Genese 8
8
PENE VIII - 8
Te roroma ra te vai, e te aere mairā Noa ma i roto i te araka ra ki vao.#8:0 Kare e topata i akaataia ki roto i tei tataia. Kua akaataia ra ki ko nei.
1E TE #Gene 19:29; Exo 2:24; 1 Samu 1:19manako ra te Atua ia Noa, e te au mea ora katoa, e te au puaka katoa i roto katoa i te araka ra: #Exo 14:21e kua akaarara iora te Atua i tetai matangi na runga i te enua, kia mate taua vai ra. 2#Gene 7:11Momaniia iora te au tumu o te moana, e te au ngutupa o te rangi ra, e #Iobu 38:37akakoreia iora te ua no te rangi mai; 3E roroma marie atura taua vai ra i runga i te enua, kare i tivata: #Gene 7:24e ope akera taua au rā okotai anere, e rima ngauru ra, kua iti iora taua vai ra. 4E tae atura ki te itu o te marama, e te po okotai ngauru ma itu i taua marama ra, kua iri iora taua araka ra ki runga i te maunga ra i Ararata. 5Te roroma ua ra te vai e tae rava akera ki te ngauru o te marama ra, kare i tivata; e kitea iora te take maunga i te rā mua i taua marama ra okotai ngauru ra.
6E ope roa akera oki te au po e a ngauru ra, kua kiriti akerā Noa #Gene 6:16i te māramārama i angaia e ia no taua araka ra: 7E kua tuku aia i tetai orebi, ko tei rere atu e kua rere mai, e papa-maro roa akera te vai i runga i te enua nei. 8Kua tuku atura oki aia i tetai kukupa, kia kitea te kore anga o te vai i rungao i te enua; 9Kare ra o te kukupa toanga tapuae i kitea, kua oki maira aia ki te araka kia Noa ra, te vai ua ra oki te vai ki rungao i te enua e pini ua ake; e kua akatika atura aia i tona rima, rave atura, e totō maira ki roto i te araka kiaia ra. 10Kua tatari iora aia e po itu akera; e kua tuku akaou atura i taua kukupa ra ki vao i te araka ra; 11E kua oki maira taua kukupa i te aiai kiaia ra, e i ina, e rau olive paoia tei te vaa: kite akerā Noa e, kua iti te vai ki runga i te enua ra. 12Kua tatari iora oki aia e kia po itu rai; e kua tuku atura oki i te kukupa; e kare ïa i oki akaou mai kiaia.
13 # 8:13 Ou i te Mesia 2348. E tae akera ki te ono o te anere okotai ara o to Noa mataiti, i te po tai o te marama mua ra, kua papa-marō akera te vai runga i te enua ra; e kua kiriti akerā a Noa i te tapoki o te araka, kua akara iora, e ina, kua marō i rungao i te enua. 14E tae akera ki te rua o te marama, e te rua ngauru ma itu o te po i taua marama ra, kua marō te enua.
15E kua tuatua maira te Atua kia Noa, na ko maira, 16Ka aere ana ki vao i te araka, #Gene 7:13ko koe, e taau vaine, e aau puke tamariki, e nga vaine katoa a nga tamariki aau na. 17E tuku katoa oki #Gene 7:15te au mea ora katoa o nga mea ravarai ra ki vao, te au manu ra, e te au puaka ra, e te au mea totoro katoa e totoro aere ua ki runga i te enua ra; kia nui i te enua nei, #Gene 1:22kia anauia, e kia maata ratou ki rungao i te enua na. 18Kua aere iorā a Noa ki vao, e ana puke tamariki, e tana vaine, e nga vaine a nga tamariki nana, ratou katoa ra. 19E te au puaka katoa, e te au mea totoro katoa, e te au manu katoa, e te au mea katoa e totoro aere ua ki runga i te enua nei, i to ratou au tu, kua aere anake ïa ki vao mei roto mai i taua araka ra.
20E kua akatu iorā Noa i te atarau na Iehova; e kua rave iora #Levi 11i to te au puaka viivii kore katoa ra, e te au manu viivii kore katoa ra, e kua apai atura i te au atinga karakaratio ra ki runga i taua atarau ra. 21E ongi maira oki a Iehova i #Levi 1:9; Eze 20:41; 2 Kori 2:15; Ephe 5:2te aunga kakara; e kua na ko akerā Iehova i roto i tona ngakau, Kare rava au e #Gene 3:17; 6:17taumaa akaou i te enua i te tangata nei; kino uaorai te #Gene 6:5; Iobu 14:4; 15:14; Sala 51:5; Iere 17:9; Mata 15:19; Roma 1:21; 3:23manako o te ngakau tangata mei tona tamariki mea riki anga mai; #Gene 9:11,15kare oki au e ta akaou i te au mea ora katoa, mei taku i rave io nei. 22#Isa 54:9I teianei ra, e vai rai te tuatau tanumanga, e te kokotianga, te anu, e te pukakā, te akaū, #Iere 33:20,25e te paroro, te po, e te ao, e ope ua ake to te enua nei puke rā.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Genese 8: CIMB
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The Holy Bible in Cook Islands Maori, Reprinted from the edition of 1888 © United Bible Societies, 1972.