Popular Bible Verses from Yôhan 13

ಶೇರ್

Gâp ăn nau vay mhe ntăm ma khân may, ăn khân may tâm rŏng ndrăng khân may nơm. Tâm ban ma Gâp rŏng jêh ma khân may, ăn khân may tâm rŏng ndrăng khân may nơm tâm ban lĕ. Lah khân may tâm rŏng ndrăng khân may nơm, yor ri, lĕ rngôch bunuyh mra gĭt khân may jêng oh mon Gâp.”

Ƀiălah, lah Gâp jêng Nơm Nti, jêng Kôranh Brah, hŏ rao jêh jâng khân may, pôri khân may tâm ban lĕ hăn rao hom jâng ndrăng khân may nơm. Yorlah Gâp hŏ ƀư leo trong jêh ma khân may, gay khân may ƀư tĭng nâm Gâp ƀư jêh ma khân may nây.

Brah Yêsu lah: “Aƀaơ, may ê hŏ gĭt rbăng ôh nau Gâp ƀư, ƀiălah nar kăndơ̆ may mra gĭt rbăng.”

Nanê̆, Gâp lah ngăn ma khân may: Oh mon mâu toyh lơn ma kôranh ôh, phung mbơh mâu lĕ toyh lơn ma nơm njuăl păng nơm.

Lah khân may gĭt lĕ nau nây jêh ri ƀư tĭng nau nây, khân may geh nau ueh maak ngăn.

yor ri Păng dâk tă bơh sưng sông, doh ao padih, sŏk bok kât ta bŭt Păng, jêh nây Păng nkhŭt dak ta ngan grưng, jêh ri ntơm rao jâng ma phung oh mon. Păng sŏk bok kât ta bŭt gay jut jâng khân păng.