulong. Ingon usab niana ang tanan nga gipakatawo sa Espiritu.” 9Si Nicodemo mitubag ug miingon kaniya, “Unsaon man pagkahimo niini?” 10Ug si Jesus mitubag kaniya, “Magtutudlo ikaw sa Israel, wala ba ikaw makasabot niini? 11Sa pagkatinuod gayod, sultihan ko ikaw nga kami nagsulti sa among nahibaloan ug nagpamatuod sa among nakita apan kamo wala modawat sa among pagpamatuod. 12Kon ako nagsulti kaninyo ug yutan-ong mga butang ug kamo wala motuo, unsaon man ninyo sa pagtuo kon sultihan nako kamo ug langitnong mga butang? 13Walay nakasaka ngadto sa langit gawas kaniya nga nanaog gikan sa langit, nga mao ang Anak sa Tawo#3:13 Ang ubang karaang sinulat nagdugang ug nga anaa sa langit. 14#Num. 21:9. Ug sama nga ang bitin giisa ni Moises didto sa kamingawan, kinahanglan usab nga iisa ang Anak sa Tawo, 15aron ang tanan nga motuo kaniya makabaton ug kinabuhing dayon.”#3:15 Ang ubang batid sa kasulatan nagtuo nga ang sulti ni Jesus hangtod sa bersikulo 21 ug ang uban hangtod lamang sa bersikulo 15.
16Kay gihigugma sa Dios ang kalibotan sa ingon nga tungod niana gihatag niya ang iyang bugtong Anak aron nga ang tanang motuo kaniya dili malaglag kondili makabaton sa kinabuhing dayon. 17Kay wala ipadala sa Dios ang iyang Anak nganhi sa kalibotan aron sa paghukom sa kalibotan kondili aron nga ang kalibotan maluwas pinaagi kaniya. 18Ang nagtuo kaniya dili na hinukman sa silot apan ang wala magtuo hinukman na sa silot, kay wala man siya motuo sa ngalan sa bugtong Anak sa Dios. 19Ug ang hukom mao kini, nga ang kahayag mianhi sa kalibotan apan ang kangitngit maoy gihigugma sa mga tawo labaw kay sa kahayag kay daotan man ang ilang mga binuhatan. 20Kay ang tanan nga nagbuhat ug daotan nagdumot sa kahayag, ug dili moduol sa kahayag, kay tingali unya ug madayag ang ilang mga binuhatan. 21Apan kadtong nagbuhat sa matuod moadto sa kahayag aron ikapadayag nga ang iyang mga binuhatan nahimo diha sa Dios.
Si Jesus ug si Juan nga Tigbautismo
22Human niini si Jesus ug ang iyang mga tinun-an nangadto sa yuta sa Judea, ug didto nagpabilin siya uban kanila ug namautismo. 23Ug si Juan usab namautismo didto sa Aenon duol sa Salim kay daghan man ug tubig didto. Ug ang mga tawo nangadto ug gibautismohan sila. 24#Mat. 14:3; Mar. 6:17; Luc. 3:19-20. Kay niadtong tungora si Juan wala pa man mabanlod sa bilanggoan.
25Ug nahitabo nga ang mga tinun-an ni Juan may gikalantugi nga usa ka Judio#3:25 usa ka Judio: Sa ubang karaang sinulat, mga Judio. mahitungod sa pagpanghinlo. 26Ug sila miadto kang Juan ug miingon kaniya, “Rabi, kadtong tawo nga uban kanimo didto sa tabok sa Jordan, nga imong gipamatud-an, ania karon, siya namautismo, ug ang tanang tawo nanugok ngadto kaniya.” 27Si Juan mitubag, “Walay tawo nga makadawat ug bisan unsa gawas sa ihatag kaniya gikan sa langit. 28#Juan 1:20. Kamo gayod saksi sa akong pag-ingon, nga ako dili mao ang Cristo, kondili gipadala ako una kaniya. 29Ang nakabaton sa pangasaw-onon mao ang pamanhonon. Ang higala sa pamanhonon nga nagtindog ug namati kaniya nalipay pag-ayo tungod sa tingog sa pamanhonon busa kining akong kalipay hingpit na karon. 30Siya kinahanglang mousbaw apan ako kinahanglang mokunhod.”#3:30 Ang ubang batid sa kasulatan nagtuo nga ang sulti ni Juan hangtod sa bersikulo 36.
Siya nga Gikan sa Langit
31Siya nga gikan sa itaas, labaw sa tanan; siya nga gikan sa yuta iya sa yuta ug nagsulti mahitungod sa mga yutan-ong butang. Siya nga gikan sa langit labaw sa tanan. 32Siya nagpamatuod mahitungod sa iyang nakita ug nadungog, apan walay midawat sa iyang pagpamatuod. 33Ang nagdawat sa iyang pagpamatuod nagbutang sa iyang timaan niini nga ang Dios matinud-anon. 34Siya nga gipadala sa Dios nagsulti sa mga pulong sa Dios kay sa walay sukod gihatag sa Dios ang Espiritu. 35#Mat. 11:27; Luc. 10:22. Gihigugma sa Amahan ang Anak ug ang tanang mga butang gitugyan niya ngadto sa iyang kamot. 36Ang motuo sa Anak may kinabuhi nga dayon; apan ang dili motuman sa Anak dili makakaplag sa kinabuhi, hinuon ang kapungot sa Dios magpabilin diha kaniya.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
JUAN 3: ABCEB
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
©Philippine Bible Society, 2011
