Popular Bible Verses from यूहन्ना 6

ಶೇರ್

यीशुए तिनुखै बौल़ौ, “जीवन कै रोटै हांव औसौ, जू मैरै धोरे आला सै कौलोंई भूखा ना हौंदा औरौ जू मुं पांदी बिशवाश कौरला सै कौलोंई तिशा ना हौंदा।

पौरमेशवर कै आत्मा तौ जिन्दगी दैणौ वाल़ी औसौ, शोरीर शै किछै बै ना हौए सौकौ। मोऐं तुऔं कैंई जू बौल़ै राए, सै पवित्र आत्मा कै ढौबौशौ औसौ, औरौ सैजी बातौ आदमी कै सौदा कै जिन्दगी दैंव।

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

जिथुखै मैरै पिता पौरमेशवर कै ऐजी इछा औसौ, कै जू कुणिए मुखै जू पौरमेशवर का बैटा औसौ दैखौ, औरौ मुं पांदी बिशवाश कौरौ, सै सौदा कै जिन्दगी पांदा औरौ हांव तैसीखै आखरी दूसै हौजौ मौरेयौंदे मुंजीदै जियुंदी कौरे दैंदा।”

यीशुए तिनुखै जवाब दिया, “पौरमेशवर चांव कै तुऐं मुं पांदी बिशवाश कौरौ जैणै तैसी छाड़ै राए।”

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

शमौन पतरसे यीशु खै जवाब दिया, “ओए रै प्रभु आमै कोसके धोरे जोऊं? सौदा कै जिन्दगी कै बातौ तौ तैरै ही धोरे औसौ।

जीवन कै रोटै जू स्वर्ग शै उतरी रौए सै हांव औसौ जै कुणिए इयौं रोटी पौरैशौ खांव तौ हमैशा जियुंदा रौंदा औरौ जू रोटै हांव दुनिया कै लोगौ खै जीवन कारिए दियुंबा, सै मैरा शोरीर औसौ।”

कुणिए बै मैरै धोरे तांव तौड़ी ना आए सौकौ जांव तौड़ी मैरै भैजणौवाल़ा पिता पौरमेशवर, तैसी आपणै ढौबौ खैची ना दैंव; औरौ हांव तिनुकै आखरी दूसै हौजौ जियुंदी कौरु।

जिथुकै पौरमेशवर कै रोटै सैजै औसौ, जू स्वर्ग शै ओतरेयो दुनिया कै लोगौ कै जिन्दगी दैंव।”

जू जीवन दैंव सैजै रोटै हांव औसौ।

तोबै यीशुए रोटी कौरी औरौ पौरमेशवर का धन्यवाद कौरेयौ खै बोठणोवाल़ै खै बांडै दी, औरौ ऐशैखैई माछी बै जिशै सै चांव थिए बांडै दी। जोबै सै खाएयो खै छौकै गौवै तोबै तैणै आपणै चैलै खै बौल़ौ, “बौचेयौंदे रोटी कै टुकड़ै खै कौठै-कौरो, कै किछै बर्बाद नी हौए जांव।”

जोबै सै किश्‍ती चोलांदै-चोलांदै पाँच-छौ किलोमीटर कै लमसम निकल़ै गौवै, तोबै तिनुऐ यीशु खै झीलो पांदी चालदै औरौ नांव कै नेड़िक आन्दै दैखा औरौ डौरे गौवै। पौरौ तैणै तिनुखै बौल़ौ, “हांव औसौ, डौरेया नै।”