Popular Bible Verses from Génesis 17

ಶೇರ್

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Jech muc xa ja'uc Abram abi. Li' ta orae ja' xa Abraham chc'ot abi, yu'un vo'ot stotot ep ta chop cristianoetic chac'ot cu'un.

Li c'usi ta jchapan ta atojole te chcom o ta stojol scotol li amomnich'nabtac ti ta to xtalique, ja' ti vu'un Diosun o avu'une, xchi'uc vu'un Diosun yu'unic ec li amomnich'nabtaque.

—Ja' jech li c'usi chapal chcom cu'un ta atojole: Vo'ot stotot ep ta chop cristianoetic chac'ot.

Li Diose jech la stac': —Li c'usi laj xa calbote ja' ti ta svoq'ues jun aquerem li avajnil Sarae. Ja' Isaac chavac'be sbi. Ja' ta sventa chcac' c'otuc ta pasel c'usi la jchapan ta atojol ti j'ech'el te chcom o ta stojol li smomnich'nabtaque.

Li vo'ot xchi'uc amomnich'nabtaque chacac'boxuc scotol li Canaán banamil te yo' bu nacalote. J'ech'el chavich'ic o comel. Jech noxtoc vu'un Diosun avu'unic o —x'utat.

Li Abrahame la squejan spatan sba ta banamil. Itse'in ti c'alal jech la snope: “¿Me xu' to ta xnich'naj jun vinic ti yich'oj xa vo'vinic (100) jabile? Xchi'uc ¿me xu' to ta x'alaj li Sara ti yich'oj xa lajuneb yo'vinic (90) jabile?”, xi la snop ta yo'nton.

Li Diose jech laj yalbe noxtoc li Abrahame: —Li avajnile mu xa ja'uc Sarai chcom sbi. Li' ta orae ja' xa ta xlic sbiin Sara.

Tsc'an chatuch'ic loq'uel snuculil sni' li ac'unilique yu'un ja' senyail chcom li c'usi la jchapantique.

Pero li c'usi chapanbil cu'une ja' ta xcom ta sventa li Isaac ti jeche' c'alal jabil ta xvoc' yu'un Sara jech chac c'u cha'al li'i —xi.

Li' tana xchi'uc le' to batele, scotol li bic'tal queremetic avu'unic ti vaxquib to c'ac'al svoq'uelique, ac'beic yich' circuncisión. Ja' no'ox jech ec li queremetic ti te voq'uem ta anaique, me xnich'nab amozoic ti manbil ta taq'uin avu'unique, xchi'uc boch'ouc no'ox yanlumal ti te achi'uquique, ac'o yich' circuncisión scotolic. Jech c'u cha'al ta xich' li boch'otic te voq'uemic ta anae, ja' jech ac'o yich'ic ec li boch'otic manbilic ta taq'uin avu'une. Jech te chcom o senyail ta abec'talic jayib c'ac'al cuxuloxuc li c'usi chapanbil cu'une.