قْلّ 6
6
عَلَ دُنِحَ هَلَكِ كِ نَشّ
1نَ تّمُي شّمّيٍ نُن عٍ شَ دِ فِنّيٍ نَشَ وُيَ قْلْ. 2عَلَ شَ مَلٍكّيٍ نَشَ يَبُ يِ دِ فِنّيٍ رَ عٍ شَ تٌقَنيِ مَ. مَلٍكّيٍ نَشَ ندٍيٍ سُفَندِ، عٍ نَشَ عٍ قِندِ عٍ شَ فِنّيٍ رَ.
3نَ شَنبِ، عَلَتَلَ نَشَ عَ قَلَ، «ﭑ مُ تِنمَ نِي شَ بُ عَدَ مَ قَتٍ عَبَدَن، بَرِ مَ دَالِسٍ نَ عَ رَ. عَ مُ دَنفِمَ حّ كّمّ حّ مْشْحّن نَ.»
4نَ وَشَتِ، عَ نُن وَشَتِ نَشَن قَ نَ شَنبِ رَ، نَبِيٌرٌ بْنسْي نُ نَ دُنِحَ مَ. نَ مَلٍكّيٍ نُن نَ دِ فِنّيٍ نَن نٍيٍ بَرِشِ. فٍرٍ سٌي بٍلٍبٍلٍيٍ نُن شِلِ شُنفبٍ كَنيِيٍ نَن نُ نَبِيٌرٌ بْنسْي رَ.
5عَلَتَلَ نَشَ عَ تٌ عَدَ مَ بَرَ كٌبِ. تّمُي بِرِن عَ شَ مَحْشُنيِيٍ قِندِشِ عَ كٌبِ نَن نَ. 6نَ نَشَ عَلَتَلَ تْورْ هَن عَ بَرَ عَ يّتّ مَشْرِن مُنقٍ رَ عَ عَدَ مَ دَاشِ. نَ قٍ نَشَ عَ بْحّ تْورْ كِ قَنيِ. 7عَلَتَلَ نَشَ عَ قَلَ، «عَدَ مَ بِرِن ﭑ نَشَن دَاشِ، ﭑ نَ بِرِن تٌنفٌمَ نّ دُنِحَ مَ. مِشِ يٌ، سُبٍ يٌ، بُبُسٍ يٌ، شْنِ نَشَن حّرّ مَ كٌورٍ مَ يٌ، ﭑ نَ بِرِن تٌنفٌمَ نّ دُنِحَ مَ، بَرِ مَ ﭑ بَرَ نِمِسَ عَدَ مَ دَاقٍ رَ.» 8كْنْ نُهَ تَن نُ رَقَن عَلَتَلَ مَ.
نُهَ شَ كُنكُي بَنبَنيِ
9نُهَ شَ تَرُشُي نَن يَ. نُهَ نُ قِندِشِ تِنشِنتْي نُن سّنِيّنتْي نَن نَ نَ وَشَتِ مِشِيٍ تَفِ. عَ نُ بِرَ مَ عَلَ نَن قْشْ رَ. 10دِ سَشَن نَن نُ نُهَ يِ رَ؛ سٍمِ، هَمِ، نُن يٍقٍتِ.
11دُنِحَ نُ بَرَ كَنَ عَلَ يَ عِ، عَ شَ قٍ حَاشِ نُ بَرَ فبٌ يّ. 12عَلَ نَشَ دُنِحَ تٌ، عَ كَنَشِ، مِشِ بِرِن قٍ حَاشِ رَبَقٍ. 13نَ كُي عَلَ نَشَ عَ مَسٍن نُهَ بّ، «ﭑ وَ مَ عَدَ مَ بِرِن تٌنفٌقٍ دُنِحَ مَ، بَرِ مَ دُنِحَ بَرَ كٌبِ عَ حَاشِ رَ. ﭑ وَ مَ عَدَ مَ بِرِن نُن دُنِحَ بِرِن كَنَقٍ. 14عَ لَنمَ عِ شَ كُنكُي بَنبَن وُرِ رَ، نَشَن شِلِ فٌقٍرِ. كٌنكٌي شَ لُ عَ كُي. دٌلٍ شَ سَ عَ كُي نُن عَ قَرِ. 15عِ شَ عَ يَءِلَن يِ كِ؛ عِ شَ كُنكُي رَكُيَ كَنكٍ يَ تٌنفٌ سٍننِ نُن سٌلٌقٍرٍ عَ نُن عَ تَفِ. عِ شَ عَ عِفبٌ كَنكٍ يَ قُ نُن كٍرٍن. عِ شَ عَ عِتٍ كَنكٍ يَ سٍننِ نُن عَ تَفِ. 16عِ شَ كُنكُي شُنيِ يَءِلَن، نْنفْن يَ كٍرٍن شَ لُ كُنكُي شُنيِ نُن كُنكُي دّ كِرِ تَفِ. عِ شَ نَادّ تِ عَ سّيتِ كٍرٍن مَ. عِ شَ عَ كُي رَبَفَن دْشْ سَشَن.»
17«نَ شَنبِ ﭑ تَن قَمَ يٍ رَدِندٍ دُنِحَ مَ. عَ مِشِ بِرِن سْنتْ. نِمَسٍ بِرِن قَشَمَ نّ. 18كْنْ ﭑ بَرَ سَاتّ تٌنفٌ عِ بّ. عِ سٌمَ نّ يِ كُنكُي كُي، عِ تَن نُن عِ شَ دِيٍ، عَ نُن عِ شَ فِنّ، عَ نُن عِ شَ دِيٍ شَ فِنّيٍ. 19عِ شَ قَ نِمَسٍ مْولِ بِرِن قِرِن قِرِن نَ، شّمّ نُن فِنّ. نَ نَن عَ تٌمَ عٍ كِسِمَ. 20شْنِ بْنسْي بِرِن قِرِن قِرِن، سُبٍ بْنسْي بِرِن قِرِن قِرِن، بُبُسٍ بْنسْي بِرِن قِرِن قِرِن، عٍ قَمَ عِ شْن، عِ شَ عٍ رَكِسِ. 21عِ شَ دٌنسٍ مْولِ بِرِن بَكِ كُنكُي كُي. عِ شَ سَ عَ رَفَتَ عِ تَن بّ عَ نُن عٍ قَن بّ.»
22نُهَ نَشَ عَ بِرِن نَبَ عَلَ نَشَن مَسٍنشِ عَ بّ.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
قْلّ 6: Soso
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
© 2015—Mission Evangélique Reformée Néerlandaise et les Traducteurs Pionniers de la Bible