Mātaio 1
1
Te 'ui tupuna o Iēsū
(Luka 3.23-38)
1'E 'akapapa'anga nō te 'ui tupuna o Iēsū Mesia, 'e tamaiti nā Dāvida, 'e tamaiti nā Āberahāma.
2'Ānau akera tā Āberahāma ko Īsā'aka; 'ānau akera tā Īsā'aka ko Iākōba, 'ānau akera tā Iākōba ko Iūda ē tōna au tuakana ē te au teina; 3'ānau akera tā Iūda ko Phāreza ē ko Zara i a Tāmara; 'ānau akera tā Phāreza ko Ēserōna, 'ānau akera tā Ēserōna ko Rama; 4'ānau akera tā Rama ko Āmīnādaba; 'ānau akera tā Āmīnādaba ko Na'asona; 'ānau akera tā Na'asona ko Salamona; 5'ānau akera tā Salamona ko Boāza i a Rā'aba; 'ānau akera tā Boāza ko Ōbeda i a Ruta; 'ānau akera tā Ōbeda ko Iēse; 6#2 Arik 24.14,15; 2 Par 36.10; Ier 27.20'ānau akera tā Iēse ko Dāvida te ariki ra.
'Ānau akera tā Dāvida ko Sōlomona i te va'ine a Ūria ra; 7'ānau akera tā Sōlomona ko Rēhōboāma; 'ānau akera tā Rēhōboāma ko Ābia; 'ānau akera tā Ābia ko Asa; 8'ānau akera tā Asa ko Iēhōsāphata; 'ānau akera tā Iēhōsāphata ko Iōrama; 'ānau akera tā Iōrama ko Ūzia; 9'ānau akera tā Ūzia ko Iōtama; 'ānau akera tā Iōtama ko Āhaza; 'ānau akera tā Āhaza ko Hēzekia; 10'ānau akera tā Hēzekia ko Manāse; 'ānau akera tā Manāse ko Āmona; 'ānau akera tā Āmona ko Iōsia; 11'ānau akera tā Iōsia ko Iēkōnia ē tōna 'ai taeake i te tuātau i riro tuika'a atu ei ki Bābulōnia ra.
12Ē kia riro tuika'a atu ei rātou ki Bābulōnia, 'ānau akera tā Iēkōnia ko Salatiela; 'ānau akera tā Salatiela ko Zērūbābela; 13'ānau akera tā Zērūbābela ko Ābiūda; 'ānau akera tā Ābiūda ko Ēliākima; 'ānau akera tā Ēliākima ko Āzora; 14'ānau akera tā Āzora ko Sādoka; 'ānau akera tā Sādoka ko Ākima; 'ānau akera tā Ākima ko Ēliuda; 15'ānau akera tā Ēliuda ko Ēleāzara; 'ānau akera tā Ēleāzara ko Mātana; 'ānau akera tā Mātana ko Iākōba; 16'ānau akera tā Iākōba ko Iōsēpha, te tāne a Māria, nāna i 'ānau i a Iēsū ra ko tei karanga'ia ē ko te Mesia.
17Ko te au uki kātoatoa i reira mei a Āberahāma maira e tae rava akera ki a Dāvida e rau nga'uru mā 'ā ia uki; mei a Dāvida maira e tae akera ki te riro'anga tuika'a ki Bābulōnia ra e rau nga'uru mā 'ā ia uki; ē mei te riro'anga tuika'a ki Bābulōnia e tae akera ki te Mesia e rau nga'uru mā 'ā ia uki.
Te 'ānau'anga o Iēsū
(Luka 2.1-7)
18 #
Luk 1.27
Ko te tū tēia o te 'ānau'anga o Iēsū Mesia: kua momoko'ia tōna metua va'ine ko Māria nā Iōsēpha. Kāre rā rāua i moe ake i nui ei aia i te Vaerua Tapu. 19Nō te mea 'oki ē 'e tangata tuatua tika a Iōsēpha tāna tāne ē kāre i 'inangaro i te 'akakite 'aere i tāna va'ine, kua manako i'ora aia i te 'akaruke pōiri 'ua i a Māria. 20Tē mā'ara'ara ra aia i te reira, ē inā, kua mama maira tēta'i 'āngela a te 'Atu ki aia nā roto i te moemoeā, kua nā kō maira, “E Iōsēpha, te tamaiti a Dāvida, auraka koe e mataku i te arataki mai i tō va'ine i a Māria ki ō'ou na, nō te mea, nō te Vaerua Tapu i nui ei aia. 21#Luk 1.31'E tamaiti tāna e 'ānau, ē ko Iēsū te ingoa tā'au e tapa nōna. E 'akaora 'oki aia i tōna 'iti tangata i tā rātou au 'ara.”
22I pērā taua au mea katoa nei kia tupu tei 'akakite'ia mai e te 'Atu nā roto i te peroveta i te nā kō'anga ē, 23#Isa 7.14“Inā, 'e nui te pāretēnia, ē 'e tamaiti tāna e 'ānau, ē e tapa'ia tōna ingoa ko Īmānuela.” Tēia 'oki te 'akatau'anga, “Te Atua ki ō tātou nei.”
24Kua ara akera a Iōsēpha i tāna moe ra, rave i'ora i tā te 'āngela a te 'Atu i 'akaue mai ki aia ra, ē kua arataki maira i tāna va'ine ki ōna ra. 25#Luk 2.21Kāre rā a Iōsēpha i rave atu i aia i mua ake ka 'ānau mai ei tāna tama, e tapa atura aia i tōna ingoa ko Iēsū.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Mātaio 1: CIMRNT
Highlight
ಶೇರ್
ಕಾಪಿ
Want to have your highlights saved across all your devices? Sign up or sign in
Cook Island Maori Revised New Testament © Bible Society of the South Pacific, 2021.
