Popular Bible Verses from Luka 3

ಶೇರ್

Athu attheene ebatiziwe, Yesu nayeenettho aabatiziwa. Avekelleeye, oddullu waahulleya. Nave Munepa Waweella aakitthella va olliye, awooneya wonanko ekhunda. Vano mawu yahiiweya ovenyera oddullu wi, “We tti Mwanaka ookondiwa. Kinnahakallalla ni murimaaka muttheene ni weyaano.”

Sika Yohane ahaalleella attheenaayo wi, “Kinuubatizani ni maaddi koma animawa mmodda muullupalli ookikhwaranya miyaano. Ngiphwanenlle naari ottaphulla mikwe dda esapato ddaye. Olliyooyo aneerewuubatizani ni Munepa Waweella ni munllo.

Mweereke ddeko ddawooniha wi moorukunuwa murima wonanko muteekho onimma ezipaso ddaphaama. Nave muhinallotaka weekhiinyu wi, ‘Abrahamu sika nikhollo nahu.’ Kinimuulleellani wi Mulluku ttuuwora otthattusa mallukwaalla okhalla edduullu dda Abrahamu.

Kottokwa ari khalle vatthi va orive muteekho wi yuuhe woohimma ezipaso ddaphaama wi ovokhelliwe viikho.”

Moollikana ni olemba wa namallotella Yesaya wi, “Okhuwa wa muthu mmodda muchipululuni onallalleya wi, ‘Llimani musewu wa Apwiya, okollani ettilla wi yeetemo. Nirive ntapo nivuhellelliwa, orive mwaango ni mwanamwaango ddineerokumulliwa. Misewu ddookhoromana ddineerewookolliwa, nave ettilla ddookateyakateya ddineeromwaramwarelliwa. Athu attheene eneerewoona ovullusa wa Mulluku.’ ”