Popular Bible Verses from Mark 13

ಶೇರ್

Giimi paracco akkitoŋ ɗakita asan ku ay jobookeetaw. Maa gaa deero soopa baatiyne namma ya dessiti, deewa najjiyenta.»

Warroŋ maaƴi! Nuntoŋ nadiraŋgee asan ku ibinya ɗa baŋ ga wikinne kaaka asaa ya minke.

Wikinne maa guu bammitoŋ gu katawɗikitoŋ were ka parlanti pa, ku aɗoŋ karriya ɗa min omma oko beneyyi baŋ ku deeɗiya beneyya kuu me. Beneyyoŋ beneyyi ma asaatoŋ oko wikinne kaaka, asan ga beneyyi asaa ɗa min oko kuŋ, innasoopa ga asaa min oko Ruuhanti Mellayi.

Samaane o kiɗa akka masila, beneyyiŋgeetaw soopa masalla ɗa ta kaw.»

Gaa Iisa beneyyiyyoo payya oko jobookeetee gaa: «Lekka ɗa ma ibinca meene e baŋ gi saha ta asawti Runti Gimi, bala gu malaykatnigee ku samaani, bala ga Runti, illa ay Mella Baaba kayti ka ma ibinca.

Kuu geewa gu giimi beneyya ma gaari ku bokowwo katta e baŋ pa arro, ku aɗoŋ rawruwa ɗa, asan gu gaari kotti asaa ma tirta. A innasoopa, gi daa ɗa missa gaamití dunuuniti.

Naa pa kulla beneyyatoŋ naa ku nuntoŋ nadiraŋgee, asan ku ibinya ɗa wikinniti maa ga milti giiri asawɗo, baŋ ga asaa ma pootimooko e, e baŋ ga asaa ma ɗaɗɗakiti aandoŋŋi e, e baŋ ga ma walawti wiri e, e baŋ ga ma sossoko. Oko yookiti ga aɗitoŋ gassa ɗa kuu oƴee. Beneytu keeke pa maa na beneyya ay ka parattoŋ. Nuntoŋ nadiraŋgee!»

Ku akka ella gi jollo akka waca balle ma balle, o mulunne ma mulunne. Akka lekekka aziro ta kiɗaati o mayyee wereeriyee pay pay. Kooko pa deewa aleŋ diilo ta buybuyne ka wiyaawi.

A gata pa aŋka ƴa omma gi kabarre ta daana deeɗo taasenta oko ballee paracco.

Giimi maani akka asa ma semeetaw o gu beneyya goo gu ay Masi maa ga Mella aparre. Guu asiɗiy daɓalla pe giimi maani.

«Kuŋ soopa, giyyoŋga samaane latta ma akkitoŋ asa! Giimi deeɗikitoŋ katawwo unco wereeriyee ku parlanti, gu r̰ocoɗɗitoŋ aacco gerraco Yawudigeyyo ku giraaniti, o gu deeɗikitoŋ katawwo unco gubernernigeyyo o unco salaataŋgeyyo asan ku ay jobookeetaw, o ku deeɗo suyuudigeetaw.

A guta pa, giimi daare akka asa goo gu ay Masi, gata maa ga Mella aparre, o daare pa goo gu ay nabiinigee o ga ay borooli ka. Guu asiɗo leewo garaawi ku ajjibiti o gaari ma kakaaca kaya ku maa gu asiɗiy daɓalla ya giimi kulla maa ga Mella aparre guu gederra.

Gaa Iisa beneyyiyyoo payya oko jobookeetee gaa: «A wikinne maa guu meeni ku diiganti kotti ƴiile pa, gi paato rakamma o kooyo deewa ɗa payya purta, o kalli sobokka min samaani, o lawwi ma aaye samaani ma lekka gudirane yagaa.