MATIU 1
1
A revereve huri retubui Jisas Kraes
1A revereve huri retubui Jisas, netui Devet, netui Ebraham.
2I Ebraham mo bava Aesak, ko i Aesak mo bava Jekob, ko i Jekob mo bava Juda mei retahine. 3I Juda mo bava Beres mei Sera, retahire Tama, i Beres mo bava Hesron, ko i Hesron mo bava Ram, 4ko i Ram mo bava Aminadab, ko i Aminadab mo bava Nason, ko i Nason mo bava Salmon, 5ko i Salmon mo bava Boas, retahine Rehab. I Boas mo bava Obed, retahine Rut; ko i Obed mo bava Sese, 6ko i Sese mo bava na ratahigi lawua hi Devet.
I Devet mo bava Solomon, retahine gahorai Uraia tau tomue, 7i Solomon mo bava Rehoboam, ko i Rehoboam mo bava Abia, ko i Abia mo bava Asa. 8I Asa mo bava Jehosavat, ko i Jehosavat mo bava Joram, ko i Joram mo bava Usia. 9I Usia mo bava Jotam, ko i Jotam mo bava Ehas, ko i Ehas mo bava Hesekia. 10I Hesekia mo bava Manase, ko i Manase mo bava Amon, ko i Amon mo bava Josia. 11I Josia I tubui mo bava Jekonaea mei retahine, lo tarogi hi ram reve vohoginire duvi Israel vano a Babilon.
12Lo tagugi hi rau reve vohoginire vano a Babilon, i Jekonaea mo bava Salatiel, ko i Salatiel I tubui Serubabel. 13I Serubabel mo bava Abiut, ko i Abiut mo bava Eliakim, ko i Eliakim mo bava Aso. 14I Aso mo bava Sadok, ko i Sadok mo bava Akim, ko i Akim mo bava Eliud. 15I Eliud mo bava Eliesa, ko i Eliesa mo bava Matan, ko i Matan mo bava Jekob, 16ko i Jekob mo bava Josev, nge hi u legi mei Meri, u hakovi Jisas, ngehi mo warea ve i Kraes.
17Giniehi, a teriterigi doluegi den Ebraham mo dadari lui Devet, a qatu hangavulu domwagi gaivesi. Den Devet mo dadari lo tarogi hi ram reve vohoginire vano a Babilon, a qatu hangavulu domwagi gaivesi; ko dena tarogi hi ram reve vohoginire vano a Babilon mo dadari lui Kraes, a qatu hangavulu domwagi gaivesi.
A voraana noi Jisas Kraes
18Nge ngaha a leo huri Jisas Kraes u vora mwere ngaha. I Josev mo waratau goro Meri, retahi Jisas, nge lune ingere rohe toga te bubugi mosigei, mo haqea ve mo tino gina Vui Gogona. 19I Josev tubune ingeie a tangaloi vovohoi, nge he tarani tea ve vin vagamaemaegi Meri lo nagora tangaloi; giniehi, ingeie mo lado ve vin teu vohogi rorongo ginie.
20Lune ingeie mo lado huri na gineu ingere ngaha, a engsel nona Huqe mo serelue lawea lolo boborea, mo veve vena, “Josev, netui Devet, gon mese matagu ve gon lai Meri gi gahoramu. Huri a gineu ngehi ingeie mo tino ginie mo vonai dena Vui Gogona. 21Nge vin hakovi na maresu, ko iniko goin warea gi Jisas, a vevenagi ingeie vin vagamwasoi na nona sinobu dena nora galegaleasi.”
22A gineu doluegi ingere ngaha mo vaire huri ve vin vagahorongi na leo nona Huqe ngehi u vevea gina singoi tangaloi ligoligogi: 23“Leo, a matavono vin tino ko vin hakovi na maresu, ko rain warea gi Emanuel.” (Lo noda leo ve, “I God mei gide.”)
24Siu i Josev mo rada, mo vai mwere hi a engsel nona Huqe u veve lawea, ko mo lai meri gi gahorana 25ingeie he bulusie tea mo dadari lune ingeie mo hakovi na maresu mwera. Ko i Josev vin warea gi Jisas.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
MATIU 1: HNT
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Bible Society of the South Pacific, 2013
