Mātaio 5
5
Te ako'anga i runga i te maunga
(Mātaio 5.1—7.29)
1E kite atura a Iēsū i te au urupū tangata ra, kake atura aia ki runga i te maunga ē no'o i'ora ki raro. Ē kua 'aere maira tāna au pipi ki aia ra. 2Ē kua 'akamata atura aia i te 'āpi'i i a rātou, nā kō atura,
Te au 'akameitaki'anga
(Luka 6.20-23)
3“'E ao tō tei puta'ua te ngākau;
nō rātou te bāsileia o te ao.
4 #
Isa 61.2
'E ao tō tei auē ē te mi'i;
e 'akapūma'ana'ia rātou.
5 #
Sal 37.11
'E ao tō tei marū;
e riro i a rātou te 'enua.
6 #
Isa 55.1,2 'E ao tō tei pongi ē tei kakī i te tuatua tika;
e 'akapangia'ia rātou.
7'E ao tō rātou tei aro'a i a ēta'i kē ra;
e aro'a katoa'ia mai rātou.
8 #
Sal 24.3,4 'E ao tō tei mā te ngākau;
e kite 'oki rātou i te Atua.
9'E ao tō tei 'akamoe'au;
e karanga'ia rātou 'e tamariki nā te Atua.
10 #
1 Pet 3.14
'E ao tō tei tākinga kino'ia nō te tuatua tika ra;
nō rātou te bāsileia o te ao.
11 #
1 Pet 4.14
“'E ao tō kōtou kia 'akakino mai ē kia tākinga kino mai, ē kia tāpepe pikika'a 'ua mai te tangata i a kōtou i te au kino katoa nei nōku nei. 12#2 Par 36.16; Anga 7.52E rekareka kōtou ē kia rere 'ua i te rekareka; 'e tūtaki ma'ata 'oki tā kōtou i te ao ra. I pērā 'oki rātou i te tākinga kino'anga i te aronga peroveta i mua ake i a kōtou.”
Te miti ē te mārama
(Māreko 9.50; Luka 8.16; 11.33; 14.34-35)
13 #
Mār 9.50; Luk 14.34,35 “Ko kōtou te miti nō te 'enua, kāreka kia māngarongaro te miti ra, 'e a'a atura te mea e kavakava ai? Kua riro ia 'ei mea pu'apingakore, ē e tīria'ia ki va'o ē e takataka'i'ia e te vaevae tangata.
14 #
Ioa 8.12; 9.5 “Ko kōtou te mārama o te ao nei. Tēta'i 'ōire i 'akatū'ia ki runga i te maunga ra, kāre ia e ngaro. 15#Mār 4.21; Luk 8.16; 11.33Kāre 'oki te tangata e tutungi i te lāmepa ka tuku atu ei ki raro ake i te 'āite, 'ei runga rā i te vairanga kia mārama tō roto kātoatoa i te 'are. 16#1 Pet 2.12Koia katoa tō kōtou mārama kia kakā ia ki mua i te aroaro o te tangata nei, kia kite rātou i tā kōtou au 'anga'anga meitaki, ē kia 'akakakā atu rātou i tō kōtou Metua i te ao ra.”
Te 'āpi'i'anga nō runga i te Ture
17“Auraka e manako ē, i 'aere mai au e 'akakore i te Ture ē tā te au peroveta ra. Kāre au i 'aere mai e 'akakore, e 'akatupu rā. 18#Luk 16.17Koia mou tāku e karanga atu ki a kōtou na, e kore ake te rangi ē te 'enua, kāre roa tēta'i 'iota ē tēta'i vā'i meangiti po'epo'e o te Ture nei e 'akaruke'ia, e 'ope tākiri te au mea rava rāi i te 'akatupu'ia. 19Ē tēta'i 'ua atu tangata tei 'akakore i tei meangiti rava o tēia au 'akaue'anga nei ē tei 'āpi'i atu i tēta'i kia pērā, e karanga'ia aia i te mea meangiti rava i te bāsileia o te ao. Kāreka tei 'ākono ē tei 'āpi'i i te reira ra, e karanga'ia aia i te mea ma'ata i te bāsileia o te ao ra. 20E 'akakite atu 'oki au ki a kōtou, kia kore roa 'e ma'ata atu tā kōtou tuatua tika i tā te au Pū'āpi'i Ture ē te au Phārīsea, kāre rava kōtou e ō ki roto i te bāsileia o te ao.”
Te 'āpi'i'anga nō runga i te riri
21 #
Exo 20.13; Deut 5.17 “Kua 'akarongo 'oki kōtou ē, i tuatua'ia mai ki te aronga ta'ito ra ē, ‘Auraka rava koe e tā 'ua; ē tei tā 'ua ra, e tau ia aia kia 'akavā'ia.’ 22Inārā, tē karanga atu nei au ki a kōtou, ko tēta'i 'ua atu tangata e riri ki tōna taeake, e tau ia kia 'akavā'ia. Ē ko tēta'i 'ua atu tei 'akakino atu i tōna taeake ē, ‘E Raka’, e tau kia 'apai'ia ki te Sūnēderi; kāreka ko tei karanga atu ē, ‘'E nēneva koe!’, e tau ia kia tīria'ia ki roto i te a'i o te pō. 23Ē tēianei, kia 'apai koe i tā'au 'apinga aro'a ki te 'atarau ē kua ma'ara i'ora koe i reira ē, e tā'ī'ī tā tō taeake ki a koe na, 24e vai'o atu i tō 'apinga ki mua i te 'atarau; e nā mua i te 'aere e 'aka'au ki tō taeake, ka 'aere ei koe ka 'apai i tā'au 'apinga aro'a.
25“Kia rapurapu koe i te 'akatika i a koe ki te tangata tei 'oro i a koe ki te 'akavā'anga i tō kōrua 'aere'anga nā te arāta'a; ko te tuku ā'ea aia i a koe ki te 'akavā nui ra, ē ko te tuku ā'ea te 'akavā nui i a koe ki te 'akavā ra, ē e tīria'ia atura koe ki roto i te 'are 'āuri. 26Koia mou tāku e karanga atu ki a koe, kāre tākiri koe e 'aere mei reira mai ki va'o, ē kia 'oko na rava'ia koe e tae 'ua atu ki te tene 'openga ra.”
Te 'āpi'i'anga nō runga i te 'akaturi
27 #
Exo 20.14; Deut 5.18 “Kua 'akarongo 'oki kōtou ē i tuatua'ia mai ē, ‘Auraka rava koe e 'akaturi.’ 28Tē 'akakite atu nei rā au ki a kōtou, ko tei 'ākara 'ua atu i tēta'i va'ine e 'akatupu i te 'inangaro, kua 'akaturi takere aia i taua va'ine ra i roto i tōna 'ua'orāi ngākau. 29#Māt 18.9; Mār 9.47Ē tē 'apa na koe i tō'ou mata katau, e nanao atu, e titiri kē atu! 'E meitaki 'oki koe mē mate tēta'i ō'ou mero, i tō'ou kōpapa katoa kia 'uri'ia ki roto i te pō. 30#Māt 18.8; Mār 9.43Ē tē 'apa na koe i tō'ou rima katau, e tīpū, e titiri kē atu! 'E meitaki 'oki koe mē mate tēta'i ō'ou mero, i tō kōpapa katoa kia 'uri'ia ki roto i te pō.”
Te 'āpi'i'anga nō runga i te kōpae'anga tāne ē te va'ine
(Mātaio 19.3-12; Māreko 10.11-12; Luka 16.18)
31 #
Deut 24.1-4; Māt 19.7; Mār 10.4 “I tuatua'ia 'oki ē, ‘Ko tei kōpae i tāna va'ine, e tuku atu i tēta'i tuatua kōpae ki aia ra.’ 32#Māt 19.9; Mār 10.11,12; Luk 16.18; 1 Kōr 7.10,11Tē 'akakite atu nei rā au ki a kōtou, ko tēta'i 'ua atu tei kōpae i tāna va'ine, māri 'ua nō te 'akaturi, kua 'akariro aia i aia 'ei 'akaturi; ē tei 'akaipoipo i tei kōpae'ia ra, kua 'akaturi katoa aia.”
Te 'āpi'i'anga nō runga i te taputo'u
33 # a:
Lev 19.12; b:
Num 30.2; Deut 23.21 “Kua 'akarongo ana 'oki kōtou ē, i tuatua'ia mai ki te aronga ta'ito ra ē, ‘Auraka koe e taputo'u pikika'a 'ua,’ pērā katoa, ‘E 'akatupu rā i tā'au i taputo'u ki te 'Atu ra.’ 34#a: Iako 5.12; b: Isa 66.1; Māt 23.22Tē 'akakite atu nei rā au ki a kōtou, auraka e taputo'u, auraka rava; auraka i te rangi, ko te terōno ia nō te Atua; 35#a: Isa 66.1; b: Sal 48.2auraka i te 'enua, ko tōna ia pange vaevae; auraka i Iērūsalēma, ko te 'ōire ia o te Ariki ma'ata. 36Auraka katoa koe e taputo'u i tō'ou 'ua'orāi ūpoko, nō te mea, kāre e rauka i a koe i te 'akateatea mē kāre i te 'akakerekere i tēta'i kata rauru 'okota'i. 37Kia riro rā tā kōtou ‘koia’ 'ei ‘koia’, ē tā kōtou ‘kāre’ 'ei ‘kāre’. Ē ko tei ma'ata atu i ēia nei ra, nō roto mai ia i te Mea Kino.”
Te 'āpi'i'anga nō runga i te 'aka'oko
(Luka 6.29-30)
38 #
Exo 21.24; Lev 24.20; Deut 19.21 “Kua 'akarongo 'oki kōtou ē, i tuatua'ia maira ē, ‘'E mata ra 'ei mata ia te tūtaki, 'e ni'o ra 'ei ni'o ia.’ 39Tē 'akakite atu nei rā au ki a kōtou, auraka e pāto'i atu i te tangata kino. Inārā, ko tei moto mai i tō'ou pāpāringa katau nei, e 'ōronga katoa atu i tēta'i. 40Ē kia 'oro tēta'i tangata i a koe ki te 'akavā'anga ma te 'inangaro i tō'ou pereue ra, e 'ōronga katoa atu i tō'ou pona. 41Ē ko tei 'akaue mai ki a koe e 'aere koe e ta'i maire, e 'aere atu kōrua e rua maire. 42E 'ōronga atu ki tei pati mai ki a koe ra, auraka e 'aka'oki pu'apingakore i tei 'inangaro i te o'u mai ki a koe.”
Te aro'a'anga atu i te au 'enemi
(Luka 6.27-28,32-36)
43“Kua 'akarongo 'oki kōtou ē, i tuatua'ia maira ē, ‘E aro'a atu i tō'ou tangata tupu, e mākitakita atu i tō'ou au 'enemi.’ 44Tē 'akakite atu nei rā au ki a kōtou, e aro'a atu i tō kōtou aronga 'enemi, e pure 'oki nō te aronga tei tākinga kino mai i a kōtou, 45kia riro mai kōtou 'ei tamariki nā tō kōtou Metua i te ao ra. Tē 'aka'iti nei 'oki aia i te rā ki runga a'o i te kino ē te meitaki, ē tē 'akatopa mai nei 'oki i te ua ki runga i te tangata tuatua tika ē te tangata tuatua tikakore. 46Nō te mea, mē aro'a atu kōtou i a rātou tei aro'a mai i a kōtou, 'e a'a tā kōtou tūtaki i reira? Kāre āina te aronga ko'i tero ē tē pērā katoa ra? 47Ē kia 'ārāvei kōtou i tō kōtou au taeake 'ua ra, 'e a'a te mea ma'ata tā kōtou e rave i tā ēta'i? Kāre āina te 'ētene e pērā katoa ra? 48#Lev 19.2; Deut 18.13Kia tiratiratū kōtou mei tō kōtou Metua i te ao ra i te tiratiratū ra.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Mātaio 5: CIMRNT
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
