Lucas 21

Ing Ain na ning Babaing Mebalu

(Marcos 12:41-44)

1Megumasid ya i Jesus king makapadurut at ikit na la ding masalaping babaldug king karelang ain king pibabalduganan kareti king Templo. 2Ikit nia naman ing metung a pakakalulung babaing mebalu; babaldug na la ding aduang salapi.#21:2 King Griego: lepta o aduang perang tangsu. 3Sinabi nang Jesus, Ing katutuan sasabian ku kekayu, ing pakakalulung babaing iti ya ing maragul a inain kesa karing sabla. 4Uling binie na ing sablang pagkabie na, oneng ila binie ra mu itang labis ketang kailangan da.

Ing Pamagsalita nang Jesus tungkul king Pangalasak na ning Templo

(Mateo 24:1-2; Marcos 13:1-2)

5Pipagsalitan da ring mapilan karela ing sintingan na ning Templo, ing sintingan a babie da ring marmol at ding ain a miyain king Dios. Inya sinabi nang Jesus, 6Ding akakit yung den, datang ing panaun, metung man alang mitagan a batung makatumpak king kalupa nang batu; mabaldug la ngan king gabun.

Ding Kaligaligan at Kasakitan

(Mateo 24:3-14; Marcos 13:3-13)

7 # 2ES 4:51—5:19. Ngarang mengutang kang Jesus, Maestro, kapilan malyari iti? At nanu ing palatandanan king pangatupad na niti?

8Pekibat na, Mingat kayu ban e na kayu alinlang ning ninuman. Uling dakal la ding datang king lagyu ku a sumabing, Aku ing Cristo! at Ing panaun dinatang na! E kayu tutuki karela. 9E kayu pailigalig nung makabalita kayung gera at rebolusyun. Kailangan king mapalyari la pa mu deti, oneng e mangabaldugan king ing kawakasan dinatang na.

10At ngana pa karela, Lusuban ne ning metung a bansa ing kalupa nang bansa at lumaban ya ing metung a kayarian king kalupa nang kayarian. 11Mika mangasikan a ayun, danup, at salut karing miyayaliwang lugal at ating lunto makapangilabut a bage a mangaragul a tanda a manibat banua. 12Bayu malyari iting sabla, pandakpan da kayu at ligaligan. Idala da kayu karing sinagoga ban litisan at ipasukul. King uli ku iyarap da kayu karing ari at karing gobernador. 13Iti ya ing maging masanting yung oras ban munie patutu tungkul kanaku. 14#Lc 12:11, 12.Ipanatag yu ing lub yu; e kayu paibalisa nung makananu yung ipagdipensa ing kekayung sarili; 15uling dinan da kayung amanu at kabiasnan a e na agyung labanan o tutulan ning ninuman karing kekayung kalaban. 16Agyang ding pengari yu, kapatad, kamaganak, at kakaluguran ipanganiaya ra kayu; ipapate da la ring mapilan kekayu. 17Pikasaman da kayu ding sabla king uli ku. 18Oneng metung man king buak yu alang mabating. 19Magpakatatag kayu uling king kekayung kapibabatan karin yu tanggapan ing kaligtasan.#21:19 King Griego: psyche o kaya kaladua.

Ing Pamagsalita nang Jesus tungkul king Pangalasak na ning Jerusalem

(Mateo 24:15-21; Marcos 13:14-19)

20Potang akit yu neng kukubkuban da ring sundalus ing Jerusalem, abalu yu king e lumuat malasak ne. 21Sukat lang tumakas karing bunduk ding atyu king Judea at sukat lang mako ding manuknangan king siudad, at e na la sukat lungub pa karin ding atyu king baryu. 22#Hos 9:7.Uling ila deti ring Aldo ning Pamamarusa ban matupad ing sablang sasabian ding Kasulatan. 23Maging makalunus la ding mabuktut at ding pasusu karing aldo deta! Uling datang ing maragul a kasakitan at mua ning Dios laban king bansang iti. 24Mate la ding mapilan king espada at idala da lang bihag ding aliwa karing sablang bansa. Damusakan de ring paganu ing Jerusalem anggang e mapupus ing panaun a mitakda para karela.

Ing Paniatang na ning Anak ning Tau

(Mateo 24:29-31; Marcos 13:24-27)

25 # Isa 13:10; Eze 32:7; Joel 2:31; Kap 6:12, 13. Mika ating palatandanan king aldo, king bulan at karing batuin. Magulu la ding bansa keti king yatu at malitu uli na ning dagat at ning alun. 26Mabungsul la ding tau king takut at king pamanisip da karing bage mapalyari king yatu; uling mayugun la at milisia la dalan ding planeta at ding aliwa pang bage king banua. 27#Dan 7:13; Kap 1:7.King panaun a ita, akit deng daratang ing Anak ning Tau libutad na ning biga at kayabe ning maragul a kayupayan at kamalan. 28Kabud magumpisa na lang mapalyari deting bage, tumula#21:28 King Griego: matna kayu at itas ding buntuk yu. kayu uling malapit na ing pangaligtas yu.

Ing Aral a Tuturu na ning Tanaman a Higera

(Mateo 24:32-35; Marcos 13:28-31)

29Kaybat na nita, selita neng Jesus karela ing metung pang talimhaga. Ngana, Lawan ye ing tanaman a higera at ding aliwa pang tanaman. 30Nung akit yu na lang manulud, balu yu king malapit na ing kaleldo. 31Makanyan munaman, potang akit yu na lang mangapalyari deting bage, abalu yu king malapit neng datang ing Kayarian ning Dios.#21:31 O kaya: Pamag-ari ning Dios.

32Tandanan yu! Mapalyari ngan ing sablang bage iti bayu la ngan mangamate ding taung mabibie ngening kasalukuyan. 33Lumipas ya ing banua at ing yatu, oneng manatili ing amanu ku.

Mingat Kayu

34Mingat kayu! E yu paburen ing mipasoso kayu king katakawan at pamaglasing, at e kayu paibalisa king pamanintun kabiayan, pota dasnan na kayu ning Aldong ita a e kayu makasadia.#21:34 King Griego: bitag o silu. 35Uling datang ya ing aldong ita king e ra piadian ding sablang tau king mabilug a yatu. 36Inya, magsadia kayu king balang oras; manalangin alang patugut ban mika sikanan kayu at aligtasan yu ing sablang mangapalyari at ban makayarap kayu king Anak ning Tau.

37 # Lc 19:47. Aldo-aldo tuturu ya i Jesus kilub ning Templo at mamako ya mu neng bengi at magpaynawa king Bunduk ding Olibo. 38Inya maranun pa pupunta na la king Templo ding tau ban makiramdam kang Jesus.

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

Lucas 21: PmPV

Highlight

ಶೇರ್

ಕಾಪಿ