Genesis 1
1
Nunalu Qiḷaglu Savaagummagnik
1Aullaqisaami, God-im savaŋagaik qiḷaglu, nunalu. 2Nuna irrusiqaŋaitchuq sutun suiñŋaruġlu. Taaqpaktuam matuŋagaa qulaa taġium itiruam, aasii God-im Ilitqusiŋa igliqtuaŋaruq qulaagun immam. 3#2 Co 4.6.Tavraasii God uqallaktuq, “Qaummaq iḷiḷi” aasii qaummaq niptaŋaruq. 4God-im iviġaumagiŋagaa tautuktani qaummaq. Tavraasii ilaaguaŋagaa qaummaq taaqtuamiñ, 5aasii ilaata atchiŋagaa qaummaq “Uvlumik” aasii taaqtuaq “Unnuamik.” Anaqauruaq qaaŋiŋaruq aasii uvlaaqłuni—tavra taamna sivulliq uvluq.
6-7 #
2 P 3.5. Tavraasii God uqallaktuq, “Siḷa iḷiḷi avgutauluni immamun ilimikkullaa illasiḷugik” taamnaasii iñiqtauŋaruq. Tavraasii God savaŋaruq siḷaksramik, avgutausaqługu immamiñ alliuruamiñ qulaaniittuamiḷḷu. 8Atchiŋagaa savaani “Siḷamik.” Anaqauruaq qaaŋiŋaruq aasii uvlaaqłuni—tavra taamna tugliġigaa uvlum.
9God aasii uqallaktuq, “Immat ataaniittuat siḷam atautchimun katillich, paliumaruaq nuna nuiyumauq” tavraasii savaaguŋaruq. 10God-im atchiŋagaa paliumaruaq nuna “Nunamik,” imaq aasii atautchimun katittani atchiqł̣ugu “Taġiumik.” Aasii God-im tautuktani iviġaumagiŋagaa. 11Tavra God uqallaktuq, “Nuna nauriḷi qanusipayauranik naurianik, nautchiaksraligniglu, napaaqtuniglu nunami siiġñiruksranik nautqiutiksraqallaalutiŋ qanusiugaluaġumiŋ.” Tavra tainna savaaguŋarut.
12Tavraasii nuna nauriŋaruq qanusipayauranik naurianik, qanusipayaaniglu siiġñalisuuruanik napaaqtunik aasii God-im tautuktani iviġaumagiŋagaa. 13Anaqauruaq qaaŋiŋaruq aasii uvlaaqłuni—tavra taamna piŋayuat uvlut.
14Tavra God uqallaktuq, “Qaummatit niptaġlich siḷami ilaaguaqsaġlugu uvluq unnuamiñ suli nalunaiqsaġlugich nalautitchuuruat niqinaqiniġiḷḷu, ukpiqtuallu nalautchaaġuuraŋich sulliqaa uvluniḷu ukiuniḷu; 15qaummatauniaqtut siḷami qaummaġikkumauq nuna” aasii savaaguŋarut. 16Tavra God malġugnik aŋiruagnik qaummatiliuŋaruq, aŋiłhaaq aŋalatchisaqługu uvlumi aasii mikiłhaaq aŋalatchisaqługu unnuami; savaŋamammiuq uvluġianik. 17Inillaŋagaich qaummatit siḷami qaummatautquvlugich nunamun, 18aŋalatchitquvlugich uvlumiglu unnuamiglu, suli ilaaguaqsaġlugu qaummaq taaqtuamiñ. Aasii God-im tautuktani iviġaumagiŋagaa. 19Anaqauruaq qaaŋiŋaruq aasii uvlaaqłuni—tavra taamna sisamaŋat uvlut.
20Tavraasii God uqallaktuq, “Imaq siḷivilli iñugiaktuanik allakaaġiiñik iñuuruanik, aasii suli siḷa siḷivilli allakaġiiñik tiŋmianik.” 21Tavra God savaŋaruq taġiumi niġrutiniqługnik, qanusipayauranik iñuuruanik immami, qanusipayauraniglu tiŋmianik. Aasii God-im tautuktani iviġaumagiŋagai. 22Anniqsuunmik uqallaŋaruq iluqaiññun aasii uqallautivlugich niġrutit iñuuruat immami iñugiaksitquvlugich siḷivilġataġlugu taġiuq, suli uqallautivlugich nunamiittuat tiŋmiat iñugiaksitquvlugittauq. 23Anaqauruaq qaaŋiŋaruq aasii uvlaaqłuni—tavra taamna tallimaŋat uvlut.
24Tavra God uqallaktuq, “Nuna qanusipayauranik niġrutinigli: pamiqsaaguruaniglu pamiqsaaguŋitchuaniglu, nunami paamġuqtuanik, niġrutiniglu aŋiruanik mikiruaniglu” tavraasii savaaguŋaruq. 25Tavra God-im iluqaisa savaaġiŋagaich, niġrutit nunamiittuat allakaaġiiḷḷaat, pamiqsaaguŋitchuat, pamiqsaallu, qanusipayaallu paamġuqtuat, aasii God-im tautuktani iviġaumagiŋagaa.
26 #
1 Co 11.7. God uqallaktuq, “Tavraasii iñuliuqta; arriqaġlutiŋ irrusiqaġlutiglu uvaptiktun. Aŋalatchiñiaqtut iqalugnik, tiŋmianik, niġrutipayaaniglu, pamiqsaaguruanik pamiqsaaguŋitchuaniglu, nunapayaamiḷu paamġuqtuanik, aŋiruanik mikiruaniglu.” 27#Gn 5.1, 2.#Mt 19.4; Mk 10.6.Tavra tainna God iñuliuŋaruq, ilimisun iḷivḷugik. Aŋunmiglu aġnamiglu iñuliuŋaruq. 28Quviasaaġusiamik uqallautiŋagaik, “Iñugiaktuanik miqłiqsiyumausik, kiŋuvaaġiniaqtasik iñuuyumaut sumipayaaq nunami aasii aŋalallugu ilimiŋnik. Aŋalatchiriġuġivsik tavra iqalugnun immamiittuanun, tiŋmianun siḷamiittuanun, iluqaiññullu niġrutipayaanun nunamiittuanun.” 29God uqallaktuq, “Aitchuŋagivsi qanusipayauranik nautchiaksranik suli qanusipayaanik napaaqtunik siiġñiḷḷaruanik niqiksravsigñik; 30aglaan iluqaiññun pamiqsaaguŋitchuanun tiŋmiapayauranullu paamġuqtuapayaanullu nunami savaŋaruŋa ivigaanik akutuqpaligniglu naurianik niqiksraŋiññik.” Tavra savaaguŋaruq. 31God-im qiñiŋagaich savaapayaurani, aasii iviġaumagipiallaŋagaich. Anaqa qaaŋiġman aasii uvlaaġmauŋ—tavra taamna itchaksraġigaat uvlut.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Genesis 1: INUPIAQ
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)