Popular Bible Verses from Juan 9

ಶೇರ್

Ipora chachin catahuarahuë. Yosë natëto, ina marëꞌ sacatarahuë. Co huaꞌquiꞌ isoroꞌpaquë yaꞌhuarëhuahuëꞌ. Aꞌna tahuëriáchin pochin yaꞌhuërëhuaꞌ. Shiarahuaton tashihuachin, co huachi nanitarihuahuëꞌ maꞌsha nicacasoꞌ.

Isoroꞌpaquë yaꞌhuasoco, aꞌpintërinso pochin yaꞌipi piyapiꞌsaꞌ noꞌtëquën anitotërahuë, itërincoi.

Caꞌtanoꞌsanënpitacoi imarai niꞌton, quiyantaꞌ niꞌnai. —¿Onpoatontaꞌ Maistro iso quëmapi somaraya nasitërin? ¿Inaora oshanën marëꞌ nica? ¿Aꞌshin, paꞌpin, inapita oshanëna marëꞌ nica? Shaꞌhuitocoi nitochii, itërai. —Co inso oshanën marëꞌ ina pochin nasitërinhuëꞌ. Yosë nohuanton, ina pochin huaꞌhuatërin. Anoyatacaso marëꞌ naporin. Piyapiꞌsaꞌ niꞌpachinaꞌ, naꞌcon naꞌcon Yosë yonquiapi. “Ma noyacha Yosësoꞌ nanitaparin paya,” tosapi.

Napotohuachina, Quisosori itërin: —Isoroꞌpaquë oꞌmarahuë piyapiꞌsaꞌ noꞌtëquën shaꞌhuitaꞌhuaso marëꞌ. Somarayaroꞌsa nipisopita anoyarayatarahuë. Napoaponahuëꞌ: “Quiyaso noya niꞌtërai topisopitasoꞌ, asomarayatë pochin nitarahuë,” itërin.