Matayo 1
1
1Lokasa loa lotango loa fɛtɔ ya bangau ba Yesu Masiya, wana wa Dawidi, wana wa Abalayama. 2Abalayama loota Yisaka; Yisaka loota Yakobo; Yakobo loota Yuda la bitungani yande; 3Yuda loota Pelese la Shela ko la Tamala; Pelese loota Eselone; Eselone loota Lama; 4Lama loota Aminadaba; Aminadaba loota Nasona; Nasona loota Salamona; 5Salamona loota Boasha ko la Laba; Boasha loota Obede ko la Luta; 6Obede loota Yese; Yese loota Dawidi ako Bɔkɔta.
Dawidi ako Bɔkɔta loota Solomo ko la lotika loa Uliya; 7Solomo loota Labama; Labama loota Abiya; Abiya loota Asa; 8Asa loota Yosopata; Yosopata loota Yotama; Yotama loota Aasha; 9Aasha loota Esikiya; 10Esikiya loota Manase; Manase loota Amona; Amona loota Yosiya; 11Yosiya loota Yekoniya la bitungani yande nda baunjwelo konda Babilona. 12La mbisa ya baunjwelo nda Babilona, Yekoniya loota Salatiele; Salatiele loota Shelubabela; 13Shelubabela loota Abiuda; Abiuda loota Eliyakima; Eliyakima loota Ashula; 14Ashula loota Sadoka; Sadoka loota Akima; Akima loota Eleyuda; 15Eleyuda loota Eleasha; Eleasha loota Matana; Matana loota Yakobo; 16Yakobo loota Yosefa ako bolome wa Malia, nyango wa Yesu oyasotangomo mbo Masiya.
17Ongoma fɛtɔ bitotina ko ende Abalayama ko ende Dawidi yende fɛtɔ liu la inɛi, la ende Dawidi ko nda baunjwelo nda Babilona bende fɛtɔ liu la inɛi, la konda baunjwelo nda Babilona ko nda lootomu loa Masiya bende fɛtɔ liu la inɛi.
Liotomu lia Yesu
18Liotomu lia Yesu Masiya liaka ngo ko ani— Nyango wande ako Malia aaka liäla lia Yosefa, kongo ko oso wa lisɔngɔni liau, Malia lɔɛnɛnɛ la lieme ko la Bolimo Botanu. 19Yosefa, olome wande, eoka aaka oto wa liengani, la atialɛmbɛkɛ ndochambola inde fololo, inde losanga oola liäla wisakumbo. 20Aenyelaka Yosefa loasɔ-lo, futuku bokitomo wa Mungu lɔɛnɛlɛ end’inde ko la saki, inde mbo— Yosefa wana wa Dawidi, owangëke ndɔsɔ Malia wali waɛ, eoka lisɔlɛ elisotol’inde lile ko elia Bolimo Botanu. 21Eotaka nde wana otolome, bofak’inde lina liko Yesu eoka end’Inde oyatouwesa bato bande nda njasɔ ibe yau. 22Ebi bitotina yaaka litina mbo eyaongömökö la Ngɛnɛ ko la Bɔtɔndɔli bikɔchɔmɔkɔ, biko mbo—
23Tɛnɛngo boseka nd’atoaelo lieme, la atoota nde wana otolome,
Inde efomoko lina liko Emanwele (litina mbo Mungu ale lasu).
24Limɔ Yosefa loemala yai nda ilɔ, inde lokela kwani akangesaka bokitomo wa Ngɛnɛ ekanges’inde, inde loiyesa Malia wali wande. 25Kongo ko atiaingaläkä lande oso ani atitaote wana otolome. Inde lota wana lina liko Yesu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Matayo 1: NTKE58
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
