Popular Bible Verses from CAWA'TA TUNITA 17

ಶೇರ್

Hay li ma busata vi Abram co dok-zleeŋe yam zleeŋe, Ma-Vatɗin vul tuwam kiramu dum ala: nanu mi Lawn ma Gaŋeraŋ-Petna, naŋ ma poy ɗigere dok-dok vok iranu.

Wulin ɗawni, nisi ma yaŋ ala Abram loɗi, may ma muɗ yaŋ ɗawn ala Abraham kay nan min muɗaŋ goy bum jaf-sumun ŋolo.

Nan min jun bonota van jaran hiɗi naŋu, hiɗi jafna vaŋ ma bugolaŋŋa, kuɗ jafsiya-jafsiya, ma li ɗawni ti bonota ta vat loɗita, hiɗi bono na'ta nan ma muɗ mi Lawna vaŋu hiɗi jafna vaŋ ma bugolaŋŋa kaw.

Kayni ti bonota ta nan juna' hiɗi naŋu, naŋ ma muɗ mi bum jaf-sumun ŋolo.

Lawn di'e: Cata vaŋ Sara ma vuɗaŋ goor gasiya, naŋ ma tunum selem ala Isaak. Nan ma jun bonota van hiɗi nam ɗawni, ti bonota ta vatɗina tam jafam bugolom ɗaw.

Nagat kaf ta naŋ ka musi haya' wulin ki pul ŋala kayni, nan min vulaŋga, nan min vula' mi jafna vaŋ ma bugolaŋŋa kaw, nagata Kanaan kaf nan min vulaŋga kay naŋ ma mus haya' dok-doko, nan ma muɗ mi Lawna visiya.

Abraham girif gaa vok Ma-Vatɗina, nam cena, nam ka di hay dikam ala: sa ma busata valam kisna vuɗ goor ɗawn vuɗtige? Sara kaw busata va' asay dok-zleeŋe noŋo, as a vuɗ goor lo su?

Lawna di tam Abraham: cata vaŋu naŋ ma ya' Saray loɗi, may naŋ ma joka' se' ala Sara.

Nigi ma ka gosaya, kayni mi va ma ɗek bonot ta jaran hiɗi nigita.

Nan ma jun bonota van hiɗi Isaak, namu Sara vuɗum ɗawn caka'a hay liyn ki tan nala.

Guro sa jufayna vigiya hay li ma buurta visi coowa glafandi, nigi ma kaasi gosaya, kuɗ jafna vigi kaf; la nisi vuɗ vo vigiya, la nigi gussi hiɗi gurju'u hay ɓam sum sa pulla sa may hay jafna vigiɗi kaw. Nigi ma ka gosay mi sum sa vuɗ hay ziyna vigiya hiɗi sum sa nigi gussi hiɗi gurjuta; bonota van ma li hay sliw tuwgi ɗawni ti bonota vatɗita.