Genesis 3
3
Ing Panganabu na ning Tau king Kasalanan
1 # Kab 2:24; Kap 12:9; 20:2. Ngeni, ing ubingan ya ing mautak#3:1 O kaya: tosu o cunning king Inglis. dili karing animal a lelangan na ning Ginung Dios. Nganang mengutang ning ubingan king babai, Tutu pin king binawal na kayung mangan ning Dios king isanu pa mang bungang tanaman king mulahan?
2Pekibat na ning babai king ubingan, Malyari keng mangan karing bunga da ring tanaman king mulahan; 3subali mu king bunga na ning tanaman a atyu king libutad ning mulahan. Sinabi na ning Dios king e mi ya kakanan a bunga ni tatagkilan man. Kabud daptan yu ita, ngana, mate kayu.
4Oneng ngana ning ubingan king babai, E tutu yan. E kayu mate! 5Balu na ning Dios king kabud mangan kayu maging anti kayung Dios at mibuklat kayu mata, at abalu yu ing mayap at ing e mayap.
6Ikit na ning babai king masanting yang lalawan ing tanaman at maniaman yang kanan a bunga at dapat yang pagnasan uling babie yang kabiasnan. Inya kinangwa ya karing bunga na at pengan ne; dininan nia naman ing asawa na at mengan ya.
7Kanita mu rin mibuklat la mata at ikit da ing lubas la. Inya pitungi da la ring bulung higera ban takpan ing sarili da. 8Inyang damdaman deng lalakad king mulahan ing Ginung Dios king marimla nang dake ning patingapun, sinalikut ya ing lalaki at ing asawa na king Ginung Dios libutad ding tanaman ning mulahan. 9Kanita inaus ne ning Ginung Dios ing lalaki at kitnan ne, Nu ka karin?
10Pekibat na, Dimdam da kayu king mulahan, oneng tatakut ku uling lubas ku. Inya sinalikut ku.
11Kanita kitang na ning Dios, Ninu waring sinabi kekang lubas ka? Mengan ka king bunga na ning tanaman a binawal kung kanan mo?
12Pekibat na ning lalaki, Ing babaing binie yung maging kayabe ku ya ing minie king bunga na ning tanaman kanaku at pengan ke.
13 # 2 Cor 11:3; 1 Tim 2:14. Kanita kitang na ning Ginung Dios king babai, Obat gewa mu ing anti kanyan?
Pekibat ning babai, Lininlang na ku ning ubingan, inya mengan ku.
Sildak na ning Dios ing Kaparusan
14Kanita ngana ning Ginung Dios king ubingan, King gewa mung yan misumpa ka; karing heganaganang animal ika mung bukud ing misumpang anti kaniti: manibat ngeni gumapang ka king kapamilatan na ning kekang atian at alikabuk ing kekang kanan kabang mabie ka. 15#Kap 12:17.Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.#3:15 O kaya: tuktukan me ing sakung na.
16Ngana naman king babai, Dagdagan ku ing kasakitan mu king kekang pamanganak; king sakit ibait mu la ding anak mu. Makanyan man pagnasan me pa mu rin ing asawa mu at pailalam ka king upaya na.
17 # Heb 6:8. Ngana namang sinabi king lalaki,#3:17 O kaya: Adan. Uling mekiramdam ka king asawa mu at mengan king bunga ning tanaman a binawal kung kanan mu, misumpa ya ing gabun uli mu. Kailangan kang magal ba mung apangan ing bunga na kabang mabie ka. 18Palto yang dikut at tanaman a masuksuk at mangan kang tanaman gubat. 19Mika pamangan ka kapamilatan na ning tulu ning pawas mu angga king magbalik ka king gabun nung nu ka ibat, uling king gabun ka ibat, king gabun ka naman mibalik.
20Pemalagyuan neng Eva ning lalaki ing asawa na uling ya ing meging ima na ning meto ketawan. 21Ginawa yang imalan ing Ginung Dios a ibat king balat animal at piniblasan na la.
Mitabi la ri Adan at Eva king Mulahan
22 # Kap 22:14. Kanita ngana ning Ginung Dios, Oyni ing tau; meging kalupa ta ne. Balu na na ing mayap at ing e mayap. Inya e ya sukat mipaintulutan kumang bunga king tanaman na ning bie at mangan kaniti at e mate kapilan man. 23Inya tinabi ne ning Ginung Dios ing tau king Mula ning Eden ban tamnan ne ing gabun a penibatan na. 24Tinabi ne king mulahan ing tau at dela ne king bandang aslagan na ning Mula ning Eden at mibili yang kerubin#3:24 KEUBIN: mabie lelangan. (Lawan ya ing glosaryo.) at metung a espadang milalablab mamarap nu man karin ban magbante king dalan papunta king tanaman na ning bie.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Genesis 3: PmPV
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Philippine Bible Society New Testament © 1981, Bible © 1994