RIPHUTNA 2
2
1Khanchu, rinêng neh rivân chu a sunga om murdihei neh khan isiam zoi vang a nit tâk a. 2Pathianin a sûn sarinî a khan chu a thilsiam tinrêng a zoi a, sin itho kha arngam tâk a.#Heb.4:4,10. 3Pathianin a thilsiam murdi a zoi a, arngam tâk sikin a sûn sarinî chu ṭhat a vur a, a ser tâk a.#Fes.20:11. 4Rinêng neh rivân siam dân thurchi chu khangkah khan a nit.
Eden rikul
Pumapa Pathianin rinêng neh rivân a siam lâiah khan, 5rinêngah khan thingkung loisûl rêng rêng la om mak a, chimu khom la ṭoi mak a; Pumapa#2:5 PUMAPA: Hebrai Baibila Pathian riming IAHUA itia tep rang a nit a chu Adonai (PUMAPA) itin an tep tên tên ngai a. Biate Baibilah horoppuiin PUMAPA itia riziak a nit. Pathianin rinêng chungah rua a lân sûr no sikin neh loi itho rang miriam khom an la om no sikin a nit. 6Nikhomsela rinêng nuaia rithokin tui a hong suak a, amakhan rinêng kha ân rizil a.
7 Pumapa Pathianin rinênga ipil khah a lâk a, miriam a siam a, a nârah ringna rithuak khah a mût a; khanchu, miriam kha a hong ring tâk a.#1 Kor.15:45.
8 Pumapa Pathianin sak ram, Edena khan rikul a siam a, amakhan a miriam siam kha ân om tâk a. 9Rinênga rithokinPumapa Pathianin thing mit ila tak neh â râ ifa thei tinrêng ân ṭoi a. Rikul inlâina takah khan ringna thing neh â sia â ṭha riatna thing khom ân ṭoi sa a.#Thup.2:7; 22:2,14.
10Khante, Edena rithokin rikul ifâ rangin vadung ân luang a; rikul pêntiang chu vadung ilikan a luang indar a. 11Vadung â khatna riming kha Pison a nit a; rângkachak tamna Havila ram pumpui ihuala luang a nit. 12Kha ramah khan rângkachak iṭha tak banah riak namhoi neh oniks lungilu khom a om a. 13Vadung â nikna riming khah Gihon a nit a; amakhah Kus ram pumpui ihuala luang a nit. 14Vadung â thumna riming khah Hidekal #2:14 Atûn lâia arming chu Taigris a nit. a nit a; amakhah Asuria ram sua tiang a luang a. Vadung â lina khah Eufratis a nit.
15 Pumapa Pathian khan miriam khah a ṭhui a, Eden rikulah khan â donsui neh â enkol rangin a sia tâk a. 16Khanchu, Pumapa Pathian khan, “Rikula thing tinrêng irâhei hih ni nuam lam takkan ni fâk thei; 17sia neh ṭha riatna thing irâ hih chu ni fâk rang ni mak e; ni fâkin chu ni fâk nî zelin nî thi ngêt rang a nit,” itin thu a pêk a.
18 Pumapa Pathian khan, “Miriam ama khât banga om hih ṭha mak e, ama risanpuia arkoppui rang itluk mi siam pêk ki ti,” a ti a. 19Khanchu, Pumapa Pathian khan rinênga pilin, ramsa tinrêng neh chunga vuang iva tinrêng khah a siam a; khanungchu, an riming îm a be rang iti riat nan Adama ziangah a ṭhui a. Adaman riming tinrênghei a lei ibe khah an riming a hong nit thal tâk a. 20Khanchu, Adama khan mîring tinrêng, chunga vuang ivahei neh ramsahei tinrêng khah riming a be chit a; nikhomsela, Adama risanpuia arkoppui rang itluk mi chu la omak a.
21Khanchu, Pumapa Pathian khan Adama khah inrimu nik takkan ân in thlar a, a in thlar lâiin a kângru khatkah a lâk a, kha mun khah taksan ân bit nôk a. 22Pumapa Pathian khan Adama kângru ai lâka rithoka khan nupang a siam a, Adama ziangah a ṭhui tâk a. 23Adama khan, “Amahih chu ker angpui, ki ru ata ru nei, ki taksa ata taksa nei chu a nit hiteh. Ipa ata lâk isua a nit sikin ‘Nupang’ itih rang a nit hi,” a ti a. 24Khasikin kêng ipân a nu neh a pa mâng a ta, a nupui rikoppui a ta; khanchu, takpum khatkah ni tâng an ti.#Mat.19:5; Mk.10:7-8; 1 Kor.6:16; Efes.5:31.
25Adama neh a nupui khah korongboin an om a; nikhomsela, izak ual mak e.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
RIPHUTNA 2: BIATBSI
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More